ဖဲလၢပကတိၤသကိးတၢ်အခါ အဲမၣ်အုၣ်အသးလၢ အနီၢ်ကစၢ်အဂ့ၢ်ဒီး တဲ၀ဲဘၣ်ဃး ကစၢ် ယွၤအတၢ်မၤစၢၤၣ် ဒၢနုာ် တဲဃုာ်၀ဲ လံာ်စီဆှံအဆၢတဖၣ်န့ၣ်လီၤႉ ယကမၢကမၣ်ဘၣ်ယသးလၢ ပှၤသးစၢ် တီၤထီ ကၠိဖိတဂၤ အတၢ်ကတိၤပူၤ အိၣ်ဒီးလံာ်စီဆှံအဆၢတဖၣ်န့ၣ်လီၤႉ ယပ့တၢၤအီၤ ဒ်လံာ်စီဆှံလၢအဟးထီၣ်ဟးလီၤလၢပကျါန့ၣ်လီၤႉ အ၀ဲအမဲာ်တူၢ်သံးထီၣ်အသးဒီး အမဲာ် ကမှံထီၣ် တစဲး န့ၣ်လီၤႉ နီၢ်နီၢ်တမ့ၢ်အ၀ဲအဲၣ်ဒိးဖး့ှူး လံာ်စီဆှံတဖၣ်ဘၣ်ႉ မ့ၢ်ဒၣ် လၢအဖးလံာ်စီဆှံ ကိးမုၢ်နံၤဒဲးဒီး ထံၣ်န့ၢ်တၢ်ကူၣ်သ့လၢ အကဲထီၣ်အတၢ်အိၣ်မူတက့တခီ ကဲထီၣ်စ့ၢ်ကီး ကိးနံၤဒဲးအတၢ်ကတိၤအဖျၢၣ်တဖၣ်န့ၣ်လီၤႉ အဲမၣ်အသးခုလၢကစၢ်အတၢ်အံးကွၢ် အီၤဒီး ကယဲၢ်တၢ်ဘျုးတၢ်ဖှိၣ်လၢ ယွၤဟ့ၣ်အီၤအဃိ ဒ်သိးကဟ့ၣ်ခီ ဟ့ၣ်နီၤဘၣ်က့ၤပှၤဂၤ စ့ၢ်ကီးဒၣ်လဲာ်လီၤႉ ဘၣ်ဆၣ်ဒီး အဲမၣ် တမ့ၢ် ပှၤသးစၢ်အဆိကတၢၢ်တဂၤလၢ ကစၢ်ယွၤ စူးကါသူအီၤလၢ အကထိၣ်ဂဲၤထီၣ်ပှၤဂၤ ဒ်သိးအ၀ဲသ့ၣ်ကဖးတိၢ်နီၢ် ယွၤအကလုၢ်ကထါ လၢတၢ်ထုကဖၣ်အါအါဒီး မူထွဲမၤထွဲအီၤအဂီၢ်န့ၣ်ဘၣ်ႉ
ဖဲတၢ်မၢဖိစီၤပီလူး ဟ့ၣ်ဂံၢ်ဟ့ၣ်ဘါ စီၤတံၤမသ့းလၢ ကကဲထီၣ် ပှၤလဲၤလၢညါန့ၣ် အ၀ဲသိၣ်လိနဲၣ်လိတၢ်သ့အိၣ်မူလၢ တၢ်သူၣ်ဂၢၢ်သးကျၢၤဆူ ပှၤသးစၢ်အံၤအအိၣ်လီၤ (၁ တံၤ ၄း၁၁-၁၆) ႉ စီၤပီလူးသ့ၣ်ညါဒီး အၢၣ်လီၤ၀ဲလၢ စီၤတံၤမသ့းန့ၣ် မ့ၢ်ပှၤအိၣ်ဒီး တၢ်အိၣ်မူ အဂံၢ်သူၣ်ထီၣ်အသးလၢ ယွၤအကလုၢ်ကထါ စးထီၣ်လၢအနီၢ်ဆံး လံၤလံၤန့ၣ်လီၤ (၂ တံၤ ၃း၁၅) ႉ ဒ်စီၤပီလူးအသိး စီၤတံၤမသ့းကွၢ်ဆၢၣ်မဲာ်ဘၣ်တၢ်သးဒ့ဒီအဂ့ၢ်တဖၣ်လီၤႉ ဘၣ်ဆၣ်ဒီး အ၀ဲသ့ၣ်ခံဂၤလိာ် အိၣ်မူ၀ဲ ဒ်ပှၤနာ်ကယဲၢ်တၢ်ကွဲးအသးခဲလၢာ်န့ၣ် မ့ၢ်ယွၤအူနုာ် တၢ်မူအသါန့ၣ်လီၤႉ အ၀ဲသ့ၣ်အၢၣ်လီၤ၀ဲလၢ တၢ်ကွဲးအသးလၢ လံာ်စီဆှံအပူၤခဲလၢာ်န့ၣ် ဂ့ၤလၢ တၢ်သိၣ် တၢ်သီအဂီၢ်‚ လၢသိၣ်ဃီၣ်တၢ်အဂီၢ်‚ လၢဃၣ်လိၤတၢ်အဂီၢ်‚ လၢသိၣ်လိနဲၣ်လိတၢ်လၢ တၢ်တီတၢ်လိၤအပူၤအဂီၢ်ၣ် အတၢ်မ့ၢ်တၢ်တီဒီး တၢ်အဲၣ်န့ၣ် လူၤလီၤဂၢ်လီၤအသး ဆူပတၢ်ကတိၤသကိးတၢ်အပူၤ ဒ်တၢ်ဘၣ်တ့န့ဆၢၣ် အလုၢ်အလၢ်အသိးန့ၣ်လီၤႉ ပမၤပသး ဒ်လံာ်စီဆှံတဘ့ၣ်လၢ အလဲၤထီၣ်က့ၤလီၤဒီး ပဟ့ၣ်ခီဟ့ၣ်နီၤလီၤ တၢ်မုၢ်လၢ်အထူအယိာ် ဟဲလၢကစၢ်ယွၤအအိၣ် ဆူတၢ်လီၢ်ကိးပူၤဒဲး လၢပတုၤဃီၤတဖၣ်န့ၣ်လီၤႉ