‘‘ခီၣ့်ှှူနသးနီတစုတဂ့ၤ’’ႉ ‘‘ကျဲးစၢၤလၢ ပှၤတဂၤဂၤကသးခုဒီး နံၤကမှံဘၣ်တက့ၢ်ႉ’’ ‘‘နမ့ၢ်ပှၤလၢအလီၤကမၢကမၣ်ဖးဒိၣ်လီၤႉ’’ ‘‘အကါတဒိၣ်လၢ နဟဲဖဲလဲၣ်ဘၣ်‚ မ့မ့ၢ်အကါဒိၣ်လၢ နကမူဒီးလဲၤတၢ်ဒ်လဲၣ်လီၤႉ’’ တၢ်ကစီၣ်ဖိတဖၣ်အံၤ ဘၣ်တၢ်ကွဲးလီၤလၢတကွံသၣ်အဖျၢၣ်တဖၣ်အလိၤလၢ ဖိသၣ်ဆံးတဖၣ်လၢ ဘၢၣ်ကၠံနံယါကၢၢ်နံၤ‚ အကၠိဖိမုၢ်ဆါတၢ်အီၣ်အဒၢးပူၤန့ၣ်လီၤႉ တၢ်အီၣ်လီၢ်တၢ်မၤမူဒါခိၣ် စထဲးစံၣ်ထ့ှူမဲ ဟံးန့ၢ် တၢ်ဆၢကတီၢ်လၢ ကကွဲးဟ့ၣ်ဂံၢ်ဟ့ၣ်ဘါတၢ်လၢ တကွံသၣ်အဖျၢၣ်တဖၣ် အလိၤ‚ လၢဖိသၣ်ဆံးတဖၣ်ကိးလၢ ‘တကွံသၣ်တဖၣ်လၢအကတိၤတၢ်’ န့ၣ်လီၤႉ
တၢ်ကဟုကယာ်ဒ်သိးအံၤ‚ ဒုးသ့ၣ်နီၣ်ထီၣ်ယၤလၢ စီၤဘၢ်နါဘၤ အသူၣ် အသးလၢ အပာ်၀ဲလၢ ‘ပှၤစူၢ်နာ်သီတၢ်တဖၣ်အဂီၢ်လၢ ၀့ၢ်အၣ်တံၤအီာ် (မၤတၢ် ၁၁း၂၂-၂၄) န့ၣ်လီၤႉ စီၤဘၢ်နါဘၤ အမံၤဟူသၣ်ဖျါလၢ အတၢ်သ့တၢ်ဘၣ်လၢ ကထုးန့ၢ် ပှၤဂီၢ်မုၢ်အသးန့ၣ်လီၤႉ ဒ်အဘၣ်တၢ်သ့ၣ်ညါအီၤလၢ အမ့ၢ်ပှၤအဂ့ၤတဂၤလၢ အအိၣ်ဒီး တၢ်နာ်အလၢအပှဲၤဒီး ပဲှၤဒီးသးစီဆှံအသိး‚ အ၀ဲဟ့ၣ်ဂံၢ်ဟ့ၣ်ဘါ ပှၤစူၢ်နာ်သီတၢ်တဖၣ် ဒ်သိး ‘ကသနံာ်သန့ၤအသးလၢယွၤ’ (း၂၃) န့ၣ်လီၤႉ ယဆိကမိၣ်ထီၣ် လၢ အ၀ဲကစူးကါ တၢ်ဆၢကတီၢ် ဃုာ်ဒီးပှၤလၢအ၀ဲအဲၣ်ဒိးမၤစၢၤ၀ဲတဖၣ်‚ စံးတၢ်ကတိၤ ဒ်‚ ‘ဃ့ထုကဖၣ်သပှၢ်ပှၢ်‚ နာ်န့ၢ်ကစၢ်ယွၤ‚ အိၣ်ဘူးဒီးကစၢ်ယွၤ ဖဲသးသမူမ့ၢ်ကီခဲ’ န့ၣ်လီၤႉ
ပှၤစူၢ်နာ်သီတၢ်တဖၣ်‚ ဒ်ဖိသၣ်တဖၣ်အသိး လိၣ်ဘၣ်တၢ်ဟ့ၣ်ဂံၢ်ဟ့ၣ်ဘါ လီၤႉ အ၀ဲသ့ၣ် အိၣ်ပှဲၤဒီးတၢ်လၢကဂုၤထီၣ်ပသီထီၣ်သ့၀ဲန့ၣ်လီၤႉ အ၀ဲသ့ၣ်ထံၣ်သ့ၣ်ညါ ဘၣ် တၢ်လၢကဂ့ၤ၀ဲလၢအ၀ဲသ့ၣ်အဂီၢ်လီၤႉ ဘၣ်ဆၣ်‚ အ၀ဲသ့ၣ်တသ့ၣ်ညါဒံး တၢ်လၢကစၢ်ယွၤအဲၣ်ဒိးလၢ အ၀ဲသ့ၣ်ကဘၣ်မၤတၢ်မနုၤ အလၢအပှဲၤဒံးအဃိ‚ တလီၢ်လီၢ်‚ ဒုၣ်ဒါဟံးန့ၢ်တၢ်ဆၢကတီၢ်အါမးလၢ ကBတီဃာ်အ၀ဲသ့ၣ်လၢ အတၢ်နာ် ဆူတၢ်ဖီထီၣ် သၣ်ထီၣ်န့ၣ်လီၤႉ
ပ၀ဲကိးဂၤလၢ အလဲၤတ့ၢ်သကိးလံဒီး ကစၢ်ယ့ၣ့်ှှူးလၢ တၢ်အကတီၢ်တကတီၢ်‚ သ့နၢ်ပၢၢ်လံတၢ်မူလၢခရၠာစးံာ်အဂီၢ်န့ၣ် မ့ၢ်တၢ်လၢအကီခဲထဲလဲၣ်န့ၣ်လီၤႉ မ်ပ၀ဲကိးဂၤ‚ ပကသ့ဟ့ၣ်တၢ်ဒီး ဒိးန့ၢ်တၢ်ဟ့ၣ်ဂံၢ်ဟ့ၣ်ဘါ ဒ်ယွၤအသးစီဆှံ အတၢ်နဲၣ်ပှၤ ဒီးဒုးပလီၢ်ပှၤလၢ နီၢ်သးအတၢ်မ့ၢ်တၢ်တီအသိးတက့ၢ်ႉ