တဘျီ ဖဲမိၢ်ဒီးဟံၣ်ဖိဃီဖိခဲလၢာ် ကူထီၣ်ကၤထီၣ်‚ ဒ်သိး ကလဲၤထံၣ်လိာ်သကိး
အသးဒီး ဟံၣ်ဖိဃီဖိအဂၤတဒူၣ်လၢ အလီၤဖးယံာ်မးအကတီၢ်တဒူၣ်န့ၣ်လီၤႉ လၢတၢ်သူၣ်ခုသးခုအပူၤ‚ အၤ့ှှၤ ဖိသၣ် လၢအသးအိၣ်လံွၢ်နံၣ်တဂၤ သိးထီၣ် အဆ့ကၤ လၢအအဲၣ်၀ဲ‚ လၢအဘၣ်တၢ်ဆးဘၢအီၤ လၢတမၣ်ဖံးအခိၣ်အဂီၤ‚ နမ့ၢ် ကွၢ် လီၤဂာ်ဒ် ‘တမၣ်’ န့ၣ်ကယူၢ်လီၤကွံာ်အခိၣ်န့ၣ်လီၤႉ အမိၢ်ထံၣ်ဘၣ်တၢ်အံၤဒီး အသးလီၤကတုၤဘၣ်၀ဲလီၤႉ မ့ၢ်၀ဲဒၣ်လၢ မိၢ်အံၤ ဖဲတထံၣ်လိာ်အသးဒီး အတံၤသကိး အကတီၢ်န့ၣ် လိၣ်ဘၣ်၀ဲလၢ ကအိၣ်၀ဲဒီး တၢ်ပာ်ဒိၣ် ပးကဲအသိးလီၤႉ
မိၢ်စံးဘၣ်‚ လၢတၢ်ထံၣ်လိာ်သး အကတီၢ် တၢ်ကူ
တၢ်ကၤအံၤ က့ကၢးကစီဒီဧါႉ ဒီးဖိခွါစံးဆၢ ့ကၢး၀ဲကစီဒီ
လီၤႉ မိၢ်စံးကဒီး‚ ဆ့ကၤဒ်သိးအံၤ ့ကၢး၀ဲဒၣ်လၢ ဆၢကတီၢ် မနုၤအကတီၢ်လဲၣ်‚ ဖိခွါစံးဆၢ ဆၢကတီၢ် တကတီၢ်ဂ့ၤ‚ တကတီၢ်ဂ့ၤ့ကၢး၀ဲကစီဒီလီၤႉ
ဖိသၣ်အံၤ လီၤဂာ်ဒ်ကလၢၢ်ဘၣ်၀ဲ လံာ်ပှၤစံၣ်တဲၤတဲလီၤတၢ် ၃း၁၂ အတၢ် မ့ၢ်တၢ်တီလၢ အစံး၀ဲ ‘လၢပှၤကညီကသးခု‚ ဒီးမၤတၢ်ဂ့ၤတစိၤဒၣ်အီၤ အမဲာ်ညါ န့ၣ်‚ ပသ့ၣ်ညါ လၢတၢ်ဂ့ၤအဂၤ တအိၣ်ဘၣ်လၢအဂီၢ် နီတမံၤဘၣ်’ န့ၣ်လီၤႉ လံာ်ပှၤစံၣ်တဲၤတဲလီၤတၢ်အံၤ‚ လီၤဂာ်လၢ အကဲထီၣ်တၢ်သးအုးလၢပဂီၢ်‚ ဒီး တဘျီဘျီ ကဲထီၣ်တၢ်တနၢ်ပၢၢ်လၢပဂီၢ်‚ မ့ၢ်လၢတၢ်ကွဲးအီၤလၢ ပှၤကညီအတၢ် ထံၣ်‚ တမ့ၢ်လၢ ယွၤအတၢ်ထံၣ်အဃိလီၤႉ ပှၤကွဲးလံာ်စီဆှံ စီၤ့ှှလိၤမိၤ သံကွၢ် ‘ပှၤလၢအမၤတၢ်န့ၣ်‚ တၢ်ဘျုးလၢ ကမၤတၢ်တုၤ အမၤဘှံးအသးအဃိန့ၣ် လၢမနုၤ တမံၤလဲၣ် (စံၣ်တဲၤတဲ ၃း၉) ႉ လၢလံာ်အံၤအပူၤ ပကလၢၢ်ဘၣ် တၢ်မုၢ်လၢ် အတၢ် ကပီၤ တစိၢ်ဖိလၢ တၢ်ခံးအကျါလီၤႉ စီၤ့ှှလိၤမိၤစံး၀ဲ‚ ‘လၢပှၤကညီကိးဂၤဒဲး ကအီၣ်တၢ်ဒီးအီတၢ်‚ ဒီးမုၢ်လၢ်တၢ်လၢ အမၤတၢ်ခဲလၢာ်အပူၤန့ၣ် မ့ၢ်ယွၤ အတၢ်ဟ့ၣ် စ့ၢ်ကီးလီၤ’ (စံၣ်တဲၤတဲ ၃း၁၃) ႉ
ပမၤ ကစၢ်ယွၤလၢ အဟ့ၣ်ပှၤတၢ်ဂ့ၤ ဒ်သိးပကဒိးန့ၢ်ဘၣ် တၢ်သးဖှံအဂီၢ် အတၢ်မၤလီၤ (စံၣ်တဲၤတဲ ၃း၁၄) ႉ ဖဲပသ့ၣ်ညါဒီးပိာ်ထီၣ်အတၢ်အဲၣ်လၢ အဟ့ၣ်လီၤ ၀ဲန့ၣ်‚ အ၀ဲဟ့ၣ်လီၤပှၤ ပသးသမူလၢအပှဲၤ၀ဲဒီး တၢ်ကူၣ်တၢ်ဆး တၢ်မ့ၢ်တၢ်တီ‚ ပသးသမူလၢ အပှဲၤ၀ဲဒီးအခီပညီ ဒီးတၢ်သူၣ်ဖှံသးညီလီၤႉ