ဖဲကၠဲးဖ် ကဲထီၣ်ပှၤစူၢ်က့ၤနာ်က့ၤအသီ‚ ဒီးခီလ့ၣ်ကၠိ၀ံၤ၀ဲသီသီတဂၤအကတီၢ်န့ၣ် အ၀ဲနုာ်လီၤမၤတၢ်လၢ ရၠာစး့ၣ်နီၣ်သိခီပနံၣ်အဒိၣ်တဖျၢၣ်န့ၣ်လီၤႉ ဒ်အမ့ၢ် ပှၤဆါတၢ်ဖိ အသိး‚ အ၀ဲဘၣ်လဲၤဘၣ်က့ၤဒီး ဖဲအလဲၤတၢ်က့ၤတၢ်န့ၣ် အ၀ဲနၢ်ဟူဘၣ်ပှၤအါဒံအါဂၤ ဘၣ်ကွၢ်ဆၢၣ်မဲာ်ဘၣ် တၢ်သးလီၤဘှံးလီၤတီၤန့ၣ်လီၤႉ အ၀ဲသ့ၣ်အတၢ်လိၣ်ဘၣ်န့ၣ် တမ့ၢ်စဲးသိဘၣ် မ့ၢ်ဒၣ်တၢ်သူၣ်အိၣ်သးအိၣ်တၢ်လီၤႉ အ၀ဲ သ့ၣ် လိၣ်ဘၣ် ကစၢ်ယွၤလီၤႉ တၢ်အံၤဆှၢ ကၠဲးဖ်ဆူ ကလဲၤထီၣ် လံာ်စီဆှံကၠိ ဒ်သိးတၢ်ကမၤလိအါထီၣ် တၢ်လၢအဘၣ်ထွဲဒီး ယွၤအသူၣ်အသးဒီး လၢခံန့ၣ် အ၀ဲကဲထီၣ် တၢ်အိၣ်ဖှိၣ်သရၠာစးၣ် တဂၤန့ၣ်လီၤႉ
ကၠဲးဖ် အတၢ်သူၣ်အိၣ်သးအိၣ်တၢ် အဂံၢ်ထံးန့ၣ် အိၣ်၀ဲ လၢ ကစၢ်ယ့ၣ့်ှှူးအပူၤန့ၣ်လီၤႉ လၢလံာ်မးသဲ ၉း၂၇-၃၃အပူၤ‚ ပထံၣ်ဘၣ် ကစၢ်ယ့ၣ့်ှှူး အတၢ်သးအိၣ်လၢ အတၢ်ယါဘျါ ပှၤမဲာ်ဘျီၣ်ခံဂၤဒီး ပှၤတဂၤလၢ တၢ်နါအိၣ်လၢအလိၤလီၤႉ လၢအဘီမုၢ်တၢ်သးခုကစီၣ်လၢဟီၣ်ခိၣ် ဒီတကတီၢ်‚ အ၀ဲလဲၤတၢ်က့ၤတၢ်လၢ တၢ်စံၣ်တဲၤတဲလီၤတၢ်သးခုကစီၣ် ဒီးတၢ်ယါဘျါတၢ်လၢ ‘‘ကိးခူကိး၀့ၢ် ဒီးကိးဒူကိးသ၀ီ’’ (း၃၅) န့ၣ်လီၤႉ ဘၣ်မနုၤအဃိ လဲၣ်ႉ ဖဲအ၀ဲထံၣ်ဘၣ်ပှၤဂီၢ်မုၢ်‚ အ၀ဲအသးအိၣ်ဘၣ်အီၤ မ့ၢ်လၢအ၀ဲသ့ၣ် တၢ်ဘှံးအသး ဒီး လီၤြပံလီၤြပါ၀ဲ ဒ်သိလၢတၢ်ကွၢ်အီၤတအိၣ်အသိးအဃိန့ၣ်လီၤ (း၂၆) ႉ
တနံၤအံၤ ဟီၣ်ခိၣ်န့ၣ် ပှဲၤ၀ဲဒီးတၢ်ကီတၢ်ခဲဒီး ပှၤလၢအသးဟးဂီၤတဖၣ်လၢ အလိၣ်ဘၣ် ပှၤအုၣ်က့ၤခီၣ်က့ၤတၢ် အတၢ်ကဟုကယာ်န့ၣ်လီၤႉ ဒ်ပှၤကွၢ်သိတဂၤ လၢအဆှၢ‚ ကဟုကယာ်ဒီး ဒီတဒၢအသိတဖၣ်အသိးန့ၣ် ကစၢ်ယ့ၣ့်ှှူး ယူာ်ထီၣ်အစုလၢတၢ်သးအိၣ်တၢ် ဆူပှၤကိးဂၤလၢအဟဲဆူအအိၣ်န့ၣ်လီၤ (၁၁း၂၈) ႉဖဲပအိၣ်တပူၤလၢ်လၢ် ဒီးလၢ ပတၢ်လဲၤခီဖျိမနုၤဂ့ၤမနုၤဂ့ၤ‚ ပမ့ၢ်အိၣ်လၢ ခရၠာစးံာ်အပူၤန့ၣ်‚ ပထံၣ်န့ၢ် သးလၢ အဒုးယွၤလီၤ တၢ်အဲၣ်တၢ်ကွံဒီးတၢ်ကဟုကယာ်န့ၣ်လီၤႉ ဒီးဖဲပနှၢ် ဘျုးန့ၢ်ဖှိၣ်လၢ ယွၤအတၢ်သးကညီၤ အတၢ်အဲၣ်တၢ်ကွံ ဒီး ပကဟ့ၣ်ထီၣ်တၢ်အံၤဆူ ပှၤဂုၤပှၤဂၤအအိၣ်န့ၣ်လီၤ