တၢ်ဃုထံၣ်သ့ၣ်ညါတခါလၢ အတယံာ်ဒံးဘၣ်အပူၤန့ၣ် သံကွၢ်၀ဲ ပှၤကညီတဖၣ်လၢ မ့ၢ်အဆိကမိၣ်လၢ အဒိၣ်တုာ်ခိၣ်ပှဲၤထီၣ် ဖဲလဲၣ်အကတီၢ်လဲၣ်န့ၣ်လီၤႉ ပှၤလၢ ဆိကမိၣ် လီၤအသးလၢ အဒိၣ်တုာ်ခိၣ်ပှဲၤတဖၣ် စံးဆၢ၀ဲဒၣ်လၢ အ၀ဲသ့ၣ်အတၢ်သ့ၣ်ညါနၢ်ပၢၢ်အဖီခိၣ်န့ၣ်လီၤႉ တၢ်စံးဆၢလၢ ပှၤအါဂၤစံးဆၢ၀ဲဒၣ်န့ၣ် ‘‘ဖဲနအိၣ်ဒီးတိၢ် ဒီး နပရၤဟံၣ်န့ၢ် အခါ နကဲထီၣ်ပှၤဒိၣ်တုာ်ခိၣ်ပှဲၤန့ၣ်လီၤ’’ႉ ပှၤတနီၤစံးဆၢ၀ဲ ‘‘နဖီအီၣ် ဟါတၢ်အီၣ်ဒၣ် နတၢ်ဒၣ်၀ဲ‚ နလဲၣ်ဆူ ကသံၣ်သရၠာစးၣ်ဒၣ် နတၢ်ဒၣ်သ့‚ နတသးအိၣ်အီၣ်ကိၣ်ကစဲးကစီး တၢ်ဒ်ဖိသၣ်ဘၣ်ၣ် တၢ်ကဟးဆူတၢ်ချၢအလီၢ်န့ၣ် အဲၣ်ဒိးအိၣ်ဒၣ်လၢ ဟံၣ်’’ တၢ်စံးဆၢအိၣ်၀ဲဒ်အံၤန့ၣ်လီၤႉ
လံာ်စီဆှံစံးတ့ၢ်၀ဲလၢ ပကဘၣ်မၤဆူၣ်တၢ် ဒ်သိးပကဘၣ်ဒိၣ်ထီၣ်လၢ နီၢ်သး တကပၤစ့ၢ်ကီးလီၤႉ စီၤပီလူးကွဲးလံာ်ဆူ ပှၤအ့းဖ့းစူးတၢ်အိၣ်ဖှိၣ်ဖိသ့ၣ်တဖၣ်အအိၣ်ဒီးသဆၣ်ထီၣ်အ၀ဲသ့ၣ် ဒ်သိးကဒိၣ်တုာ်ခိၣ်ပှဲၤလၢခရၠာစးံာ်အပူၤန့ၣ်လီၤ (အ့ဖ့း ၄း၁၃) ႉ လၢ တၢ်နာ်တကပၤ တဘၣ်မ့ၢ်ဒ် ဖိသၣ်လၢအဟူး၀း၀ဲ‚ ဒီးဒံ၀့ၤဒံ၀ီၤထွဲ ကယဲၢ်တၢ်သိၣ်တၢ်သီအကလံၤအခံအသိးဘၣ်ႉ ပကဘၣ်နၢ်ပၢၢ်တၢ်မ့ၢ်တၢ်တီၣ်လီၤ (အ့း ၄း၁၄-၁၅) ႉ
ယွၤဟ့ၣ်ပှၤသးစီဆှံကစၢ် ဒ်သိးပကနၢ်ပၢၢ်အီၤအဂီၢ်လီၤ (ယိၤ ၁၄း၂၆) ႉ ယွၤနဲၣ်လိ တၢ်အိၣ်ဖှိၣ်သရၠာစးၣ်‚ ပှၤသိၣ်သီတၢ်တဖၣ် ဒ်သိး ကဆှၢပှၤဂီၢ်မုၢ်ဆူ တၢ်နာ် ဒိၣ်တုာ်ခိၣ်ပှဲၤအလီၢ်စ့ၢ်ကီးလီၤ (အ့း ၄း၁၁-၁၂) ႉ ဒ်ပနီၢ်ခိဒိၣ်တုာ်ခိၣ်ပှဲၤထီၣ်အသိးၣ်လီၤႉ