ပှၤအၤဖရၠာစးံၤကၤသးစၢ်ဘၣ်ကီဘၣ်ခဲအိၣ်ကမှံဖိ အမံၤလၢ စတံဘၢၢ်န့ၣ် မ့ၢ်ပှၤလၢ အတအိၣ်ဒီး အထံအကီၢ်ဘၣ်န့ၣ်လီၤႉ အ၀ဲဆိကမိၣ်၀ဲ ဘၣ်သ့ၣ်သ့ၣ် အိၣ်ဖျဲၣ်ထီၣ် ဖဲကီၢ်မိၢ်စၢ်ဘံး မ့တမ့ၢ် ကီၢ်စ့ၢ်ဘၢ်ဘÎၣ်န့ၣ်လီၤႉ ဘၣ်ဆၣ် အ၀ဲတသ့ၣ်ညါဘၣ် အပၢ်နီတဘျီဘၣ်‚ ဒီးအမိၢ်လီၤမၢ်ကွံာ်န့ၢ်အီၤလီၤႉ အမိၢ်ဃ့ၢ်ပူၤဖျဲးကွံာ်လၢ ထံလီၢ်ကီၢ်ပူၤ တၢ်ဒုးတၢ်ယၤ ဒီးဟးဆူထံကီၢ်တဘ့ၣ်ဘၣ်တဘ့ၣ် ဒ်ပှၤဆါတၢ်ဖိလၢကျဲခိၣ်တဂၤ အသိးန့ၣ်လီၤႉ အ၀ဲတအိၣ်ဒီး နီၢ်ကစၢ် လံာ်အုၣ်ပာ်ဖျါ‚ ဒီးအုၣ်အသးတသ့လၢ အအိၣ်ဖျဲၣ်ထီၣ် အလီၢ်ဘၣ်လီၤႉအ၀ဲလဲၤနုာ်ဆူ ကီၤလၤ၀ါပၢၤကီၢ်အ၀ဲလီၢ်‚ ဒီးဃ့သကွံၢ်ကညး၀ဲ ဒ်သိးတၢ်ကဖီၣ်အီၤအဂီၢ်န့ၣ်လီၤႉ ဖျါ လၢ စတံဘၢၢ်အဂီၢ် တၢ်လီၤဃိၣ်န့ၣ်ဂ့ၤန့ၢ်ဒံး တၢ်ကျဲးစၢး အိၣ်မူအိၣ်ဂဲၤ လၢကျဲဖီခိၣ်‚ တအိၣ်ဒီး တၢ်ခွဲးတၢ်ယာ်ဒီး တၢ်ဘျုးတၢ်ဖှိၣ် ဒ်ပှၤထံဖိကီၢ်ဖိတဂၤအသိးဘၣ်န့ၣ်လီၤႉ
ဖဲစီၤပီလူးကွဲးလံာ်ဆူ ပှၤအ့းဖ့းစူးဖိတဖၣ် အအိၣ်န့ၣ် တၢ်ဆိကမိၣ်ဘၣ်ဃးဒီး တၢ်အိၣ်မူလၢ အတအိၣ်ဒီး နထံနကီၢ်ဒၣ်နဲ အတၢ်ကီတၢ်ခဲန့ၣ် အိၣ်၀ဲလၢအသးပူၤန့ၣ်လီၤႉ အပှၤဖးတၢ်ဖိတဖၣ်လၢ အတမ့ၢ်ပှၤယူဒၤဖိတဖၣ်န့ၣ် သ့ၣ်ညါ၀ဲ တၢ်အိၣ်မူ ဒ်ပှၤတခီဘီမုၢ်ဖိတဂၤန့ၣ် မ့ၢ်တၢ် ဒ်လဲၣ်ဒ်လဲၣ်န့့ၣ်လီၤ (၂း၁၂) ႉ ဖဲဒၣ်လၢ အထံၣ်န့ၢ် တၢ်မူဒီး တၢ်မုၢ်လၢ် လၢခရၠာစးံာ်အပူၤန့ၣ် (၁း၁၃) ‚ အ၀ဲသ့ၣ် ထံၣ်သ့ၣ်ညါဘၣ်လၢ တၢ်ဘၣ်ဃး ဒီးမူခိၣ်အဘီအမုၢ်န့ၣ် မ့ၢ်တၢ်ဒ်လဲၣ်န့ၣ်လီၤ (မး ၅း၃) ႉ လၢကစၢ်ယ့ၣ်။းအပူၤ‚ အ၀ဲသ့ၣ်မၤလိန့ၢ်ဘၣ် ပၢ်ယွၤ အတၢ်သ့ၣ်ညါဒီး အတၢ်သးအိၣ်အ၀ဲသ့ၣ်န့ၣ်လီၤ (မး ၆း၃၁-၃၃) ႉ
နာ်သက့‚ စီၤပီလူး သ့ၣ်ညါ၀ဲလၢ တၢ်လၢအလဲၤပူၤကွံာ်တဖၣ်န့ၣ် ဟါမၢ်သ့ ကယီကယီ‚ ဒီးပသးပ့ၤနီၣ်လၢ တၢ်မုၢ်လၢ် မ့ၢ်တၢ်အသီဒီး တၢ်သးအုး မ့ၢ်တၢ်လီၢ်လံၤန့ၣ်လီၤႉ
မ်ပကစၢ်ယွၤ မၤစၢၤပှၤ ဒ်သိးပကမူ လၢတၢ်ဘံၣ်တၢ်ဘၢအပူၤ‚ အိၣ်ဒီး တၢ်သ့ၣ်ညါ ကိးနံၤလၢ ပဘၣ်ထွဲ ဒ်ယွၤအပှၤဟံၣ်ဖိတဖၣ် ခီဖျိတၢ်နာ်လၢခရၠာစးံာ်အပူၤ‚ ဒီးပကနၢ်ပၢၢ် တၢ်ခွဲးတၢ်ယာ်ဒီး တၢ်ဘျုးတဖၣ်လၢ ပဒိးန့ၢ်အီၤသ့လၢ ယွၤအဟံၣ်ပူၤ ဃီပူၤန့ၣ်တက့ၢ်ႉ