မဲးခ် အိၣ်ဒီးတၢ်ဘၣ်ဟူးဂဲၤလၢ ကသံၣ်မူၤဘှိး ဒီးတၢ်ဒဲးဘးလၢအဘၣ်ထွဲဒီးက့းအဃိ‚ အသူၣ်တဖှံသးတညီဘၣ်လီၤႉ တၢ်လၢ အပာ်လုၢ်ပာ်ပရၤ၀ဲလၢ အမ့ၢ်တၢ်ရၠာစး့လိာ်မုာ်လိာ် စ့ၢ်ကီး ပှဲၤဒီးတၢ်သဘံၣ်ဘုၣ်ဒီးအသးခီၣ်ဒီးၣ်ဆီၣ်သနံးအီၤန့ၣ်လီၤႉ လၢအတၢ်သဘံၣ်ဘုၣ်အပူၤ‚ အ၀ဲထံၣ်လီၤအသးလၢအလဲၤတုၤဆူ တၢ်ဘါသရၠာစးိာ်လၢ တၢ်တဘိးဘၣ်သ့ၣ်ညါတၢ် နီတမံၤ ဒီးဃ့တၢ်ခွဲးတၢ်ယာ် ဒ်သိးကကတိၤသကိးတၢ်လၢ တၢ်အိၣ်ဖှိၣ်သရၠာစးၣ်န့ၣ်လီၤႉ ဖဲအံၤ‚ အ၀ဲထံၣ်န့ၢ်တၢ်သးခုလၢ အနီၤဟ့ၣ်ဘၣ်အတၢ်ဂ့ၢ်လၢ အသဘံၣ်ဘုၣ်ဒီး နၢ်ဟူစ့ၢ်ကီးတၢ်ဂ့ၢ်လၢအဘၣ်ထွဲဒီးယွၤအတၢ်သးကညီၤဒီး တၢ်ပျၢ်တၢ်ကမၣ်န့ၣ်လီၤႉ
ထါစံးထီၣ်ပ့တၢၤ ၃၂ အံၤ‚ တၢ်နာ်လၢအဘၣ်တၢ်ကွဲးအီၤလၢ စီၤဒၤ၀ံး ဖဲအမၤ တၢ်ဒဲးဘးလၢ အဘၣ်ထွဲဒီးက့း၀ံၤအလီၢ်ခံန့ၣ်လီၤႉ အ၀ဲမၤအၢထီၣ်အတၢ်ကမၣ်အံၤလၢ‚ တၢ်ဒဲးဘးအကျဲကူၣ်နၢၤလၢ အတတီတလိၤလၢ အစၢဟဲအိၣ်ထီၣ်လၢ ပိာ်မုၣ်အံၤအ၀ၤ အတၢ်သံန့ၣ်လီၤ (၂ ့ှှမူၤ ၁၁-၁၂) ႉ ဖဲတၢ်ကဲထီၣ်သးလၢအလာ်အၢတဖၣ် မ့ၢ်အိၣ်လၢ အ၀ဲအလီၢ်ခံဘၣ်ဆၣ်‚ တၢ်လၢအဘၣ်ဒိဘၣ်ထံးလၢ အဟဲအိၣ်ထီၣ်လၢအ၀ဲ အတၢ်ဟူး တၢ်ဂဲၤတဖၣ်အဂီၢ်န့ၣ် အိၣ်တ့ၢ်ဒံးန့ၣ်လီၤႉ ထါစံးထီၣ်ပ့တၢၤ ၃၂း၃-၄ ပာ်ဖျါထီၣ်‚ အ၀ဲ အတၢ်ဘၣ်ဂုာ်ကျဲၤစၢးယိာ်ယိာ်လၢ တၢ်လၢအလဲၤခီဖျိတ့ၢ်၀ဲလၢ‚ တချုးလၢအ၀ဲအၢၣ်လီၤ တၢ်မၤလၢအလာ်အၢ‚ အ၀ဲတူၢ်ဘၣ် တၢ်ကလၢၢ်ဘၣ်တၢ်လၢ တၢ်အကတီၢ်ဖးယံာ်လၢ တၢ်တအၢၣ်လီၤ တၢ်ဒဲးဘးအံၤမ့ၢ်‚ တၢ်လၢတၢ်သမၢအီၤ တသ့န့ၣ်လီၤႉ မ့ၢ်တၢ် မနုၤဟဲစိာ်တၢ်မၤမုာ်ထီၣ်က့ၤတၢ်န့ၣ်လဲၣ်ႉ တၢ်မၤမုာ်ထီၣ်က့ၤတၢ်‚ စးထီၣ်သးဖဲအ၀ဲအၢၣ် လီၤ အတၢ်ဒဲးဘးဆူယွၤအအိၣ် ဒီးတူၢ်လိာ်တၢ်ပျၢ်တၢ်ကမၣ်လၢယွၤဟ့ၣ်၀ဲ (း၅) န့ၣ်လီၤႉ
မ့ၢ်တၢ်လီၢ်ဖးဒိၣ်မနုၤတမံၤလၢပဂီၢ် ဒ်သိးကစးထီၣ်တၢ်လၢ ယွၤအတၢ်သး ကညီၤအလီၢ်အကျဲ‚ ဖဲပတဲဘၣ်တၢ်လၢတၢ်ကတိၤမ့ၢ်ဂ့ၤ‚ မ့တမ့ၢ် မၤဘၣ်တၢ်လၢအဒုး ကဲထီၣ်တၢ်မၤဘၣ်ဒိဆါတၢ်ဆူ ပနီၢ်ကစၢ်ဒီးဆူ ပှၤဂုၤပှၤဂၤန့ၣ်လဲၣ်ႉ တၢ်ဒဲးဘးလၢပမၤ ဘၣ်အီၤအံၤ‚ အလီၢ်တအိၣ်လၢကအိၣ်စံာ်အိၣ်ကျၢၤန့ၣ်ဘၣ်ႉ ပှၤအိၣ်တဂၤလၢ အသလၣ် ထီၣ်အစု ဆူတၢ်ကတူၢ်လိာ်ပှၤ‚ ဖဲပအၢၣ်လီၤ ပတၢ်ကမၣ်တဖၣ်ဒီး ဃုထံၣ်အ၀ဲ အတၢ်ပျၢ် တၢ်ဒဲးဘးန့ၣ်လီၤႉ ပပာ်ဖှိၣ်ထီၣ်ပသးဒီး သး၀ံၣ်ဃုာ်တၢ်ဒီး ပှၤလၢအသး၀ံၣ် ထါသး၀ံၣ်‚ လၢအမ့ၢ် ‘ပှၤလၢအတၢ်ကမၣ်ဘၣ်တၢ်ပျၢ်လံ‚ လၢအတၢ်ဒဲးဘးဘၣ်ကျၢၢ်ဘၢလံန့ၣ် ဘၣ်ဆိၣ်ဂ့ၤ၀ဲလီၤ’ (း၁) အံၤ‚ သ့၀ဲန့ၣ်လီၤႉ