ဖဲပှၤတဂၤလၢအအိၣ်ဆိးလၢ အလဲး (စ) ကံၣ်ကစၢၢ်ခိၣ် မ့ၣ်အူအီၣ်ကွံာ်အဒဲ‚ ပှၤအံၤ ဘၣ်ဟးထီၣ်ကွံာ် လၢတၢ်တလၢတပှဲၤလၢတၢ်အိၣ်ကဒု ဃုာ်ဒီးတၢ်အီၣ်တဆံးတက့ၢ်‚ လၢတၢ်လီၢ်လၢအခုၣ်ကတၢၢ်လၢ ယူၢ်ႉအဲး (စ) ‚ လၢတၢ်ဂိၢ်အလါ အခုၣ်ကတၢၢ်အကံၢ်သးန့ၣ်လီၤႉ သၢနွံပူၤကွံာ်‚ လၢခံပှၤအံၤ ဒိးန့ၢ်တၢ်မၤပူၤဖျဲးအီၤ ဖဲကဘီယူၤ တဘ့ၣ် ဟဲယူၤ ဖဲအဖီခိၣ်ဒီး ဆှၢလီၤတၢ်ကစီၣ်‚ အ၀ဲဟးထီၣ်ကွံာ်လၢ မူခိၣ်ဖီ ဒီး တၢ်လီၢ်လၢအသူဒီး သပရၤမူၣ် (ျသသအ) န့ၣ်လီၤႉ
ပှၤကွဲးထါစံးထီၣ်ပ့တၢၤ စီၤဒၤ၀ံး ဘၣ်ကွၢ်ဆၢၣ်မဲာ်ဒီး တၢ်အိၣ်သးလၢ အလီၤပျံၤဒိၣ်ဒိၣ်မုၢ်မုၢ်တဖၣ်လီၤႉ အ၀ဲဘၣ် တၢ်လူၤအီၤလၢ စီၤပၤစီၤစီလူး လၢအသးကါ
တၢ်တဂၤ‚ လၢအမ့ၢ်ပှၤလၢအဃုမၤသံအီၤန့ၣ်လီၤႉ လၢတၢ်အံၤအဃိ အ၀ဲဃ့ၢ်ပူၤဖျဲး အသး ဆူကၤသး‚ ဖဲတၢ်လီၢ်လၢအ၀ဲပာ်ပျုၢ်အသး ဒ်သိးကပၢၤဃာ်အသးသမူအဂီၢ် န့ၣ်လီၤ (ကွၢ် ၁ ့ှှမူၤ ၂၁) ႉ လၢတၢ်ဂ့ၢ်ဒ်အံၤတဖၣ်အပူၤ‚ တၢ်လၢအဟဲအိၣ်ထီၣ် မ့ၢ်ထါစံးထီၣ်ပ့တၢၤ ၃၄‚ ဖဲစီၤဒၤ၀ံး ဃ့ထုကဖၣ်တၢ်ဆူ ကစၢ်ယွၤ ဒီး ထံၣ်န့ၢ် တၢ်ဃူတၢ်ဖိးလီၤ (း၄‚၆) ႉ ကစၢ်ယွၤနၢ်ဟူ အ၀ဲအတၢ်သကွံၢ်ကညး ဒီးမၤပူၤဖျဲးအီၤ လီၤႉ
မ့ၢ်နအိၣ်ဘၣ်လၢတၢ်အိၣ်သးလၢ အလီၤပျံၤဒီး ကိးထီၣ်တၢ်မၤစၢၤဧါႉ မ်နကဒိးန့ၢ် တၢ်လီၤတံၢ်လၢကစၢ်ယွၤနၢ်ဟူဒီး‚ နတၢ်ကိးထီၣ်ဃ့ထီၣ်တၢ်ဒီး စံးဆၢက့ၤ
ပတၢ်ထုကဖၣ်တၢ်လၢတနံၤအံၤန့ၣ်တက့ၢ်ႉ ဃုာ်ဒီးစီၤဒၤ၀ံး‚ ကစၢ်ယွၤအံၤ ဒိကနၣ် ပတၢ်သးဟးဂီၤအတၢ်ထုကဖၣ်ဒီး ထုးထီၣ်ကွံာ် တၢ်ပျံၤတၢ်ဖုးလၢပသးပူၤ (း၄) ‚ ဒီး တဘျီဘျီ‚ တုၤဒၣ်လဲာ်လၢ အအုၣ်က့ၤခီၣ်က့ၤပှၤလၢ ‘‘တၢ်ကိၢ်တၢ်ဂီၤခဲလၢာ်အပူၤလီၤ’’ (း၆) ႉ
ကစၢ်ယွၤအကလုၢ်ကထါ ကွဲမုာ်ပ၀ဲဆူ ပကပာ်ထီၣ်ပတၢ်ဘၣ်ယိၣ် ခဲလၢာ် လၢ ‘ယွၤအလိၤ’ႉႉႉ ဒီးကမၤစၢၤ (ပှၤ) လီၤ (စံး ၅၅း၂၂) ႉ ပပာ်ထီၣ် ပတၢ်ကီတၢ်ခဲတဖၣ်ဆူကစၢ်ယွၤ‚ ပနာ်န့ၢ်တၢ်သ့လၢအ၀ဲကဟ့ၣ်ပှၤ အတၢ်မၤစၢၤလၢ ပလိၣ်ဘၣ်၀ဲ တဖၣ်န့ၣ်လီၤႉ ဒီးပကဒိးန့ၢ်ဘၣ် တၢ်ဘံၣ်တၢ်ဘၢလၢ အ၀ဲအစုပူၤလီၤႉ