လၢပတၢ်ဆၢကတီၢ်လၢတၢ်တမၤနှၢ်မၤနၢၤတၢ်ဒိၣ်ဒိၣ်မုၢ်မုၢ်‚ တၢ်အံၤညီ၀ဲလၢ ပကနာ်လၢ တၢ်အံၤမ့ၢ်တၢ်စဲၤခံလၢပဂီၢ်လံ‚ ပတၢ်ခွဲးတၢ်ယာ်လၢ သးသမူအတၢ်တိာ်ဒီး တၢ်လုၢ်ဒိၣ်ပရၤဒိၣ်လၢ ပ့ကၢးဒိးန့ၢ်တခါ လီၤမၢ်န့ၢ်ပှၤလံႉ တၢ်အ၀ဲန့ၣ် မ့ၢ်တၢ်လၢ အံလယဲး (စ) လၢအမ့ၢ် တ့ၢ်ပှၤလီၤဘၣ်ဃိာ်လၢ နယူယီး‚ ပာ်ဖျါထီၣ် အတၢ်ကလၢၢ်ဘၣ်တၢ် ဒ်ပှၤဃိာ်ဖိတဂၤအသိးန့ၣ်လီၤႉ ‘‘ယလီၤကလဲကွံာ်ႉႉႉ တၢ်အၢၣ်လီၤအီလီၤတဖၣ်‚ တၢ်အၢၣ် လီၤလၢ ယကစၢ်ဒၣ်ယဲအခါဆူညါ‚ တၢ်အၢၣ်လီၤလၢ ယကကဲထီၣ်တၢ်မနုၤဟါန့ၣ်ဟါမၢ်ကွံာ်လီၤ’’ႉ
ဘး (ဒ) ခီလ့ၣ်ကၠိ ‘အတၢ်တိာ်ကျဲၤအသီတမံၤ’လၢ ပှၤဃိာ်ဖိလၢအကွၢ်ဆၢၣ်မဲာ် ဘၣ်တၢ်ဂ့ၢ်ကီန့ၣ်လီၤႉ တၢ်အံၤကစးထီၣ်ဆီတလဲ အံလယဲး (စ) အသးသမူန့ၣ်လီၤႉ ဖဲတၢ်မၤတၢ်တိာ်ကျဲၤအံၤအကတီၢ်‚ အ၀ဲစ့ၢ်ကီး နုာ်လီၤသကိးလၢတၢ်ကတိၤဂ့ၢ်လိာ်က့ှူၢ် ဖိတဖုလၢ ဟါဘး (ဒ) ဒီးမၤနၢၤတၢ်န့ၣ်လီၤႉ လၢအံလယဲး (စ) အဂီၢ်‚ တၢ်ကဲထီၣ်‚ ‘‘ပှၤတဂၤလၢက့ှူၢ်ဖိ မ့ၢ်ကျဲတဘိလၢ တၢ်ကပာ်ဖျါထီၣ်တၢ်လၢ တၢ်အၢၣ်လီၤတဖၣ် လီၤမၢ် လၢာ်လၢာ်ဆ့ဆ့တသ့၀ဲဘၣ်န့ၣ်လီၤႉ
တၢ်ဆီတလဲလၢအလီၤပလိာ်သးတမံၤအံၤ‚ ဟဲအိၣ်ထီၣ်လၢပသးပူၤ ဖဲပစးထီၣ် နၢ်ပၢၢ်လၢ တၢ်သးခုကစီၣ်လၢ ယွၤအတၢ်အဲၣ်လၢ ကစၢ်ယ့ၣ့်ှှူးအပူၤအံၤ မ့ၢ်တၢ်သးခု ကစီၣ်လၢပဂီၢ်စ့ၢ်ကီးန့ၣ်လီၤႉ တၢ်အံၤတစဲၤခံ‚ ဖဲပစးထီၣ်သ့ၣ်ညါဃုာ်ဒီးတၢ်ကမၢကမၣ် တၢ်အံၤန့ၣ်ဘၣ်ႉ ကစၢ်ယွၤအိၣ်ဒံးဒီးခါဆူညါတမံၤလၢပဂီၢ်န့ၣ်လီၤႉ
ဒီးတၢ်အံၤမ့ၢ်ခါဆူညါတမံၤလၢ န့ကၢး၀ဲဘၣ်၀ဲ မ့တမ့ၢ် နမၤကျၢၤအီၤတသ့‚ မ့မ့ၢ်တၢ်အံၤသန့ၤထီၣ်သး ထဲဒၣ်လၢ ကစၢ်ယွၤအဘျုးအဖှိၣ်ဒီး အစိကမီၤလၢအဒိၣ်အအါ (၂ ပ့း ၁း၂-၃) န့ၣ်လီၤႉ ခါဆူညါတမံၤ‚ ဖဲပထူၣ်ဖျဲးထီၣ်လၢ တၢ်သးဟးဂီၤလၢဟီၣ်ခိၣ်အံၤ ဒီး လၢပသးကံၢ်ပူၤလၢ အဘၣ်တၢ်မၤပှဲၤအီၤလၢ အ၀ဲ ‘အလၤကပီၤဒီးအတၢ်ဂ့ၤတၢ်၀ါ’ (း၃) န့ၣ်လီၤႉ ခါဆူညါတမံၤလၢ အဂၢၢ်ကျၢၤလၢ ကစၢ်ခရၠာစးံာ်အတၢ်စံးပာ်တဖၣ်လၢ တၢ်ဆိကမိၣ်က့ၤဒၣ်လဲာ်တသ့ (း၄) ဃုာ်စ့ၢ်ကီး ခါဆူညါတၢ်ဆီတလဲတမံၤလၢ ‘ကလဲၤ နုာ်ဆူ ယွၤအဖိတဖၣ် အတၢ်ပူၤဖျဲးအလၤကပီၤအပူၤလီၤ’’ (ရၠာစးိမ့ၤ ၈း၂၁) ႉ
ဘၣ်မနုၤလၢ တၢ်အံၤကီခဲလၢပဂီၢ်လၢ ပကတူၢ်လိာ် တၢ်ဘျုးတၢ်ဖှိၣ်ဒီး တၢ်အဲၣ် တၢ်ကွွံလၢ ပမၤန့ၢ်အီၤလၢ ပကစၢ်ဒၣ်၀ဲတသ့ဘၣ်န့ၣ်လဲၣ်ႉ လၢကစၢ်ယွၤအတၢ်ထံၣ် အပူၤန့ၣ် နအိၣ်ဒီး ခါဆူညါလၢအပှဲၤဒီးတၢ်ဃံတၢ်လၤလၢနဆိကမိၣ်ထီၣ်ဒၣ်လဲာ်တသ့ဘၣ်န့ၣ်လီၤႉ မ့ၢ်တၢ်အံၤသိးဘၣ်နသးလၢနဆိကမိၣ်ထီၣ်ဧါဒ်လဲၣ်ႉ