ပူၤကွံာ်တၢ်ဂိၢ်ခါအကတီၢ်‚ ဖဲယလဲၤကွၢ်ကီ နှဆၢၣ်တၢ်စံၣ်စိၤတဲစိၤတၢ်ဒုးနဲၣ် အလီၢ်ဖးဒိၣ် လၢခီလရၠာစးါဒိၢ်န့ၣ် ယမၤလိန့ၢ်တၢ်ဂ့ၢ်အကါဒိၣ်တမံၤ လၢပ့ကၢးသ့ၣ်ညါတနီၤ‚ ဘၣ်ဃးဒီး သ့ၣ်ဆှိတကလုာ်န့ၣ်လီၤႉ မ့ၢ်သ့ၣ်ထီပယွဲၤလၢ အိၣ်ဒီးအကရၠာစးူၢ်‚အထူၣ်မိၢ်ပှၢ်၀ါ‚ ဒီးမဲထီၣ်လၢ အချံဖိတဖျၢၣ်သ့လီၤႉ သ့ၣ်တကလုာ်အံၤ အိၣ်ဒီး အဂံၢ်တဖၣ် ဆဲးရၠာစးၤထ့ဃၤလိာ်သးန့ၣ်လီၤႉ အဂံၢ်တဖၣ် မူ၀ဲအနံၣ်လၢ အကထိသ့‚ အမုၢ်အဘိမ့ၢ်တမဲထီၣ်ဒၣ်လဲာ် မူ၀ဲသ့န့ၣ်လီၤႉ အဂံၢ်တဖၣ် မူလၢဟီၣ်ခိၣ်လာ်‚ ခိးမ့ၣ်အူ ကအီၣ်တၢ်‚ ထံလုၣ်ဘၢတၢ်ဒီး မူခိၣ်ဖီအကစၢၢ်လီၤလာ် မၤဟိထီၣ်ပျီထီၣ် တၢ်လီၢ်အံၤ၀ံၤဒီး‚ သ့ၣ်ဆှိတဖၣ်အံၤ အဂံၢ်တဖၣ်န့ၣ် လၢခံကတၢၢ် မၤန့ၢ်မုၢ်အတၢ်ကိၢ်လၢၤ‚ ဒ်သိးသ့ၣ်ဆှိအမုၢ်ဖိတဖၣ်ကမဲထီၣ်ဒီး လၢခံကကဲထီၣ် သ့ၣ်ဆှိအမုၢ်ဖးဒိၣ်န့ၣ်လီၤႉ
လၢသ့ၣ်ဆှိတကလုာ်အံၤအဂီၢ်‚ နှဆၢၣ်အတၢ်လီၤပျံၤတဖၣ် မၤဟးဂီၤကွံာ်တၢ်န့ၣ် မၤအသးဒ်အဒုး မူထီၣ် တၢ်အဂံၢ်ဖိလၢ ကမဲထီၣ်ဒိၣ်ထီၣ်အဂီၢ်လီၤႉ စီၤယၤကိာ်ကွဲးဖျါထီၣ်၀ဲ လၢပတၢ်ဒိၣ်ထီၣ်အါထီၣ်လၢ တၢ်စူၢ်တၢ်နာ်န့ၣ် ကဲထီၣ်ဒိၣ်ထီၣ်၀ဲလၢ တၢ်ကီတၢ်ခဲ တဖၣ်အဃိသ့၀ဲန့ၣ်လီၤႉ အ၀ဲစံး တုၤသုလီၤလၢ တၢ်လ့ပစီအကလုာ်ကလုာ်ပူၤဒီး ပာ်အီၤလၢ တၢ်သူၣ်ခုသးခုခဲလၢာ်တက့ၢ်ႉ အဂ့ၢ်ဒ်အံၤ‚ သုသ့ၣ်ညါလၢ တၢ်မၤကွၢ် သုတၢ်နာ်န့ၣ်‚ ဒုးအိၣ်ထီၣ် တၢ်၀ံသးစူၤလီၤႉ ဘၣ်ဆၣ်ဒီး မ်တၢ်၀ံသးစူၤ အိၣ်ဒီး အတၢ်မၤအလၢအပှဲၤ ဒ်သိးသုကလၢထီၣ်ပှဲၤထီၣ်ဒီး အိၣ်ဒီးတၢ်ခဲလၢာ်‚ ဒီးတလီၤစှၤ ဘၣ်လၢ တၢ်နီတမံၤဘၣ်န့ၣ်တက့ၢ် (ယၤ ၁း၂-၄) ႉ
လၢတၢ်မၤကွၢ်အကတီၢ်န့ၣ်‚ ပသူၣ်ခုသးခုကီမးလီၤႉ ဘၣ်ဆၣ်ဒီး ပဟံးဃာ် တၢ်မုၢ်လၢ်အဂ့ၢ် အိၣ်လၢ ကစၢ်ယွၤကစူးကါသူ တၢ်ကီတၢ်ခဲတဖၣ်လၢ ကမၤစၢၤပှၤ တုၤပထီၣ်ဘးတၢ်ဒိၣ်တုာ်ခိၣ်ပှဲၤန့ၣ်လီၤႉ ဒ်သ့ၣ်ဆိှ၀ါတဖၣ်အသိး‚ တၢ်စူၢ်တၢ်နာ်ဒိၣ်ထီၣ်အါထီၣ် လၢတၢ်မၤကွၢ်အကတီၢ်‚ ဖဲတၢ်ကီတၢ်ခဲ မၤဟိ မၤပျီကွံာ် တၢ်လီၢ်လၢပသးပူၤ ဒ်သိးယွၤအတၢ်ကပီၤကထိးဘၣ်ပှၤအဂီၢ်န့ၣ်လီၤႉ