က့ၢ်ဂီၤလၢ ယထံၣ်ဘၣ်အံၤ ဒုးနံၤဒုးအ့ယၤတုၤယကလုၢ်သီၣ်ထီၣ်ဒိၣ်ဒိၣ်လီၤႉ ပှၤဂီၢ်မုၢ် တဖၣ် ရၠာစးဲၣ်လီၤသးလၢ ပှၤမဲးစံးကိၣ်အကျဲတဘိ‚ ၀ံၢ်၀ၢ်နီၢ်တယၢ်ဒီး ဖှံလီၤစးခိဖီဖိတဖၣ် ဖဲအအိၣ်ခိး ပၤပၤ အတၢ်ဟဲန့ၣ်လီၤႉ လၢကျဲအခၢၣ်သးတခီ‚ ထွံၣ်ဖိလၢအဟးဖျိးတဒု‚ ဟဲဖျါထီၣ်ဒ်တၢ်သးခုကိးမံၤအံၤ မ့ၢ်တၢ်လၢအ၀ဲအဂီၢ် အသိးန့ၣ်လီၤႉ မ့ၢ်လီၤႉ ထွံၣ်ကိးဒုး့ကၢးအိၣ်ဒီး အမုၢ်နံၤဒီး ့ကၢးသးခုစ့ၢ်ကီး ဒ်သိးအံၤန့ၣ်လီၤႉ
တၢ်အံၤဖျါလီၤအဲၣ်လီၤကွံ ဖဲထွံၣ်ဖိတဒု ဟုၣ်န့ၢ်တၢ်စံးထီၣ်ပ့တၢၤ‚ ဘၣ်ဆၣ်‚ ဖဲတၢ်မ့ၢ်တမျာ်န့ၢ် တၢ်စံးထီၣ်ပ့တၢၤတဂၤတမံၤတခီ‚ ဒုးကဲထီၣ် တၢ်မၤဟးဂီၤတၢ်လၢ ပအိၣ်န့ၣ်လီၤႉ စီၤဒၤ၀ံး သ့ၣ်ညါတၢ်အံၤဒီး လၢတၢ်အံၤအဃိ‚ အ၀ဲသမၢ၀ဲ တၢ်ကအီထံ လၢ အသုးခိၣ်လၢ အဒူဃိၤတဖၣ် လုၢ်ထီၣ်အသးသမူဒီး လဲၤဒၢၣ်န့ၢ်ထံလၢ အ၀ဲအဂီၢ်န့ၣ် လီၤႉ အ၀ဲဆၢအီဘၣ်ထံလၢ အအိၣ်လၢအ၀့ၢ်ဘ့ၤသလ့ဃ့ၣ်ထံပူၤဒီး တဲထီၣ်၀ဲလၢ မ့ၢ်မတၤတဂၤ ကလဲၤဟံးန့ၢ်တၢ်အံၤလၢအဂီၢ်န့ၣ်လဲၣ်လီၤႉ အသုးဖိသၢဂၤလိာ်‚ ဆၢမၤပှဲၤတၢ်အံၤန့ၣ်လီၤႉ အ၀ဲသ့ၣ် ဃ့ၢ်သဖှိကွံာ်ဒုၣ်ဒါ‚ ဒၢၣ်ထီၣ်ထံဒီး ဟဲက့ၤစိာ်တၢ်အံၤန့ၣ်လီၤႉ စီၤဒၤ၀ံး‚ ဘၣ်တၢ်လုၣ်ဘၢအီၤလၢ အ၀ဲသ့ၣ်အတၢ် လုၢ်ထီၣ်အသး န့ၣ်လီၤႉ အ၀ဲသမၢလၢတၢ်ကအီထံအံၤ‚ ဒီး ‘လူလီၤ၀ဲ လၢယွၤအဂီၢ်’’ ဒ်တၢ်လုၢ်ထီၣ်ထံ တမံၤအသိး (၂ ့ှှမူၤ ၂၃း၁၆) န့ၣ်လီၤႉ
မ့ၢ်ပမၤဆၢက့ၤတၢ်လၢ တၢ်စံးထီၣ်ပ့တၢၤဒီး တၢ်မၤလၤကပီၤပှၤဒ်လဲၣ်ႉ ဖဲတၢ်စံးထီၣ်ပ့တၢၤအံၤ လိၤလိၤဘျၢဘျၢ မ့မ့ၢ်ဆူပှၤဂုၤပှၤဂၤ‚ လီၤလီၤဆီဆီ မ့မ့ၢ် ကစၢ်ယွၤအဂီၢ်အဃိ‚ ဟးထီၣ်ကွံာ်လၢ တၢ်အံၤန့ၣ်တက့ၢ်ႉ တၢ်အံၤ‚ တမ့ၢ်တၢ်လၢပဂီၢ် န့ၣ်ဘၣ်ႉ ဖဲတၢ်မၤလၤကပီၤ မ့ၢ်ဟဲလိၤလိၤဘျၢဘျၢဆူပအိၣ်‚ စံးဘျုးပှၤလၢအတဲ တၢ်အံၤ‚ ၀ံၤဟ့ၣ်က့ၤတၢ်မၤလၤကပီၤကိးမံၤဆူ ကစၢ်ယ့ၣ့်ှှူး‚ လၢအ့ကၢးဒီး တၢ် စံးထီၣ်ပ့တၢၤဒီး တၢ်လၤကပီၤန့ၣ်တက့ၢ်ႉ ‘ထံ’ အံၤ တမ့ၢ်စ့ၢ်ကီး တၢ်လၢပဂီၢ်ဘၣ်ႉ စံးဘျုးက့ၤတၢ်ဒီး လူလီၤတၢ်အံၤလၢ ကစၢ်ယွၤအမဲာ်ညါတက့ၢ်ႉ