ဖဲတၢ်အီၣ်သကိး တၢ်ပျၢ်ကသုၣ်အနံၤတနံၤလၢ ယဟံၣ်၀ံၤအလီၢ်ခံ‚ ပှၤကိးဂၤ အိးထီၣ် တၢ်ဟ့ၣ်အဘိၣ်တဖၣ်လၢ အပှဲၤဒီးတၢ်ဆၢကိၢ်လိၣ်‚ တၢ်ဂီၤဆံးဆံးဖိဒီး စးခိခီဆံးဆံးဖိ လၢ အလွဲၢ်အိၣ်အကလုာ်ကလုာ်န့ၣ်လီၤႉ လၢတၢ်ဟ့ၣ်အဘိၣ်ဖိတဖၣ်အကျါ တၢ်အိၣ်၀ဲ တမံၤလၢ တၢ်လၤကပီၤခိၣ်သလုးလၢ အဘၣ်တၢ်မၤအီၤလၢစးခိတဖၣ်လၢ ပှၤတဂၤစုာ်စုာ်အဂီၢ်န့ၣ်လီၤႉ ပတထီဒါကွံာ်တၢ်အံၤဒီး ပနံၤကမှံလိာ်သကိးပသး ဖဲပဆ့ၣ်နီၤ က၀ီၤ စီၢ်နီၤခိၣ်န့ၣ်လီၤႉ လၢတၢ်အကတီၢ်တကတီၢ်‚ ပမ့ၢ်စီၤပၤဒီးနီၢ်ပၤမုၣ်တဖၣ်‚ ဖဲလၢပဘီ မုၢ် မ့မ့ၢ်ဒၣ်တၢ်အီၣ်မ့ၤလီၢ်တခါလၢ အအိၣ်ဒီးတၢ်ကမှံၤလၢ တၢ်အီၣ်လၢ ပအီၣ်တ့ၢ်ဃးဒၣ်လဲာ်န့ၣ်လီၤႉ
တၢ်ဆိကမိၣ်ဟဲကြပ့ၣ်ထီၣ်လၢ လံာ်စီဆှံအတၢ်အၢၣ်လီၤတမံၤလၢ ယတ ညီနုၢ် ဆိကမိၣ်တလီၢ်လီၢ်န့ၣ်လီၤႉ လၢတၢ်မူလၢဆူညါတပတီၢ်‚ ပှၤစူၢ်က့ၤနာ်က့ၤ တၢ်ကိးဂၤကနီၤဟ့ၣ်တၢ်စိတၢ်ကမီၤလၢ တၢ်ပၢဘၣ်တၢ်ဃုာ်ဒီး ကစၢ်ယ့ၣ့်ှှူးန့ၣ်လီၤႉ စီၤပီလူးပာ်ဖျါထီၣ်တၢ်အံၤလၢ ၁ ကရၠာစးံၣ်သူးအဆၢဒိၣ် ၆ အပူၤ‚ ဖဲအသံကွၢ် တၢ်သံကွၢ်လၢ ‘‘မ့ၢ်သုတသ့ၣ်ညါဘၣ်လၢ ပှၤစီဆှံကစံၣ်ညီၣ်ဟီၣ်ခိၣ်ဘၣ်ဧါ’’ (း၂) ႉ စီၤပီလူး ဒိးသန့ၤခါဆူညါတၢ်ခွဲးတၢ်ယာ်အံၤ မ့ၢ်လၢအ၀ဲသးအိၣ်လၢ ကဒုးသူၣ်ဟူးသးဂဲၤ ပှၤစူၢ်က့ၤနာ်က့ၤတၢ်တဖၣ်‚ ဆူတၢ်ကဆၢတဲာ်တၢ်ဂ့ၢ်လိာ်တဖၣ် လၢတၢ်ဃူတၢ်ဖိးအပူၤ လၢဟီၣ်ခိၣ်အံၤန့ၣ်လီၤႉ အ၀ဲသ့ၣ်လိာ်ဘၢလိာ်ကွီၢ်လိာ်သး ကဒဲကဒဲဒီး တၢ်လၢအပိာ်ထွဲထီၣ်အခံတခီ မ့ၢ်တၢ်လၢအမၤဆါ မံၤလၤသၣ်ကပီၤလၢ ပှၤစူၢ်က့ၤ နာ်က့ၤတၢ်အဂုၤအဂၤတဖၣ်လၢ အ၀ဲသ့ၣ်အက့ှူၢ်ဖိအပူၤန့ၣ်လီၤႉ
ပကဲထီၣ်ပှၤလၢအဂ့ၤထီၣ်လၢ တၢ်ဆၢတဲာ်တၢ်သဘံၣ်ဘုၣ်သ့၀ဲ‚ ဒ်သးစီဆှံ ဒုးအိၣ်ထီၣ်တၢ်ကီၤသူၣ်ကီၤသး‚ တၢ်သူၣ်စူၤသးစူၤ ဒီးတၢ်၀ံသးစူၤလၢပပူၤန့ၣ်လီၤႉ ဒီး အကတီၢ်ဖဲကစၢ်ယ့ၣ့်ှှူးအတၢ်ဟဲက့ၤကဒါက့ၤဆူဟီၣ်ခိၣ် ဒီးမၤပှဲၤသးစီဆှံအတၢ်မၤ လၢပပူၤ (၁ယိၤ ၃း၂-၃) ‚ ပကအိၣ်ကတဲာ်ကတီၤပသးလၢပလီၢ်လၤလၢ ပကဒိးန့ၢ် သပှၢ်တၢၢ်၀ဲ ‘‘ဘီမုၢ်ဒီးပှၤလုၢ်တၢ်အဒိၣ်လၢယွၤအမဲာ်ညါႉႉႉ ပၢတၢ်လၢဟီၣ်ခိၣ်’’ (လီၣ် ၅း၁၀) အသိးန့ၣ်လီၤႉ မ်ပဟံးဃာ်သကိး တၢ်အၢၣ်လီၤအံၤလၢ အကပီၤထီၣ်လၢ လံာ်စီဆှံအပူၤ ဒ်လၢၢ်၀ါတဖျၢၣ်လၢ အဘၣ်တၢ်တ့အီၤလၢ တၢ်လၤကပီၤခိၣ်သလုးထူတဖျၢၣ်အလိၤန့ၣ်တက့ၢ်ႉ