ဖဲလါစဲးပထ့ဘၢၣ် မုၢ်နံၤဒိၣ်တနၤဒီး ဖဲပှၤအါဂၤ မံဘၣ်အသးအခါ မ့ၣ်အူ ဆံးကိာ်ဖိတခါအီၣ်ထီၣ်တၢ် ဖဲ သီမၢး ဖၣ်ရၠာစးံနၣ် အကိၣ်ကျးလၢအအိၣ်ဖဲ ဖါဒ့ လ့ ကျဲန့ၣ်လီၤႉ တယံာ်ဘၣ်‚ မ့ၣ်အူလၣ်ခီဃီၤဆူ ဟံၣ်တဖျၢၣ်၀ံၤ တဖျၢၣ် ဒီး၀့ၢ်လိဒိၣ်ဒီဖျၢၣ်မ့ၣ်အူခဲဘၢကွံာ်အီၤလီၤႉ ပကိးလၢ ၁၆၆၆ နံၣ် အမ့ၣ်အူ အီၣ်တၢ်ဖးဒိၣ်လီၤႉ ပှၤကညီ ၇၀‚၀၀၀ ဘျဲၣ်တဖၣ် ကဲထီၣ် ပှၤဟံၣ်တအိၣ်ဃီတအိၣ်တဖၣ်လီၤႉ မ့ၣ်အူ ဆံးကိာ်ဖိဒ်န့ၣ် ဒုးအိၣ်ထီၣ် တၢ်ဟးဂီၤဖးဒိၣ်န့ၣ်လီၤႉ
လံာ်စီဆှံ ဟ့ၣ်ပလီၢ်ပှၤ ဘၣ်ဃး မ့ၣ်အူလၣ်ဆံး ဘၣ်ဆၣ် မၤဟးဂီၤတၢ်သ့၀ဲအဂ့ၢ်လီၤႉ စီၤယၤကိာ် ပာ်လုၢ်ပာ်ပရၤတၢ်အိၣ်မူ ဒီးတၢ်ရၠာစး့လိာ်ဘၣ်ထွဲ တမ့ၢ်ဘၣ် တၢ်သူၣ်ထီၣ်ဘၣ်န့ၣ် ပထံၣ်လၢအတၢ်ကွဲး ‘‘ပ@ၤမ့ၢ် တၢ် အက့ၢ်အဂီၤ ဆံးကိာ်‚ ဒီးကတိၤသူၣ်ဂဲၤ တၢ်ဖးဒိၣ်လီၤႉ ကွၢ်ကွၢ် မ့ၣ်အူဆံးကိာ်မၤကဲထီၣ် သ့ၣ်မုၣ်အါအါကလဲာ် လီၤ’’ (ယၤကိာ် ၃း၅) ႉ
ဘၣ်ဆၣ် ပတၢ်ကတိၤတဖၣ် ကဲထီၣ်တၢ်လၢအသူၣ်ထီၣ်တၢ်သ့၀ဲ စ့ၢ်ကီး လီၤႉ တၢ်ကတိၤဒိ ၁၆း၂၄ မၤသ့ၣ်နီၣ်ပှၤ လၢ ‘‘တၢ်ကတိၤမုာ်မ့ၢ် ကနဲအခိၣ်ထံလီၤႉ ဆၢ၀ဲလၢ ပသးအဂီၢ်ဒီး မၤဘျါက့ၤတၢ် လၢပဃံကွဲအဂီၢ်လီၤ’’ႉ စီၤပီလူးစံး၀ဲလၢ ‘‘သုဂ့ၤစံးဆၢ ပှၤတဂၤလၢ်လၢ် ဒ်လဲၣ်ဒ်လဲၣ်‚ ဒ်သိး သုကသ့ၣ်ညါဒီး‚ မ်သုကလုၢ် ကထါအိၣ်ဒီး တၢ်ဘျုးတၢ်ဖှိၣ်ဒီး ဟီဒီးအံသၣ်တဘိယူၢ်ဃီတက့ၢ်’’ (ကလီး ၄း၆) ႉ ဒ်အံသၣ်မၤအိၣ်ထီၣ်တၢ်အဟီလၢ ပတၢ်အီၣ်အသိး တၢ်ဘျုးတၢ်ဖှိၣ် ဒုးအိၣ်ထီၣ် တၢ်ကတိၤလၢ အသူၣ်ထီၣ်ဆီထီၣ် ပှၤဂုၤပှၤဂၤတဖၣ်လီၤႉ
ခီဖျိသးစီဆှံကစၢ် အတၢ်မၤစၢၤန့ၣ် ပတၢ်ကတိၤတဖၣ် မၤဆူၣ်ထီၣ် ပှၤတဖၣ် လၢအသးဘၣ်ဒိတဖၣ်အသးကသ့၀ဲ‚ ပှၤလၢ အသးအိၣ်ဒိၣ်ထီၣ်လၢ တၢ်စူၢ်တၢ်နာ်အပူၤတဖၣ်‚ ပှၤလၢအကဘၣ်ဟဲဆူ ကစၢ်အအိၣ်သ့ၣ်တဖၣ် သ့၀ဲန့ၣ် လီၤႉ ပတၢ်ကတိၤတဖၣ် ကဘၣ်မၤသံ မ့ၣ်အူလၣ်တဖၣ် တမ့ၢ်ကမၤကဲထီၣ် မ့ၣ်အူလၢပှၤဂၤအဂီၢ်ဘၣ်န့ၣ်လီၤႉ