ဖဲ ၁၈၇၆ နံၣ်‚ ပှၤမၤတၢ်ဖိတဖၣ် ခူၣ်လၢၢ်သွဲၣ်လးလၢ အ့ၣ်ဒံၢ်ယါနၣ် ကံၢ်သး ဒီး ဆိကမိၣ်ထီၣ်လၢ အ၀ဲသ့ၣ်ထံၣ်န့ၢ် လရၠာစးာ်အခိၣ်ထိးန့ၣ်လီၤႉ ပှၤကူၣ်သ့လၢ တၢ်စံၣ် စိၤတဲစိၤ ကၠီဘါလိမၣ်တ့ၣ် ပာ်ဖျါထီၣ်လၢဖဲတၢ်ခူၣ်တၢ်ပူၤ တုၤဆူ အပ့ၣ် ၆၀၀‚ ‘‘တၢ် အသ၀ံလၢ အနၢတမုာ်တခုၣ်ကလာ်ထီၣ်လၢတၢ်ပူၤ’’ န့ၣ်လီၤႉ လၢတၢ်ပျံၤတၢ်ဖုး တၢ်လၢ မ့ၢ်အ၀ဲသ့ၣ်‚ ‘‘တုၤဘၣ်ဆူ တၢ်၀ံတၢ်နါအလိခိၣ်ထိး’’ လံဧါအဃိ‚ ပှၤခူၣ် ဟီၣ်လာ်ဖိတဖၣ် ထုးကွံာ်တၢ်ခူၣ်တၢ်ပူၤအံၤ ဒီးက့ၤခ@သဒံဆူ အဟံၣ်အဃီတဖၣ်န့ၣ်လီၤႉ
ပူၤကွံာ်တဘျုးနံၣ်အလီၢ်ခံ‚ ပှၤခူၣ်ဟီၣ်လာ်တဖၣ် သ့ၣ်ညါက့ၤလၢ အ၀ဲ သ့ၣ်ဆိကမိၣ်ကမၣ်တၢ်အဃိ‚ က့ၤခူၣ်ကဒီးက့ၤတၢ်ပူၤဒီး ဒိးန့ၢ် ဂာ်သ၀ံလၢ အထူး၀ဲ တီၤ၀ဲန့ၣ်လီၤႉ ဖဲလၢအ၀ဲသ့ၣ် မ့ၢ်ဆိကမိၣ်ကမၣ်တၢ်ဒၣ်လဲာ်‚ ယထံၣ်လီၤယသးလၢယအိၣ်ဒီးတၢ်သးကါတဆံးတက့ၢ် လၢအ၀ဲသ့ၣ် အဖီခိၣ်န့ၣ်လီၤႉ ပှၤခူၣ်ဟီၣ်လာ်ဖိတဖၣ် မူတၢ်အိၣ်မူလၢ တၢ်သ့ၣ်ညါတၢ်လၢ အဘၣ်ထွဲဒီးနီၢ်သးတကပၤအံၤ‚ ညီနုၢ်မ့ၢ်တၢ်လၢအဟါမူၤဟါမၢ်လၢ ယတၢ်အိၣ်မူဒၣ်၀ဲအပူၤန့ၣ်လီၤႉ တၢ်အံၤညီ၀ဲလၢယဂီၢ် ဒ်သိးကအိၣ်မူတၢ်အိၣ်မူ ဒ်ဒိတၢ်ဖျူးန့ဆၢၣ်ဒီး န့ဆၢၣ်တနါစိၤဘၣ်သဂၢၢ် လိာ်သးဒီး သးပ့ၤနီၣ်ကွံာ်တၢ်လၢ ‘‘တမ့ၢ်ပကနိဒီး တၢ်သွံၣ်ဒီးတၢ်ဖံးတၢ်ညၣ်ဘၣ်ႉႉႉ တၢ်နါအိၣ်လၢမူခိၣ်အလီၢ်တဖၣ်လီၤ’’ (အ့ဖ့းစူး ၆း၁၂) ႉ
ဖဲပထံၣ်တၢ်အၢတၢ်သီ မၤနၢၤကွံာ်ပဟီၣ်ခိၣ်‚ တ့ကၢးလၢ ပကဂုာ်ကျဲးစၢး Bတီဆၢက့ၤတၢ်အံၤလၢ ပတၢ်ဂံၢ်တၢ်ဘါဒၣ်၀ဲန့ၣ်ဘၣ်ႉ လၢတၢ်အံၤအလီၢ်‚ ပကဘၣ် Bတီဆၢကွံာ်တၢ်အၢတၢ်သီလၢ တၢ်ကူထီၣ်သိးထီၣ် ‘‘ယွၤအစုက၀ဲၤခဲလၢာ်’’ (း၁၃- ၁၈) န့ၣ်လီၤႉ တၢ်မၤလိလံာ်စီဆှံ‚ တၢ်ထံၣ်လိာ်သးဒီး ပှၤစူၢ်က့ၤနာ်က့ၤ တၢ်တဖၣ်လၢတၢ်ဟ့ၣ်ဂံၢ်ဟ့ၣ်ဘါအဂီၢ်‚ ဒီးဃုထၢတၢ်လၢအဂ့ၤ၀ဲ၀ါ၀ဲလၢ ပှၤအါဂၤလၢ အမၤစၢၤပှၤသ့ ဒ်သိးက ‘‘Bတီမုၣ်ကီၤလံၢ်အတၢ်လီတၢ်၀့ၤ’’ (း၁၁) န့ၣ်လီၤႉ ပဆၢထၢၣ်ဂၢၢ်ကျၢၤ ဒ်သိးကကွၢ်ဆၢၣ်မဲာ် တၢ်တမံၤမံၤကသ့၀ဲဖဲတၢ်ပှဲၤဒီး သးစီဆှံန့ၣ်လီၤႉ