‘‘တၢ်လီၢ်လၢအလီၤဂာ် ဒီးဟံၣ်တအိၣ်နီတခါဘၣ်’’ တၢ်ကတိၤအံၤ ဒုးထံၣ်ကဒါက့ၤ ပှၤပတၢ်သးဆၢန့ၢ်တၢ်ဒိၣ်မး လၢပကအိၣ်ဒီးတၢ်လီၢ်တတီၤ လၢပကအိၣ်ဘှံးအိၣ်သါ‚ ပကအိၣ်ဖဲန့ၣ်ဒီးပကဘၣ်ထွဲ ဒီးတၢ်လီၢ်ဖဲန့ၣ်လီၤႉ ကစၢ်ခရၠာစးံာ်ကတိၤတၢ် ဘၣ်ဃးဒီး တၢ်သးဆၢမိၣ်န့ၢ်တၢ်လၢပဂံၢ်စဲၤလီၤအလီၢ် မ့တမ့ၢ် ပတၢ်ဘၣ်ထွဲအလီၢ်အံၤ ဖဲလၢအ၀ဲဒီးအသကိးတဖၣ် အီၣ်ဟါတၢ်အီၣ် လၢခံကတၢၢ်၀ံၤအလီၢ်ခံန့ၣ်လီၤႉ အ၀ဲကတိၤတၢ် ဘၣ်ဃးတၢ်သံ ဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် လၢအကမၤအသးန့ၣ်လီၤႉ အ၀ဲအၢၣ်လီၤအီၤလီၤ ၀ဲဒၣ် လၢအ၀ဲမ့ၢ်ဟးဖးဒီး အ၀ဲသ့ၣ်ဒၣ်လဲာ်ကဟဲက့ၤ ကိးကဒါက့ၤ အ၀ဲသ့ၣ်လီၤႉ ဒီးအ၀ဲကကတဲာ်ကတီၤ ပာ်စၢၤ ဟံၣ်လၢအမ့ၢ်အိၣ်ဆိးအလီၢ်တပူၤ လၢအ၀ဲသ့ၣ်အဂီၢ်လီၤႉ
ဖဲလၢကစၢ်ခရၠာစးံာ် သံလၢထူၣ်စုညါအလိၤ ဒ်ပှၤလၢအတၢ်ဒဲးဘးအိၣ် တဂၤအသိး ခီဖျိမၤလၢပှဲၤယွၤအတၢ်သိၣ်တၢ်သီန့ၣ်ဒီး‚ အ၀ဲကတဲာ်ကတီၤတ့ၢ် တၢ်လီၢ်အံၤ လၢအ၀ဲသ့ၣ်ဒီးပဂီၢ်လီၤႉ အ၀ဲတဲလီၤတံၢ်အပျဲၢ်အဘီၣ်တဖၣ် လၢအ၀ဲမ့ၢ်လဲၤကတဲာ်ကတီၤဟံၣ်အံၤ ဒီးအ၀ဲကဟံးက့ၤအ၀ဲသ့ၣ် ဆူအအိၣ် ဒီးတပာ်လီၤတဲာ် အ၀ဲသ့ၣ်ဘၣ်လီၤႉ လၢဟီၣ်ခိၣ်မ့ၢ်ဂ့ၤ လၢမူခိၣ်မ့ၢ်ဂ့ၤ အပျဲၢ် အဘီၣ်တဖၣ် တလိၣ်ပျံၤ ဒီးဘၣ်ယိၣ်ဘၣ်ဘီ ဘၣ်ဃး အတၢ်အိၣ်မူအဂီၢ်ဘၣ်ႉ
ပသးမုာ်ဒီးပသးမံ၀ဲ ခီဖျိယ့ၣ်။းအတၢ်ကတိၤ မ့ၢ်လၢပနာ်လၢ အ၀ဲကတဲာ် ကတီၤဟံၣ်လၢပဂီၢ်လီၤႉ ပနာ်စ့ၢ်ကီး လၢကစၢ်ခရၠာစးံာ် မၤန့ၢ်အအိၣ်အလီၢ်ဒီးပှၤ န့ၣ်လီၤ (ယိၤ ၁၄း၂၃) ႉ ပနာ်လၢ အ၀ဲလဲၤဆိပာ်စၢၤလၢပမဲာ်ညါ ဒ်သိးကကတဲာ် ကတီၤ ပဟံၣ်လၢမူခိၣ်လီၤႉ လၢဟီၣ်ခိၣ်ပအိၣ်တၢ်လီၢ် မ့ၢ်ဒ်လဲၣ်ဂ့ၤဒ်လဲၣ်ဂ့ၤ‚ ပဘၣ်ထွဲဒီးယ့ၣ်။း ဒီးပဘၣ်တၢ်စိာ်ထီၣ်ပှၤ လၢအတၢ်အဲၣ်ဒီးက၀ီၤဃာ်ပှၤ လၢအတၢ်ဃူတၢ်ဖိးန့ၣ်လီၤႉ တၢ်လီၢ်အဂၤလၢအလီၤဂာ်ဒီးဟံၣ် ဖဲပအိၣ်ဆိးသကိး ဒီးခရၠာစးံာ်န့ၣ် တအိၣ်နီတပူၤဘၣ်ႉ