ဖဲဟီၣ်ခိၣ်ဒီဘ့ၣ် တၢ်ဒုးတၢတဘျီပိၢ်ဖးထီၣ်လၢ ၁၉၁၄ နံၣ်‚ အဲကလံး ထံဂ့ၢ်ကီၢ်ဂ့ၢ်ခိၣ်နၢ်လၢ ပှၤပးကဲအီၤအါတဂၤ လၢအမ့ၢ်‚ စၢၣ်အဲးဒ၀ဲးကရၠာစး့ ရၠာစးၤလီၤတၢ်ကစီၣ်လၢ‚ ‘မ့ၣ်အူဒၢတဖၣ် ဟးထီၣ်ကွံာ်လၢ ယူရၠာစးပၤဒီတဘ့ၣ် ပတထံၣ်ဘၣ်လၢအ၀ဲသ့ၣ်ဘၣ်တၢ်ဒွဲၣ်ထီၣ်ကဒီးလၢ ပသးသမူ အကတီၢ်အံၤန့ၣ်ဘၣ်’ႉ ကရၠာစး့အတၢ်ကတိၤအံၤ မ့ၢ်တၢ်လၢအဘၣ်၀ဲန့ၣ်လီၤႉ လၢခံကတၢၢ် ဖဲ ‘တၢ်ဒုးလၢအဒုးကတၢၢ်ကွံာ် တၢ်ဒုးခဲလၢာ်ကတၢၢ်ကွံာ်န့ၣ် ပှၤအကကွဲၢ် ၂၀ ဘၣ်တၢ်မၤသံကွံာ် (ပှၤအကကွဲၢ် ၁၀ လၢအမ့ၢ် ပှၤကမျၢၢ်) ဒီးပှၤ ၂၁ ကကွဲၢ် န့ၣ် ဘၣ်ဒိဘၣ်ထံးလၢ တၢ်ဒုးတၢ်ယၤန့ၣ်လီၤႉ
ဖဲတၢ်ဒ်သိးအံၤ မ့ၢ်တဘၣ်ဒိဘၣ်ထံး ပှဲၤသိးဒီးတၢ်ဒုးတၢတဘျီ ဘၣ်ဆၣ်‚ တၢ်အံၤ ဟဲအိၣ်ထီၣ်သးလၢ ပနီၢ်တဂၤအတၢ်အိၣ်မူအပူၤသ့၀ဲစ့ၢ်ကီးန့ၣ်လီၤႉ လၢပဟံၣ်ပဃီလၢ ပတၢ်မၤ အလီၢ်‚ လၢပတၢ်အိၣ်ဖှိၣ် မ့တမ့ၢ် လၢပခိၣ်ပဃၢၤ‚ ဘၣ်တၢ်ဘိၣ်ထီၣ်အီၤလၢ တၢ်သဘံၣ်ဘုၣ်‚ လၢအဘၣ်တၢ်ဘၣ်ယိၣ်လၢ ကဟဲကဲထီၣ်၀ဲန့ၣ်လီၤႉ တၢ်အံၤ မ့ၢ်တၢ်ဂ့ၢ်အါမံၤအကျါတမံၤလၢ ကစၢ်ယွၤကိးပှၤလၢ ပကကဲထီၣ်ပှၤလၢအမၤဃူမၤဖိးတၢ်လၢ အလီၤဆီ လၢ ဟီၣ်ခိၣ်အံၤန့ၣ်လီၤႉ ဘၣ်ဆၣ်‚ လၢတၢ်ကမၤတၢ်အံၤအဂီၢ်‚ ပကဘၣ်သန့ၤထီၣ်ပသးလၢ အ၀ဲအတၢ်ကူၣ်သ့န့ၣ်လီၤႉ ပှၤတၢ်မၢဖိစီၤယၤကိာ်ကွဲးဖျါထီၣ်လၢ ‘မ့မ့ၢ်တၢ်ကူၣ်ဘၣ်ကူၣ်သ့လၢထးန့ၣ်‚ မ့ၢ်လၢအဆိလၢတၢ်စီတၢ်ဆှံ‚ လၢခံက့ၤ‚ တၢ်မုာ်တၢ်ဖိး‚ တၢ်သူၣ်စူၤတၢ်သးစူၤ‚ ဒိးတၢ်ကညးန့ၢ်အီၤညီ‚ လၢထီၣ်ပှဲၤထီၣ်ဒီး တၢ်သးကညီၤဒီးတၤသၣ်အဂ့ၤ‚ တကွၢ်မဲာ်ဘၣ်တၢ်ဘၣ်ႉ ဒီးတၢ်လီတၢ်၀့ၤတအိၣ်ဘၣ်လၢအပူၤဘၣ်လီၤႉ ဒီးတၢ်တီတၢ်လိၤ အတၤသၣ်န့ၣ်‚ ဘၣ်ဖှံလီၤအသးလၢ တၢ်ဃူတၢ်ဖိးအပူၤလၢ ပှၤလၢအမၤတၢ်ဃူတၢ်ဖိး အစုပူၤလီၤ’ (ယၤ ၃း၁၇-၁၈) ႉ
ပှၤမၤဃူမၤဖိးတၢ်အတၢ်မၤန့ၣ် မ့ၢ်တၢ်လၢအကါဒိၣ် မ့ၢ်လၢတၢ်အသူအသၣ် လၢကကူးဘၣ်က့ၤ မ့ၢ်တၢ်လၢအဂ့ၤန့ၣ်လီၤႉ တၢ်ကတိၤလၢအမ့ၢ် ‘တၢ်တီတၢ်လိၤ’ အခီပညီမ့ၢ် ‘တၢ်ဆၢထၢၣ်လၢတၢ်လီၢ်လၢအဘၣ်’ မ့တမ့ၢ် ‘တၢ်ရၠာစး့လိာ်မုာ်လိာ်လၢအဘၣ်’ န့ၣ်လီၤႉ ပှၤမၤဃူမၤဖိးတၢ်တဖၣ်‚ မၤစၢၤတၢ်လၢ ကသူၣ်ထီၣ်က့ၤ တၢ်ရၠာစး့လိာ်မုာ်လိာ်တဖၣ်န့ၣ်လီၤႉ ကစၢ်ယ့ၣ့်ှှူးအတၢ်ကတိၤလၢ‚ ‘‘ပှၤလၢအမၤဃူမၤဖိး တၢ်တဖၣ်န့ၣ် ဘၣ်ဆိၣ်ဂ့ၤ၀ဲလီၤႉ အဂ့ၢ်ဒ်အံၤ‚ အ၀ဲသ့ၣ်တဖၣ်န့ၣ် ကဘၣ်တၢ်ကိးအီၤလၢ ယွၤအဖိခွါလီၤ’’ (မး ၅း၉) န့ၣ် တၢ်ကမၢကမၣ်အလီၢ်တအိၣ်ဘၣ်ႉ အ၀ဲအဖိတဖၣ်လၢ အသန့ၤထီၣ်သးလၢ အ၀ဲအတၢ် ကူၣ်သ့ ကဲထီၣ်ပိးလီတဖၣ်လၢ အ၀ဲအတၢ်ဃူတၢ်မုာ် ဖဲတၢ်အံၤဘၣ်တၢ်လိၣ်ဘၣ်အီၤ ကတၢၢ်န့ၣ်လီၤႉ