ဖဲအလဲၤမၤတၢ်လၢထံဂုၤကီၢ်ဂၤလၢ တၢ်ကိၢ်အကီၢ် ဒီး သူၣ်လီၤအသးတဘျုးလါ ၀ံၤ၀ဲ ဒီး ဟဲဒံၢ်ဒီး ကၠဲးဖိဟဲက့ၤဆူဟံၣ် လၢဒူၣ်ဖိထၢဖိ လၢမံၣ့်ှှံၣ်ကၣ်ကီၢ်စဲၣ်အခါန့ၣ် တၢ်အကတီၢ်တုၤဃီၤလၢ တၢ်ဂိၢ်ကတီၢ်န့ၣ်လီၤႉ တၢ်အံၤကမ့ၢ်တၢ်အဆိကတၢၢ်လၢ အဖိအဂၤ ၁၀ အဂီၢ် ထံၣ်ဘၣ် တၢ်ဘၣ်တ့ဃံလၤလၢ အမ့ၢ်မူခိၣ်ဖီန့ၣ်လီၤႉ
ဘၣ်ဆၣ်‚ တၢ်ဂိၢ်ကတီၢ်လၢ မံၣ့်ှှံၣ်ကၣ်‚ လိၣ်ဘၣ်၀ဲ ဆ့ကၤလၢၤအါမး‚ လၢအပၣ်ဃုာ်ဒီးဆ့ကၤခိးတဖၣ်‚ သိဆူၣ်ဒီးခီၣ်ဖံး ဖးထီတဖၣ်လီၤႉ လၢဟံၣ်ဖိဃီဖိ အနီၢ်ဂံၢ်အါမးတဒူၣ်အဂီၢ်‚ တၢ်အံၤမ့ၢ်တၢ်လၢအပရၤကလံၤဒိၣ်မးလၢ ကဘၣ်ဒီတဒၢ တၢ်ဂိၢ်တၢ်ခုၣ်လၢအနး လၢအအိၣ်လၢအ၀ဲသ့ၣ်အမဲာ်ညါန့ၣ်လီၤႉ ဘၣ်ဆၣ်‚ ယွၤမၤစၢၤ တၢ်လၢအလိၣ်အံၤန့ၣ်လီၤႉ အဆိကတၢၢ် ဟံၣ်လၢအအိၣ်လၢအ၀ဲသ့ၣ် အကပၤတဒူၣ် ဟဲစိာ် ခီၣ်ဖျီၣ်‚ ၀ံၤဖျီၣ်ခံလၢတၢ်သိးအီၤ ဖဲမူခိၣ်ဖီလီၤ‚ ခိၣ်သလုးဒီး စုဖျီၣ်တဖၣ်လီၤႉ ၀ံၤ‚ တံၤသကိးတဂၤ ဟ့ၣ်ဆူၣ်ထီၣ်ပှၤဂုၤပှၤဂၤလၢ အ၀ဲအတၢ်အိၣ်ဖှိၣ်ဆူ တၢ်ကထၢဖှိၣ် ဆ့ကၤအလၢၤအကလုာ်ကလုာ်လၢ ပှၤတဆံခံဂၤ ကူသိး၀ဲဘၣ်လၢ အ၀ဲသ့ၣ် အဟံၣ်ဖိဃီဖိအဂီၢ်န့ၣ်လီၤႉ ဖဲတၢ်အကတီၢ်အ၀ဲန့ၣ်‚ မူခိၣ်ဖီစးထီၣ်လီၤ၀ဲ‚ ဘၣ်ဆၣ် လၢ ဟံၣ်ဖိဃီဖိအံၤအဂီၢ်‚ တၢ်လၢအ၀ဲသ့ၣ်လိၣ်ဘၣ်၀ဲ အိၣ်လၢအိၣ်ပှဲၤ လီၤတံၢ်လီၤဆဲးလီၤႉ
ကျဲအါဘိအကျါတဘိလၢ ပမၤယွၤအတၢ်ခ့တၢ်ပှၤအတၢ်မၤမ့ၢ်‚ တၢ်မၤစၢၤ ပှၤလၢအလိၣ်ဘၣ် တၢ်မၤစၢၤန့ၣ်လီၤႉ ၁ ယိၤဟၣ် ၃း၁၆-၁၈ ဟ့ၣ်ဂံၢ်ဟ့ၣ်ဘါပှၤလၢ တၢ်ကမၤစၢၤပှၤဂုၤပှၤဂၤလၢ တၢ်လၢပပၢၤဘၣ်အီၤ လၢလၢပှဲၤပှဲၤတဖၣ်န့ၣ်လီၤႉ တၢ်မၤ တၢ်ခ့တၢ်ပှၤအတၢ်မၤန့ၣ် မၤစၢၤပှၤ ဒ်သိးပကလီၤဂာ်အါထီၣ်ဒီး ကစၢ်ယ့ၣ့်ှှူး‚ ဒ်ပစးထီၣ်အဲၣ်တၢ်ကွံတၢ် ဒီးထံၣ်ပှၤဂုၤပှၤဂၤ ဒ်အ၀ဲထံၣ်ဒီးမၤ၀ဲအသိးန့ၣ်လီၤႉ
တလီၢ်လီၢ်‚ ကစၢ်ယွၤစူးကါအဖိတဖၣ် ဒ်သိးကမၤပှဲၤတၢ်လိၣ်တဖၣ်‚ ဆူ တၢ်စံးဆၢက့ၤ တၢ်ထုကဖၣ်တဖၣ်န့ၣ်လီၤႉ ဒီးဒ်ပမၤစၢၤပှၤဂုၤပှၤဂၤအသိး‚ ပသးဒၣ်၀ဲ စ့ၢ်ကီး ဘၣ်တၢ်ဟ့ၣ်ဂံၢ်ဟ့ၣ်ဘါက့ၤ ဒ်ပဟ့ၣ်ဂံၢ်ဟ့ၣ်ဘါ ပှၤဂုၤပှၤဂၤလၢ ပမၤစၢၤအီၤတဖၣ်အသိးန့ၣ်လီၤႉ တၢ်အစၢလၢအဟဲအိၣ်ထီၣ်တမံၤမ့ၢ်‚ တၢ်စူၢ်တၢ်နာ်လၢ ပနီၢ် ကစၢ်ဒၣ်၀ဲ ကဒိၣ်ထီၣ်၀ဲ ဒ်ကစၢ်ယွၤစူးကါပှၤလၢ ပကမၤစၢၤတၢ်လၢ ကျဲအသီတဖၣ် အပူၤ (း၁၈) အသိးန့ၣ်လီၤႉ