ပှၤအိၣ်၀ဲတဂၤ ဖဲပှၤသံကွၢ်အီၤ‚ ‘‘တၢ်တသ့ၣ်ညါတၢ် ဒီးတၢ်သးတစဲ‚ တၢ်သးတအိၣ် န့ၣ် မ့ၢ်မုၢ်မဆါတနံၤအံၤ အတၢ်ဂ့ၢ်ကီဧါ’’ အခါန့ၣ်‚ အ၀ဲစံးဆၢဒီး မၤလီၤနံၤ၀ဲ‚ ‘‘ယတသ့ၣ်ညါဘၣ်‚ ယတကနၣ်ဃုာ်တၢ်ဘၣ်’’န့ၣ်လီၤႉ
ယဆိကမိၣ်ပှၤ လၢအသးဟးဂီၤအါမးတူၢ်ဘၣ်၀ဲဒ်သိးအံၤ ဘၣ်ဃးဒီး တနံၤအံၤ ဟီၣ်ခိၣ်ဒီးပှၤအိၣ်လၢအပူၤတဖၣ်န့ၣ်လီၤႉ ဘၣ်ဆၣ် ပတၢ် အိၣ်မူအပူၤ တၢ်သဘံၣ်ဘုၣ်တဖၣ် ဒီးတၢ်ဘၣ်ယိၣ်ဘၣ်ဘီ မ့ၢ်အိၣ်ဒီး ကစၢ်ခရၠာစးံာ်နၢ်ပၢၢ်၀ဲ လၢလၢပှဲၤပှဲၤ ဒီးအ၀ဲ ကဟုကယာ်၀ဲသပှၢ်တၢၢ်လီၤႉ လၢ ယ့ှှါယၤ ၅၃‚ လံာ်စီဆှံအလီၢ်လံၤတက့တူၢ် အတၢ်တဲဆိပာ်ဘၣ်ဃးဒီး ကစၢ်ခရၠာစးံာ် အတၢ်ပျၤထီအသးန့ၣ် ဒုးထံၣ်ပှၤ တၢ်လၢအ၀ဲ ကဘၣ်လဲၤခီဖျိကွၢ်ဆၢၣ်မဲာ် လၢပဂီၢ်လီၤႉ ‘‘ဘၣ်တၢ်မၤအၢမၤသီအီၤ ႉႉႉ ဒ်သိဖိလၢပှၤမိၤမၤသံအီၤအသိး’’ (း၇) ‚ ‘‘လၢအဒိးတၢ်ဒီၣ်တဲာ်ကွံာ်အီၤ လၢကီၢ်မူလၢယပှၤဂီၢ်မုၢ်အတၢ်ကမၣ်အဃိ’’ (း၈) ‚ ‘‘ဒီးဘၣ်ယွၤအသး လၢအမၤ သဘှံးအီၤ‚ မၤနးမၤဖှီၣ်အီၤလီၤႉ တုၤအပာ်ထီၣ်အသးလၢ တၢ်လုၢ်တၢ်ဒဲးဘးအဃိ ဒီးကထံၣ်ဘၣ်အချံအသၣ်‚ ကထုးထီအနံၤအသီ‚ ဒီးတၢ်ဘၣ်ယွၤအသး ကဘီၣ်ထီၣ် ညီထီၣ်လၢ အစုပူၤလီၤ’’ (း၁၀) ႉ
လၢထူၣ်စုညါအလိၤန့ၣ် ကစၢ်ခရၠာစးံာ် တူၢ်တ့ၢ်၀ဲပတၢ်ဒဲးဘး ဒီးပတၢ်ကမၣ်လီၤႉ
ပှၤအဂၤလၢ အတူၢ်တၢ်အါန့ၢ်ဒံးပကစၢ် လၢပဃိန့ၣ် တအိၣ်ဘၣ်ႉ ဒ်သိးကအုၣ်က့ၤ ခီၣ်က့ၤပှၤ လၢတၢ်ဒဲးဘးအဂီၢ် ကဘၣ်ဟ့ၣ်တၢ်အပရၤထဲလဲၣ်န့ၣ်‚ အ၀ဲသ့ၣ်ညါ၀ဲ ဘၣ်ဆၣ်လၢ တၢ်အဲၣ်တၢ်သးအိၣ်အပူၤ အ၀ဲဟ့ၣ်တ့ၢ်၀ဲဒၣ်လီၤ (း၄-၆) ႉ
မ့ၢ်လၢကစၢ်ခရၠာစးံာ်သမူထီၣ်က့ၤ လၢတၢ်သံအဃိ‚ အ၀ဲမူ၀ဲဒီးအိၣ်ဆိးဒီးပှၤ လၢမုၢ်မဆါတနံၤအံၤန့ၣ်လီၤႉ ပမ့ၢ်ကွၢ်ဆၢၣ်မဲာ် တၢ်အိၣ်အသး ဒ်လဲၣ်ဂ့ၤဒ်လဲၣ်ဂ့ၤ ကစၢ်ခရၠာစးံာ်နၢ်ပၢၢ်ဒီးသးအိၣ်၀ဲလီၤႉ ဒီးအ၀ဲကစိာ်ဆှၢခီဖျိပှၤလီၤႉ