ပှၤသံကွၢ်တၢ်ဖိ ဘ့လ့်ှှၣ်ပံၣ်ရၠာစးိၣ် ထုးထီၣ်လံာ်ပာ်ဖှိၣ်လၢ‚ ‘‘တ့ၠအ တန ုနနစ မ့ၢ်ပပၢၤဃာ် ပာ်ဖိှၣ်ဃာ် တၢ်မနုၤန့ၣ်လဲၣ်’’ န့ၣ် ပှၤတဂၤစုာ်စုာ် စံးဆၢလၢ အဟံးဃာ်ပၢၤဃာ် တၢ်လၢအကါဒိၣ်ဒီး ဒုးသးခုဘၣ်အ၀ဲသ့ၣ် ဒီး တၢ်ဂ့ၤတမံၤမံၤလၢ သးပ့ၤနီၣ်တသ့ နီတစုအဂ့ၢ်န့ၣ်လီၤႉ
တၢ်အံၤ ဒုးအိၣ်ထီၣ်တၢ်ကဆိကမိၣ်ထီၣ်က့ၤ တၢ်ပၢၤဘၣ်တၢ်လၢအကါဒိၣ်ကတၢၢ် ဆူယၤဒီး ဟ့ၣ်ယၤ တၢ်သးခုန့ၣ်လီၤႉ တမံၤမ့ၢ် တၢ်ဖီအီၣ်ဖီအီၤ အလံာ်တဘ့ၣ် လၢအဘၣ်တၢ်ကွဲးအီၤလၢ ယမိၢ်အစုလီၢ်လၢ အအိၣ်လံ အနံၣ်လွံၢ်ဆံလီၤႉ အဂၤတမံၤ မ့ၢ်ယဖံအလၣ်ဖးထံခွးဖိ တဘ့ၣ်လၢအလွဲၢ်ဂီၤစၢ်လၢ လၣ်ဖးထံခွးအါဘ့ၣ်အကျါ န့ၣ်လီၤႉ ပှၤဂုၤပှၤဂၤ‚ ကပာ်လုၢ်ပာ်ပရၤ တၢ်သ့ၣ်နီၣ်ထူးတီၤတဖၣ် လၢအမ့ၢ်တၢ်ဟ့ၣ်ဂံၢ်ဟ့ၣ်ညါ အ၀ဲသ့ၣ်‚ လံၤဖိတဂၤ နံၤခံးခံးလီၤအဲၣ်လီၤကွံ မ့တမ့ၢ် လံာ်စီဆှံအဆၢလီၤလီၤဆီဆီတခါလီၤႉ
တလီၢ်လီၢ်‚ တၢ်လၢပပာ်ဖှိၣ်ခူသူၣ်လၢ ပသးကံၢ်ပူၤ ဒ်တၢ်လၢအဟဲစိာ်န့ၢ်ပှၤ တၢ်သးအုးဖးဒိၣ် ဒ်အမ့ၢ်တၢ်ပာ်ခူသူၣ် တၢ်သူၣ်ကိၢ်သးဂီၤလီၤႉ ဘၣ်ဆၣ်‚ မ့ၢ်တၢ်လၢ တၢ်မၤန့ၢ်ကဒါက့ၤအီၤညီညီန့ၣ်လီၤႉ တၢ်သးထီၣ်‚ မ့ၢ်ဖျါခဲဘၢအသးလၢ ပသးကံၢ်ပူၤ ဘၣ်ဆၣ်‚ ကတဲာ်ကတီၤထီၣ်သးလၢ ကမၤသဘံၣ်ဘုၣ်တၢ်လီၤႉ တၢ်ဟဲက့ၤကဒါက့ၤ‚ တၢ်မၤန့ၢ်ကဒါက့ၤတၢ်‚ ကသွံဒံအီၣ်ဂီၤလၢာ်ကွံာ် ပတၢ်ဆိကမိၣ်တဖၣ်န့ၣ်လီၤႉ
ပှၤတၢ်မၢဖိစီၤပီလူး ပာ်ဖျါထီၣ်လၢ ကဆိကမိၣ်ထီၣ် တၢ်လၢအကပီၤတကပၤ‚ လၢအလံာ်ပရၠာစးၢဆူ ဖံလံးပံၤတၢ်အိၣ်ဖှိၣ်န့ၣ်လီၤႉ အ၀ဲဟ့ၣ်ဂံၢ်ဟ့ၣ်ဘါ တၢ်အိၣ်ဖှိၣ်ဖိတဖၣ်လၢ ကသးခုတဘိယူၢ်ဃီ‚ ကသူၣ်စူၤသးစူၤဒီး ကဟဲစိာ်တၢ်ကိးမံၤလၢ ကစၢ်ယွၤအအိၣ် လၢတၢ်ထုကဖၣ်တၢ်အပူၤ (ဖံး ၄း၄-၉) န့ၣ်လီၤႉ
စီၤပီလူးဟ့ၣ်တၢ်အတယၢၢ်လၢ တၢ်လၢပဆိကမိၣ်ထီၣ်တၢ်တဖၣ် အဖီခိၣ်‚ လၢတၢ်ကမၤစၢၤပှၤဆူ တၢ်ကထံၣ်တၢ်လၢ တၢ်ကဆီၣ်ဖျိးကွံာ်တၢ်ဆိကမိၣ်အခံး အနၤတဖၣ် ဒီးပျဲယွၤအတၢ်ဃူတၢ်ဖိးဆူ တၢ်ကပၢၤဃာ် ပသူၣ်ပသးလၢ ယ့ၣ့်ှှူးခရၠာစးံာ် အပူၤလီၤ (း၇) ႉ တၢ်အံၤမ့ၢ်၀ဲ ဖဲတၢ်ဆိကမိၣ်တဖၣ်မၤပှဲၤပသးဒီးတၢ်မ့ၢ်တၢ်တီ‚ တၢ်ဂ့ၤတၢ်၀ါ‚ တၢ်တီတၢ်လိၤ‚ တၢ်အဲၣ်တၢ်ကွံ‚ တၢ်အဲၣ်ဘၣ်ကွံဘၣ်တၢ်ဒီး တၢ်စံးပ့တၢၤလၢအပၢၤဃာ် ယွၤအတၢ်ဃူတၢ်ဖိးလၢပသးကံၢ်ပူၤ (း၈) လီၤႉ