ပ၀ဲပှၤနီၢ်ဒိၣ်တဖၣ် တၢ်မၤလိသကိး လံာ်စီဆှံတဘျီအံၤ တၢ်တိာ်ထူန့ၣ် မ့ၢ်၀ဲ ‘‘မၤမုာ် ထီၣ်က့ၤ ယပှၤဂီၢ်မုၢ်’’န့ၣ်လီၤႉ ပှၤကတိၤတၢ်လၢ တၢ်ဂ့ၢ်ခိၣ်တီအံၤတဖၣ် ကတိၤတၢ် ဘၣ်ဃး တၢ်အၢၣ်လီၤအုၣ်ကီၤသးအဂ့ၢ်တဖၣ် တဂၤ၀ံၤတဂၤလီၤႉ ဘၣ်ဆၣ် ပှၤကတိၤတၢ်ဖိ လၢခံကတၢၢ်တဂၤတခီ အတၢ်ကတိၤအယုၢ်န့ၣ် ဆီတလဲသး ဖျိဖျိဖျါဖျါလီၤႉ အ၀ဲဃုထၢလံာ်စီဆှံ အတၢ်ဘၣ်ထွဲဖျါဖဲ ယံး ၇း၁-၁၁ န့ၣ်‚ ဒီးအတၢ်ကတိၤခိၣ်တီတခီ မ့ၢ်၀ဲ ‘‘ဖုသံနီၣ်ထီၣ်က့ၤလၢ နတၢ်မံအပူၤ’’ န့ၣ်လီၤႉ အတၢ်ကတိၤတဖၣ် မ့ၢ်တကပုာ်ဘၣ်ဆၣ်အိၣ်ပှဲၤဒီး တၢ်အဲၣ်အပူၤ‚ အ၀ဲတၤတၢ်ဒီးပှၤ ဒ်သိးပကဖုသံနီၣ် လၢပတၢ်မံပူၤဒီး ပကဃၣ်ကွံာ်သးလၢ ပတၢ်ဒဲးဘးတဖၣ်အပူၤန့ၣ်လီၤႉ
အ၀ဲသဆၣ်ထီၣ်ပခံ ဒ်၀ံယံးရၠာစးမံယၤအသိး လၢ ‘‘အိၣ်ခူသူၣ်လၢ ယွၤအတၢ် သးကညီၤအလီၢ်ခံ ဒီးမၤခူသူၣ်တၢ်အၢဆူညါကÎၢ်ကÎၢ်တဂ့ၤ’’ န့ၣ်လီၤႉ ‘‘ပပာ်ကဖၢလၢပသး လၢယမ့ၢ်ပှၤခရၠာစးံာ်ဖိ‚ ကစၢ်ယွၤအဲၣ်ယၤ‚ ယတပျံၤတၢ်အၢနီတမံၤဘၣ်’’ ဘၣ်ဆၣ်ပမၤပ၀ဲ ကယဲၢ်တၢ်အၢကိးမံၤလီၤႉ
ပသ့ၣ်ညါလၢ ၀ံယံးရၠာစးမံယၤအသးအိၣ်ပှၤ‚ ဘၣ်ဆၣ်လၢတၢ်သးတမုာ်တလၤ အပူၤ‚ ဒီးဒိကနၣ်အ၀ဲအတၢ်ကတိၤသ့ၣ်တဖၣ်လီၤႉ အတၢ်စံး ‘‘ကစၢ်ယွၤမ့ၢ် တၢ်အဲၣ် တၢ်ကွံ ဘၣ်ဆၣ် မ့ၢ်စ့ၢ်ကီးမ့ၣ်အူလၢအအီၣ်ကွံာ်တၢ်လီၤ (ကွၢ်ဖဲ ဧ့ၤ့ဘံၤ ၁၂း၂၉) ႉ တၢ်ဒဲးဘးန့ၣ် ပခီၣ်ဆၢအီၤတန့ၢ်နီတဘျီဘၣ်’’ န့ၣ်လီၤႉ
၀ံယံးရၠာစးမံယၤ လၢပျၢၤ သံကွၢ်အပှၤဂီၢ်မုၢ်တဖၣ်လၢ‚ ‘‘မ့ၢ်သုကဟုၣ်တၢ်‚ ဒီး မၤသံပှၤကညီ‚ ဒီးအဲၣ်ဘၢမါအဲၣ်ဘၢ၀ၤ ဒီးဆိၣ်တၢ်တတီဘၣ်‚ ဒီးဆိၣ်ကဲၤတၢ်နၢမူ လၢဘဧၤလးအဂီၢ်‚ ဒီးပိာ်ကစၢ်အဂၤတဖၣ်အခံလၢ သုတသ့ၣ်ညါဘၣ်အီၤ‚ ဒီး ဟဲဆၢထၢၣ်လၢ ယမဲာ်ညါလၢဟံၣ်ပူၤအံ ၤ‚ လၢတၢ်ကိးအီၤယမံၤဒီးစံး‚ ပပူၤဖျဲးလံ‚ ဒ်သိးသုကမၤတၢ်သးဘၣ်အၢအံၤခဲလၢာ်န့ၣ်ဧါ’’ (ယံး ၇း၉-၁၀) ႉ
ပှၤကတိၤတၢ်တဂၤအံၤ အတၢ်ကတိၤ ‘‘မၤမုာ်ထီၣ်က့ၤ ယပှၤဂီၢ်မုၢ်’’ န့ၣ် မ့ၢ်ယွၤအတၢ်မၤမုာ်ထီၣ်က့ၤလၢ အဂၤတကပၤန့ၣ်လီၤႉ ဒ်တၢ်လၣ် အခၣ်တကလုာ် လၢအမၤဘျါက့ၤ တၢ်ညၣ်ဂိၢ်တၢ်ဆါအသိး‚ အ၀ဲအတၢ်ကတိၤတဖၣ် မ့ၢ်တၢ်ကူစါ နီၢ်သးအတၢ်ကတိၤတဖၣ်လီၤႉ ဖဲပနၢ်ဟူ တၢ်ကတိၤလၢအဆူၣ်တဖၣ်ဒီး မ်ပသု တဟးကွံာ်ဆူတၢ်အယံၤတဂ့ၤႉ အခိၣ်တလိာ် မ်ပကဟ့ၣ်ဆၢက့ၤ တၢ်ဒိကနၣ်ဒီး န့ၢ်ဘၣ်အတၢ်မၤမုာ်ထီၣ်က့ၤန့ၣ်တက့ၢ်ႉ ူၠတမနညခန ီၠမာၠညင