ဖုဖုတဂၤလၢအအိၣ်လၢ ဘဲလ်လဲးစ်တၢ်ကဟုကယာ်ဖံဖုအိၣ်ဆိးလီၢ်‚ ဆ့ၣ်နီၤလၢ လီၢ်ဆ့ၣ်နီၤအိၣ်ဒီးပၣ်ဒီး ဒိကနၣ် အမဲရၠာစးကၤတီၤထီကၠိဖိမုၣ်ဖိခွါတဖု အတၢ်သး၀ံၣ် စံးပ့တၢၤ ကစၢ်ယ့ၣ့်ှှူး‚ လၢတၢ်သးခုအပူၤန့ၣ်လီၤႉ ၀ံၤ‚ ဖဲသးစၢ်တဖုအံၤ ဂုာ်ကျဲးစၢး ရၠာစး့လိာ်သး ဒီးအီၤ‚ ဖဲန့ၣ်အ၀ဲသ့ၣ်သ့ၣ်ညါဘၣ်လၢဖုတဂၤအံၤ ကတိၤတၢ်တသ့၀ဲဘၣ် န့ၣ်လီၤႉ မ့ၢ်လၢအဘၣ်န့ၢ် ကလံၤကျီအီၤတၢ်ဆါအဃိ‚ အ၀ဲကတိၤက့ၤတၢ်တသ့၀ဲ လၢၤဘၣ်ႉ
မ့ၢ်လၢသးစၢ်တဖၣ်အံၤ သ့ၣ်ညါလၢအဆဲးကျိးဒီးဖုအံၤလၢ ထးခိၣ် အတၢ်ကတိၤတသ့အဃိ‚ အ၀ဲသ့ၣ်ဆၢတဲာ်လၢ ကသး၀ံၣ်န့ၣ် တၢ်လၢဖုအံၤအဂီၢ်‚ ဒီးဖဲအံၤတၢ်လၢအလီၤကမၢကမၣ်တမံၤ ဟဲအိၣ်ထီၣ်လီၤႉ သးပှၢ်လၢ အကတိၤတၢ်တသ့တဂၤအံၤ စးထီၣ်သး၀ံၣ်တၢ်လီၤႉ ဃုာ်ဒီးတၢ်သူၣ်ဆူၣ် သးဆူၣ်‚ အ၀ဲသး၀ံၣ်ထီၣ် ‘‘တၢ်ဒိၣ် စၢ်ယွၤ’’ ဃုာ်ဒီးအတံၤသကိး အသီဖိတဖၣ်လီၤႉ
တၢ်အံၤ မ့ၢ်တၢ်အကတီၢ်လီၤဆီဖးဒိၣ်တခါလၢ ပှၤကိးဂၤဒဲးအဂီၢ်လီၤႉ သးပှၢ်အံၤ အတၢ်အဲၣ်ဘၣ်ကစၢ်ယွၤ‚ တိဖျိကွံာ်တၢ်ဒူၣ်တၢ်ဆၢလၢ ကအဲးထီၣ် အထးခိၣ် ဒ်သိးကဘူၣ်ထီၣ်ဘါထီၣ်ယွၤလၢ သးဒီဖျၢၣ်ဒီး လၢတၢ်သးခုဖးဒိၣ် အတၢ်ဘူၣ်ထီၣ် ဘါထီၣ်ယွၤန့ၣ်လီၤႉ
တကတီၢ်ဘၣ်တကတီၢ်‚ ပ၀ဲကိးဂၤ ပအိၣ်ဒီး တၢ်ဒူၣ်တၢ်ဆၢလၢ ပကဘူၣ် ထီၣ်ဘါထီၣ်ယွၤန့ၣ်လီၤႉ ကမ့ၢ်သ့ၣ်သ့ၣ် တၢ်ရၠာစး့လိာ်ဘၣ်ထွဲ အတၢ်သဘံၣ်ဘုၣ် မ့တမ့ၢ် ကျိၣ်စ့အတၢ်ဂ့ၢ်ကီတမံၤမံၤန့ၣ်လီၤႉ မ့တမ့ၢ် ကမ့ၢ်သးလၢ တအိၣ်ဒီးတၢ်သးဂဲၤလၢ ကရၠာစး့လိာ်ဘၣ်ထွဲဒီးကစၢ်ယွၤန့ၣ်လီၤႉ
ပတံၤသကိးလၢ အကတိၤတၢ်တသ့ ဒုးသ့ၣ်နီၣ်ထီၣ်ပှၤလၢ‚ ကစၢ်ယွၤ အတၢ်ဒိၣ်တၢ်မုၢ် ဒီးယွၤလၢ အသ့တၢ်လၢာ် ဒုးလဲၤခီဖျိကွံာ်ပှၤ လၢတၢ်ဒူၣ်တၢ်ဆၢ တမံၤဂ့ၤတမံၤဂ့ၤ သ့၀ဲန့ၣ်လီၤႉ ‘‘ယွၤယကစၢ်‚ ကမၢကမၣ် ယဲဒိၣ်မး‚ ဖဲယဆိကမိၣ် နစုတၢ်မၤတဖၣ်ႉႉႉ’’
မ့ၢ်နဘၣ်ဂုာ်ကျဲးစၢးဟူးဂဲၤလၢ ကဘူၣ်ထီၣ်ဘါထီၣ်ကစၢ်ယွၤစ့ၢ်ဧါႉ ဆိကမိၣ်ထီၣ် ပကစၢ်ယွၤလၢ အဒိၣ်၀ဲမုၢ်၀ဲအံၤ‚ ခီဖျိတၢ်ဖးထီၣ်ထါစံးထီၣ်ပ့တၢၤ ၉၆ ဒီးနဲစ့ၢ်ကီး နကထံၣ်ဘၣ်က့ၤ တၢ်Bတီမၤတံာ်တာ်နၤတဖၣ် ဘၣ်တၢ်မၤပှဲၤက့ၤလၢ တၢ်စံးထီၣ်ပ့တၢၤယွၤန့ၣ်လီၤႉ