အပူၤကွံာ်စှၤနံၣ်န့ၣ် ယၤဒီးယမါ ပအိၣ်လၢတမှံၤဟံၣ်ဖိတဖျၢၣ်လၢ ကီၢ်အဲကလံး‚ ယီးခ့်ှှါယၢၣ် အကစၢၢ်ကဆူး‚ လၢအမ့ၢ်တၢ်လီၢ်လၢ အအိၣ်စီၤစုၤယံၤဒိၣ်မးလီၤႉ ပှၤအဲကလံးဖိ နီၢ်ဒီမိ၀ၤလွံၢ်ဃံာ်‚ လၢပတထံၣ်လိာ်သးဘၣ် နီတဘျီသ့ၣ်တဖၣ်စ့ၢ်ကီး အိၣ်ဒီးပှၤလီၤႉ ပအီၣ်ဟါတၢ်အီၣ်၀ံၤ ပဆ့ၣ်နီၤအီ ခီဖံၣ်ထံချီဆၢအခါ ပသံကွၢ်လိာ်သကိးပသး ဘၣ်ဃးတၢ်ဖံးတၢ်မၤန့ၣ်လီၤႉ ဆၢကတီၢ်ဖဲန့ၣ်အခါ ယမၤတၢ် ဒ်မူဒံၣ်လံာ်စီဆှံကၠိ ပှၤပၢၤလီၢ်ဆ့ၣ်နီၤ ဖဲ၀့ၢ်ခၠံၣ်ခါကိၢ် န့ၣ်လီၤႉ ယဆိကမိၣ်လၢ အ၀ဲသ့ၣ်တသ့ၣ်ညါ မူဒံၣ်လံာ်စီဆှံကၠိ ဒီးပှၤလၢ အဒုးအိၣ်ထီၣ်တၢ် ဒံၢ်အဲလ်မူဒံၣ်န့ၣ်ဘၣ်ႉ ဘၣ်ဆၣ်ဆၢကတီၢ် ဖဲယယၢၤထီၣ် ကၠိအမံၤန့ၣ် အ၀ဲသ့ၣ်တဲဆၢယၤတဘျီဃီ လီၤကမၢကမၣ်ဒိၣ်မးလီၤႉ ‘‘အိ မူဒံၣ်ဒီးစဲခ့ၣ်‚ အ၀ဲန့ၣ်ဧါ’’ႉ တမှံၤလၢ အဂၤတဂၤစံး၀ဲ‚ ‘‘ပအိၣ်ဒီး စဲခ့ၣ်အလံာ်သး၀ံၣ် ဒီး ပဟံၣ်ဖိဃီဖိတဖၣ် တဘျီဘျီ ပပာ်ဖှိၣ်ထီၣ်ပသးလၢ တနၢ်ကပၤဒီး သး၀ံၣ်တၢ်န့ၣ်လီၤ’’ႉ ယကမၢကမၣ်ဒိၣ်မးန့ၣ်လီၤႉ ဒ၀ၢးမူဒံၣ်ဒီး ပှၤဒ့တၢ်အူတၢ် တဖၣ် အါရၠာစးၤစဲခ့ၣ် တဖၣ် စံၣ်တဲၤတဲလီၤတၢ်ဒီး ဒ့တၢ်အူတၢ် ဖဲကီၢ်အဲကလံးအကီးတဖၣ် လၢအပူၤကွံာ်အနံၣ် ၁၂၀ ဘျဲၣ်ဒီး အတၢ်ဒိၣ်ဘၢအံၤအိၣ်တုၤ မုၢ်မဆါတနံၤအံၤန့ၣ်လီၤႉ
မုၢ်နၤအ၀ဲန့ၣ် ဖဲယဟးထီၣ်ဆူ ဒၢးအချၢအခါ ယဆိကမိၣ်တၢ် ဘၣ်ဃး
ပတၢ်အိၣ်မူတၢ်ဒုးလီၤဘၣ် တၢ်ဒိၣ်ဘၢအကဒုဖးထီတဖၣ် လၢယွၤအဂီၢ်သ့၀ဲအဂ့ၢ် န့ၣ်လီၤႉ အဒိ‚ မိၢ်တဂၤအတၢ်ထုကဖၣ်လၢ အဒိၣ်ဘၢအဖိတဖၣ်‚ ပှၤမၤသကိးတၢ်တဂၤ အတၢ်ဟ့ၣ်ဂံၢ်ဟ့ၣ်ဘါ‚ သရၠာစးၣ်မ့တမ့ၢ် ပှၤဟ့ၣ်ကူၣ်မၤစၢၤတၢ်တဂၤ‚ အတၢ်မၤစၢၤ ဆီၣ်ထွဲဒီး အတၢ်တၤ‚ တံၤသကိးတဂၤအတၢ်ကတိၤ လၢအပှဲၤဒီး တၢ်အဲၣ်ဒီး မၤလိၤမၤဘၣ်က့ၤ တၢ်ကမၣ်တဖၣ်န့ၣ်လီၤႉ တၢ်မၤသကိးဘၣ်တၢ် လၢယွၤ အတၢ်အၢၣ်လီၤအံၤ မ့ၢ်တၢ်ခွဲးတၢ်ယာ်ဖးဒိၣ်လီၤႉ ယွၤအတၢ်အၢၣ်လီၤ မ့ၢ်၀ဲ ယွၤန့ၣ်ဂ့ၤ၀ဲဒီး အဘျုးအဖှိၣ်အိၣ်၀ဲ လီၤထူလီၤယိာ် ဒီးအတၢ်မ့ၢ်တၢ်တီအိၣ်၀ဲ အစိၤစိၤ အဃၣ်ဃၣ်လီၤ (စံး ၁၀၀း၅) ႉ ဲသန ှအသတနူူ