ဖိသၣ်လၢ အသးအိၣ်၀ဲ ထဲ ၈ နံၣ်ဖိတဂၤ တဲဘၣ် ဖါတံၢ် ၀ီလ့ၣ်လၢ အမ့ၢ် အမိၢ်အပၢ် အတံၤသကိးတဂၤလၢ ‘‘ယအဲၣ်ဘၣ်ကစၢ်ခရၠာစးံာ်အဃိ‚ ယအဲၣ်ဒိးလဲၤမၤ တၢ်သးခု ကစီၣ်လၢ ထံဂၤကီၢ်ဂၤ’’ န့ၣ်လီၤႉ ဖါတံၢ် ၀ီလ့ၣ် တခီ ဖဲဖိသၣ်အံၤ ဒိၣ်ထီၣ်၀ဲ တဆီဘၣ်ဆီဘၣ် အဆၢကတီၢ်အပူၤန့ၣ် ဘါထုကဖၣ်န့ၢ်တၢ်လၢအဂီၢ် ထီဘိလီၤႉ ဖဲသးစၢ်အံၤ ပတံထီၣ်၀ဲလၢ ကလဲၤမၤတၢ်သးခုကစီၣ်လၢ ကီၢ်မၤလံန့ၣ် ဖါတံၢ် ၀ီလ့ၣ် တဲအီၤ‚ ‘‘ယပာ်ဖှိၣ်န့ၢ်နၤစ့ ဖဲယသ့ၣ်ညါဘၣ်လၢ နသးအိၣ်လဲၤမၤ ကစၢ်ယွၤ အတၢ်မၤ လၢထံဂၤကီၢ်ဂၤန့ၣ်လီၤ’’ႉ ဖါတံၢ် ၀ီလ့ၣ် သးအိၣ် ဟ့ၣ်မၤစၢၤ ပှၤသ့ၣ်တဖၣ်လၢ အရၠာစးၤလီၤကစၢ်ယွၤ အတၢ် ကစီၣ်ဆူ ပှၤဂုၤဂၤသ့ၣ်တဖၣ်လီၤႉ
ဖဲကစၢ်ခရၠာစးံာ်ဒီး အပျဲၢ်အဘီၣ်သ့ၣ်တဖၣ် ရၠာစးၤလီၤ တၢ်သးခုကစီၣ်ဆူ တၢ်လီၢ်တပူၤဒီးတပူၤအကတီၢ်န့ၣ်‚ လိၣ်ဘၣ်တၢ်မၤစၢၤလၢ အဘၣ်ဃးဒီး ကျိၣ်စ့လီၤ (လူၤ ၈း၁-၃) ႉ ဖဲ အဆၢကတီၢ်န့ၣ် ပိာ်မုၣ်တက့ှူၢ်လၢ ကစၢ်ခရၠာစးံာ်မၤဘျါန့ၢ် အတၢ်ဆူးတၢ်ဆါသ့ၣ်တဖၣ်‚ ဟ့ၣ်မၤဘူၣ်တၢ် ‘‘လၢအလုၢ်အီၣ် လုၢ်အီလၢ အစုလီၢ်ခီၣ်ခိၣ်စ့ၢ်ကီးလီၤ’’ (း၃) ႉ လၢအ၀ဲသ့ၣ်အကျါတဂၤမ့ၢ်၀ဲ ‘‘ပှၤလၢ တၢ်နါနွံဒုဟးထီၣ် လၢအလိၤ‚ နီၢ်မၤရၠာစးံ ကိး၀ဲလၢ ပှၤမၤကဒၤလ့ၣ်ဖိတဂၤ‚ ဒီးစီၤဟ့ၤရၠာစးိာ် အပှၤကွၢ်တၢ်ဖိ စီၤဃူၤစါအမါနီၢ်ယိၤအၣ်နၣ်တဂၤ‚ ဒီးနီၢ်စူၤစၣ်နၤတဂၤ ဒီး ပိာ်မုၣ်အဂၤ အါဂၤ အိၣ်စ့ၢ်ကီးလီၤ’’ (း၃) ႉ ကစၢ်ယ့ၣ်။း မၤစၢၤန့ၢ်အ၀ဲသ့ၣ်လၢ ဘၣ်ဃးဒီး သးအတၢ် လိၣ်ဘၣ်တဖၣ်လီၤႉ အခဲအံၤ အ၀ဲသ့ၣ် က့ၤမၤစၢၤန့ၢ် ကစၢ်ခရၠာစးံာ်ဒီးအပျဲၢ်အဘီၣ်တဖၣ်‚ ခီဖျိလၢ ဟ့ၣ်မၤဘူၣ်တၢ်လၢ ကျိၣ်ဧိၤစ့ဧိၤန့ၣ်လီၤႉ
ဖဲပမ့ၢ်ကွၢ်ဆိကမိၣ်က့ၤ ကစၢ်ခရၠာစးံာ် အတၢ်မၤတၢ်လၢပဂီၢ် အဆၢကတီၢ်န့ၣ် အတၢ်သးအိၣ်ပှၤဂၤန့ၣ် ကဲထီၣ်၀ဲ လၢပတၢ်သးအိၣ်ပှၤဂၤအဂီၢ်န့ၣ်လီၤႉ ပျဲပသံကွၢ်ယွၤ မ့ၢ်အအဲၣ်ဒိးသူပှၤလၢ ကျဲဒ်လဲၣ်‚ ဒ်လဲၣ်န့ၣ်တက့ၢ်ႉ