ဖဲ ၁၉၁၄ နံၣ်အပူၤ‚ တချုးခရၠာစးံာ်အိၣ်ဖျဲၣ်တသီလၢ ကီၢ်ဘဲ (လ) ကၠံၣ်ယၣ်န့ၣ် တၢ်သး၀ံၣ် အကလုၢ်လၢ ဟဲသီၣ်ထီၣ်လၢ တၢ်ပူၤလၢတၢ်အိၣ်ခူသူၣ်‚ ဖဲပှၤသုးဖိတဖၣ် ခူၣ်တၢ်ပူၤအလီၢ် န့ၣ်လီၤႉ ‘နၤစီဆှံ‚ နၤအိၣ်ဘှီၣ်’ အထါသး၀ံၣ်လၢအပှဲၤ ဒီးတၢ်ဆီၣ်သနံး ဟဲသီၣ်ထီၣ်လၢ ပှၤကၠမနံၢ်ဖိ၀ံၤ‚ လၢခံလၢပှၤအဲကလံးဖိတဖၣ်အအိၣ်လီၤႉ လၢနံၤသီလၢ အဆိကတၢၢ်တဖၣ် သုးဖိတဖၣ်အံၤ ခးလိာ်သးကဒဲကဒဲ‚ ဘၣ်ဆၣ်အခဲအံၤ အ၀ဲသ့ၣ်ပာ်လီၤသကိး အစုက၀ဲၤတဖၣ် ဒီးဟဲဟးထီၣ်လၢအ၀ဲသ့ၣ်အတၢ်ပူၤအခိၣ်ထိးဆူ တၢ်ကဟံးစုကွၢ်မဲာ် လိာ်သးလၢ တၢ်လီၢ်လၢလၢအ၀ဲသ့ၣ်အဘၢၣ်စၢၤ‚ ဟ့ၣ်ခီဟ့ၣ်နီၤလိာ် ခရၠာစးံာ်အိၣ်ဖျဲၣ် တၢ်ဆၢဂ့ၤဆၢ၀ါတဖၣ်ဒီး တၢ်သူၣ်ဆူၣ်သးဆူၣ် တၢ်အီၣ်တဖၣ်လၢ တၢ်လၢအအိၣ်ဒီး အ၀ဲသ့ၣ် န့ၣ်လီၤႉ တၢ်ပတုာ်တၢ်ခးလဲၤကဒီးအသး တုၤလၢ လၢခံတသီ ဒ်ပှၤသုးဖိတဖၣ် ကတိၤသကိးတၢ်‚ နံၤသကိးဒီး တုၤဒၣ်လဲာ်လၢ ပာ်ဖှိၣ်ထီၣ်သကိးသးဒီး သBတီၤလိာ်သး‚ လၢတၢ်ထူဖျၢၣ်ထူန့ၣ်လီၤႉ
ခရၠာစးံာ်အိၣ်ဖျဲၣ်တၢ်အၢၣ်လီၤလၢ ဒုၣ်ဒါခံဖုလၢ ၁၉၁၄ နံၣ် လၢ အဟဲအိၣ်ထီၣ် ဖဲဟီၣ်ခိၣ်ဒီဘ့ၣ်တၢ်ဒုးတၢတဘျီလၢ ကီၢ်မုၢ်နုာ်တၢ်ဒုးတၢ်ယၤအပူၤ ဟ့ၣ်ထီၣ် တၢ်ဃူတၢ်ဖိး အလၢအပှဲၤတဘျးဖိလၢ ကလူးတဖၣ် တဲဖျါထီၣ်လၢ ခရၠာစးံးစမၢး (စ) အဆိကတၢၢ်တဘျီ‚ လၢပူၤကွံာ် နံၣ်လၢအကထိန့ၣ်လီၤႉ ကလူးတဂၤ ကတိၤတၢ်ဆူ ပှၤကွၢ်သိလၢ အပျံၤတၢ်ဖုးတၢ်တဖၣ်အအိၣ်‚ လၢတၢ်ကတိၤလၢ အမၤလီၤတံၢ်တၢ် ဒ်‚ ‘‘ပျံၤတၢ်တဂ့ၤ‚ အဂ့ၢ်ဒ်အံၤ‚ ကွၢ်ကွၢ် ယစံးဘၣ်တဲဘၣ်သုလၢ တၢ်သးခုဖးဒိၣ်အကစီၣ်လၢ အကကဲထီၣ် လၢပှၤဂီၢ်မုၢ်ခဲလၢာ်အဂီၢ်လီၤႉ အဂ့ၢ်ဒ်အံၤ‚ အအံၤတနံၤအံၤ‚ ပှၤလၢအအုၣ်က့ၤခီၣ်က့ၤ တၢ်တဖၣ်န့ၣ်‚ အိၣ်ဖျဲၣ်၀ဲလၢသုဂီၢ် လၢစီၤဒၤ၀ံးအ၀့ၢ်ပူၤလံ’’ န့ၣ်လီၤ (လူၤကၣ် ၂း၁၀-၁၁) ႉ ၀ံၤ‚ ကလူးဂီၢ်မုၢ် ဟဲဖျါထီၣ် ‘‘ဒီးသး၀ံၣ်ထီၣ်ယွၤ ဒီးစံး၀ဲဒၣ်‚ တၢ်လၤကပီၤ‚ မ်အဘၣ်ယွၤလၢတၢ်ထီကတၢၢ်တက့ၢ်ႉ မ်တၢ်အမုာ် အိၣ်ထီၣ်လၢဟီၣ်ခိၣ်ချၢ ဒီးတၢ်ဘၣ်အသးလၢ ပှၤကညီတက့ၢ်’’ န့ၣ်လီၤ (း၁၃-၁၄) ႉ
ကစၢ်ယ့ၣ့်ှှူးန့ၣ် မ့ၢ်တၢ်ဃူတၢ်ဖိးအစီၤပၤဖးဒိၣ်လၢ အအုၣ်က့ၤခီၣ်က့ၤ ပှၤလၢပတၢ်ဒဲးဘး (ယ့ှှါ ၉း၆) န့ၣ်လီၤႉ ခီဖျိအ၀ဲအတၢ်လုၢ်ထီၣ်သးလၢ ထူၣ်စုညါလိၤ‚ ကစၢ်ဟ့ၣ်ထီၣ်တၢ်ပျၢ်တၢ်ကမၣ် ဒီးတၢ်ဃူတၢ်ဖိး ဃုာ်ဒီးကစၢ်ယွၤ ဆူပှၤကိးဂၤလၢ အစူၢ်အီၤနာ်အီၤန့ၣ်လီၤႉ