‘‘လၢၢ်ကိၢ်လိၣ်အခီျထံ’’ မ့ၢ်တၢ်တဲမုၢ်နၢ်လၢပျၢၤတယုၢ်‚ ဃုာ်ဒီးလံာ်အါဘ့ၣ်လၢ အတဲဖျါတၢ်လၢ ပှၤလၢအသၣ်၀ံၤတဂၤ ဟဲနုာ်လီၤဆူသ၀ီတဖျၢၣ်အပူၤလီၤႉ ဘၣ်ဆၣ် ပှၤနီတဂၤ တဟ့ၣ်အီၤတၢ်အီၣ်ဘၣ်ႉ အ၀ဲတ့ၢ်နုာ်လီၤလၢၢ်ကိၢ်လိၣ်တဖျၢၣ်လၢ ထံချီကိၢ်ကိၢ်အပူၤလီၤႉ ဖဲအ၀ဲမၤတၢ်အံၤလၢတၢ်ကူၣ်‚ ပှၤသ၀ီဖိတဖၣ်ကွၢ်အီၤဒီး အ၀ဲခွဲးခွး ‘‘အလၢၢ်ကိၢ်လိၣ်အချီ’’ အံၤလီၤႉ လၢခံန့ၣ် ပှၤတဂၤဟဲစိာ် သဘၣ်ဘီတံၢ်စှၤတံၢ်လီၤႉ ပှၤအဂၤတဂၤ တ့ၢ်နုာ်ပသၢဂီၤတဖျၢၣ်‚ ပှၤအဂုၤအဂၤတဂၤ တ့ၢ်နုာ်ဘုမုယီၤတစှီၤလီၤႉ ပှၤထူစံာ်ဖိတဂၤ ဟ့ၣ်မၤဘူၣ်လီၤ တၢ်နုာ်ထံတနီၤလီၤႉ လၢခံကတၢၢ်‚ ‘‘လၢၢ်ကိၢ်လိၣ်အချီထံ’’ ကဲထီၣ်မးတၢ်အချီပံာ်ပံာ် လၢ အ၀ံာ်အဘဲဒိၣ်မးန့ၣ်လီၤႉ
တၢ်တဲဖိအံၤ‚ ပာ်ဖျါထီၣ် တၢ်နီၤဟ့ၣ်တၢ်အလုၢ်အပရၤန့ၣ်လီၤႉ ဒီးတၢ်အံၤ ဒုးပလီၢ်စ့ၢ်ကီးပှၤလၢ ပကဘၣ်ဟဲစိာ်တၢ်လၢ အအိၣ်ဒီးပှၤ‚ ဖဲလၢမ့ၢ်ဖျါ၀ဲဒၣ်လဲာ်လၢ အကါမ့ၢ်တဒိၣ်၀ဲဘၣ်န့ၣ်လီၤႉ လၢလံာ်ယိၤဟၣ် ၆း၁-၁၄ အပူၤ‚ ပဖးဘၣ် ဖိသၣ်ပိာ်ခွါဖိတဂၤလၢ အဟဲဖျါထီၣ်လၢပှၤဂီၢ်မုၢ်ဖးဒိၣ်အကျါ ဒ်ဖိသၣ်ဖိထဲတဂၤဧိၤလၢ အဟဲစိာ် တၢ်အီၣ်န့ၣ်လီၤႉ ကစၢ်ယ့ၣ့်ှှူးအပျဲၢ်အဘီၣ်တဖၣ် စူးကါဖိသၣ်အံၤ အတၢ်အီၣ်လၢ အမ့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်လီၤႉ ဖဲအဟ့ၣ်လီၤအးလီၤတၢ်အီၣ်အံၤဒီး ကစၢ်ယ့ၣ့်ှှူး မၤအါထီၣ်ဒီး ဒုးအီၣ်ဘၣ် ပှၤဂီၢ်မုၢ်အဂၤယဲၢ်ကထိ လၢအသူၣ်၀ံၤသးစ့ၤန့ၣ်လီၤႉ
တဘျီယနၢ်ဟူဘၣ် ပှၤတဂၤ စံး၀ဲလၢ‚ ‘‘နတအိၣ်ဒီးတၢ်အီၣ်လၢ နကဒုး အီၣ်ပှၤ အဂၤယဲၢ်ကထိန့ၣ်ဘၣ်ႉ တၢ်လၢအအိၣ်ဒီးနၤ မ့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်လၢ နကဘၣ်ဟဲစိာ်အီၤန့ၣ်လီၤ’’ႉ ဒ်ကစၢ်ယ့ၣ့်ှှူး ဟံးထီၣ်ပှၤတဂၤ အတၢ်အီၣ်ဒီး မၤအါထီၣ် တၢ်ဒီး ဒုးကဲထီၣ်တၢ်လၢအလဲၤတလၢကွံာ် ပှၤတဂၤဂၤအတၢ်ဆၢမုၢ်လၢ် မ့တမ့ၢ် အတၢ် ဆိကမိၣ်မှံတၢ် (း၁၁) အသိး‚ အ၀ဲကတူၢ်လိာ် ပတၢ်အးလီၤဟ့ၣ်လီၤပသးလၢ ပတၢ်ဂုာ်ကျဲးစၢး‚ တၤလၣ်ဒီး တၢ်မၤတဖၣ် ဒ်န့ၣ်အသိးစ့ၢ်ကီးလီၤႉ တၢ်လၢအ၀ဲအမိၣ်န့ၢ် သးလီ၀ဲမ့ၢ်‚ ပကဟဲစိာ်တၢ်အံၤ ဆူအ၀ဲအအိၣ်လၢ တၢ်သူၣ်အိၣ်သးအိၣ်အပူၤန့ၣ်လီၤႉ