သရၠာစးၣ်တဂၤဆှၢနုာ် တၢ်ကတိၤတဘီ လၢအမ့ၢ် ‘အ၀ဲဟ့ၣ်တ့ၢ်နၤ‚ ဆ့ကၤလၢ အကၤတ့ၢ်၀ဲတဘ့ၣ်’ ဆူတၢ်အိၣ်ဖှိၣ်ဖိသ့ၣ်တဖၣ်ဒီး စံးကတိၤသကိး၀ဲဒၣ်လီၤႉ ဒီးဟ့ၣ်ထီၣ်အကလုၢ်ဒီးစံး၀ဲ‚ ‘နမ့ၢ်ထုးကွံာ်ဆ့လၢ နကၤအီၤတဘ့ၣ်ဒီး ဟ့ၣ်လီၤဆူ ပှၤလၢ အလိၣ်ဘၣ်သ့ၣ်တဖၣ်န့ၣ်‚ တၢ်ကမၤအသးလၢနဂီၢ်ဒ်သိးလဲၣ်’’ န့ၣ်လီၤႉ တုၤ အ၀ဲသ့ၣ် ကတိၤသကိးတၢ်ဂ့ၢ်အံၤ၀ံၤဒီး‚ သရၠာစးၣ်ပာ်လီၤ အဆ့ကၤလၢ သရၠာစးိာ်အမဲာ်ညါန့ၣ်လီၤႉ ဒ်န့ၣ်အသိး အပျဲၢ်တဖၣ် ပာ်လီၤသကိး အ၀ဲသ့ၣ်အဆ့ကၤလၢ သရၠာစးိာ်အမဲာ် ညါ ဒ်သိးအသရၠာစးၣ်အသိးလီၤႉ ဆၢကတီၢ်န့ၣ် မ့ၢ်၀ဲ တၢ်ဂိၢ်ကတီၢ်အဃိ‚ အ၀ဲသ့ၣ် ဘၣ်က့ၤ၀ဲဆူအဟံၣ် လၢတၢ်တမုာ်တလၤအပူၤန့ၣ်လီၤႉ ဘၣ်ဆၣ် ပှၤလၢ အလိၣ်ဘၣ်သ့ၣ်တဖၣ်တခီ‚ ဒိးန့ၢ်ဘၣ်ဆ့ကၤအဃိ‚ မၤန့ၢ်က့ၤ တၢ်လၢၤလၢၤဖိအဃိ အိၣ်ဘၣ်ဆိးဘၣ်၀ဲလၢ တၢ်မုာ်တၢ်ခုၣ်အပူၤန့ၣ်လီၤႉ
ဖဲဘျၢတၢ်စီၤယိၤဟၣ် ဟး၀့ၤ၀ီၤ၀ဲလၢ ပှၢ်မုၢ်ကနၢ အပူၤန့ၣ်‚ အ၀ဲဟ့ၣ်ပလီၢ်ပှၤလၢ အဟဲဆူအအိၣ်‚ ဒီးကနၣ်အတၢ်ကတိၤတဖၣ်ဒီးစံး၀ဲ ‘‘ဂုၢ်ပွှၤတဖုဧၢ‚ မ့ၢ်မတၤသိၣ်သီသု ဒ်သိးကဃ့ၢ်လၢတၢ်သးထီၣ်လၢအကဟဲန့ၣ်တဂၤလဲၣ်‚ မၤသးဒ်န့ၣ်ဒီး တၤသၣ့်ကၢးဒီး တၢ်ပီၢ်ယၢ်လီၤက့ၤအသးန့ၣ်‚ သၣ်ထီၣ်တက့ၢ်’’ (လူၤ ၃း၇-၈) ႉ လၢတၢ်ပျံၤတၢ်ဖုးအပူၤ ပှၤဂီၢ်မုၢ်တဖၣ် သံကွၢ်အီၤ ‘‘မ့မ့ၢ်ဒ်န့ၣ်ဒီး ပကဘၣ်မၤပ၀ဲဒ်လဲၣ်’’ န့ၣ်လီၤႉ အ၀ဲဒၣ် စံးဆၢ ဒီးဟ့ၣ်ကူၣ်အ၀ဲသ့ၣ်လၢ ‘‘ပှၤလၢ အဆ့အိၣ်ခံဘ့ၣ်န့ၣ်‚ မ်အနီၤဟ့ၣ်ပှၤလၢ အတၢ်တအိၣ်ဘၣ်တက့ၢ်‚ ဒီးပှၤလၢအတၢ်အီၣ်တၢ်အီအိၣ်၀ဲန့ၣ်‚ မ်အမၤဒ်န့ၣ် အသိးတက့ၢ်’’ (လူၤ ၃း၁၀-၁၁) န့ၣ်လီၤႉ
အဂ့ၢ်ဒ်အံၤ‚ ယွၤအဲၣ်ပှၤလၢ အဟ့ၣ်တၢ်ပှဲၤ၀ဲဒီးတၢ်သးခုအပူၤလီၤႉ တၢ်ဟ့ၣ် န့ၣ် တဘၣ်အိၣ်သူၣ်လီၤအသးလၢတၢ်သးအုး (မ့တမ့ၢ်) တၢ်မၤဆူၣ်အပူၤဘၣ် (၂ ကရၠာစးံၣ် ၉း၇) ႉ ဘၣ်ဆၣ် ဖဲဟ့ၣ်တၢ်လၢတၢ်သဘ@‚ ဒီးလၢတၢ်တီတၢ်လိၤအပူၤန့ၣ်‚ ပသ့ၣ်ညါပ၀ဲလၢ ဟ့ၣ်တၢ်န့ၣ် ဘၣ်ဆိၣ်ဂ့ၤအါန့ၢ် ဒိးန့ၢ်တၢ်တက့ၢ်လီၤႉ