ဖံတဂၤ ဟံးဖီၣ်ဃာ်တၢ်ဂီၤခံဘ့ၣ်လၢအစုပူၤ လၢတၢ်ပာ်သးကဖၢလၢအပူၤ‚ ဒီးဒုးနဲၣ်အီၤ ဆူတံၤသကိးတဖၣ်အအိၣ် လၢတၢ်ဘါယွၤသရၠာစးိာ် တၢ်သူၣ်ထီၣ် အကျဲစၢၤပူၤန့ၣ်လီၤႉ တၢ်ဂီၤအဆိတဘ့ၣ်န့ၣ် မ့ၢ်၀ဲ အဖိမုၣ်အဂီၤလၢ အထံကီၢ် ဘၤရၠာစးဲၣ်ဒံၣ် န့ၣ်လီၤႉ တၢ်ဂီၤခံဘ့ၣ်တဘ့ၣ်န့ၣ် မ့ၢ်၀ဲ အလံၤခွါဖိလၢ အဖိမုၣ်ဆံးစၢ်၀ဲ တယံာ်ဒံးဘၣ်အခါအဂီၤန့ၣ်လီၤႉ နာ်သက့ ဖိမုၣ်အံၤ တဖိးဟုဃာ် အဖိခွါ အိၣ်ဖျဲၣ်သီဖိတဂၤန့ၣ်ဘၣ်ႉ အ၀ဲစူးကွံာ်သး ဖဲအဆံးစၢ်အဖိခွါဖိအကတီၢ်န့ၣ်လီၤႉ
တံၤသကိးတဂၤ လဲၤဃီၤဆူအအိၣ် ဒီးကွၢ်၀ဲ တၢ်ဂီၤသ့ၣ်တဖၣ် န့ၣ်လီၤႉ အ၀ဲယူာ်ဃီၤဟံးဖီၣ် အဖံသးဘိတဂၤအံၤ အမဲာ်လၢ အစုပူၤ ဒီးလၢမဲာ်ထံမဲာ်နိအပူၤ တၢ်လၢအ၀ဲစံး၀ဲသ့န့ၣ် မ့ၢ်ဒၣ်‚ ‘‘ယသ့ၣ်ညါ‚ ယသ့ၣ်ညါလီၤ’’ႉ
အ၀ဲသ့ၣ်ညါ၀ဲ နီၢ်နီၢ်လီၤႉ ဖဲအပူၤကွံာ် ခံလါ အခါ အ၀ဲဘၣ်ခူၣ်လီၤ အဖိခွါတဂၤလံန့ၣ်လီၤႉ
ပှၤလၢအလဲၤခီဖျိဘၣ် တၢ်ဘၣ်ဒိဆါတဂၤ အတၢ်မၤမုာ်ပှၤဂၤန့ၣ် မ့ၢ်တၢ်လၢအလီၤဆီန့ၣ်လီၤႉ အ၀ဲသ့ၣ်ညါ၀ဲလီၤႉ တချုးလၢ ကစၢ်ယ့ၣ်။း ဘၣ်တၢ်ဖီၣ်အီၤန့ၣ်‚ အ၀ဲဟ့ၣ်ပလီၢ် အပျဲၢ်တဖၣ်ဒ်အံၤလီၤႉ ‘‘သုမဲာ်ထံကလီၤ‚ ဒီးသုကဟီၣ်ကယၢၤလီၤႉ မ့မ့ၢ်ဟီၣ်ခိၣ်န့ၣ် ကသးခုလီၤ’’ႉ ဘၣ်ဆၣ် အ၀ဲမၤမုာ်ထွဲ၀ဲတဘျီဃီ ဒ်အံၤ ‘‘သုကသူၣ်အုးသးအုး‚ ဘၣ်ဆၣ်ဒီး သုတၢ်သးအုးန့ၣ် ကကဲကဒါက့ၤလၢ တၢ်သးခုလီၤ’’ (ယိၤ ၁၆း၂၀) ႉ လၢနၣ်ရၠာစးံၣ်တဖၣ်ဧိၤအပူၤ‚ ကစၢ် ယ့ၣ်။း ကဘၣ်တၢ်ဖီၣ်အီၤဒီး မၤသံလၢ ထူၣ်စုညါအလိၤအဃိ‚ အပျဲၢ်တဖၣ် ကပျံၤကဖုး‚ ကသးအုးဒိၣ်ဒိၣ်ကလဲာ်လီၤႉ ဘၣ်ဆၣ် တယံာ်ဘၣ်‚ အတၢ်သးအုးအံၤ ကလဲလိာ်ဆူ တၢ်သးခုလၢ အ၀ဲသ့ၣ်ဆိကမိၣ်၀ဲတသ့အပူၤ‚ ဖဲအ၀ဲသ့ၣ်ထံၣ်ဘၣ် အကစၢ်မူထီၣ်က့ၤကဒီးလံအခါန့ၣ်လီၤႉ ၀ံယ့ှှါယၤ စံးပာ်၀ဲဘၣ်ဃး မ့း့ှှံအၤ ဒ်အံၤ‚ ‘‘မ့ၢ်မးစိာ်၀ဲ ပတၢ်ဆူးတၢ်ဆါ ဒီး၀ံပတၢ်သူၣ်အုးသးအုးလီၤ’’ (ယ့ှှါ ၅၃း၄) ႉ ပတၢ်အုၣ်က့ၤခီၣ်က့ၤကစၢ်န့ၣ် တမ့ၢ်ထဲလၢ အသ့ၣ်ညါဘၣ်ဃး ပတၢ်ဆူးတၢ်ဆါဘၣ်ႉ မ့မ့ၢ်အ၀ဲ မူဒီးတူၢ်တ့ၢ်၀ဲ တၢ်၀ဲအံၤလံန့ၣ်လီၤႉ အ၀ဲသ့ၣ်ညါလီၤႉ အ၀ဲအသးအိၣ်ပှၤလီၤႉ မုၢ်တနံၤန့ၣ် ပတၢ်သးအုး ကကဲထီၣ်တၢ်သးခုလီၤႉ