စတံဘၢၣ် တဲဘၣ်အမိၢ်အပၢ်လၢ အ၀ဲလိၣ်ဘၣ်လၢ တၢ်ကလဲၤတုၤဆိ ဆူကၠိကိးဂီၤဒဲး ဘၣ်ဆၣ်‚ အ၀ဲတတဲဖျါ၀ဲလၢ ဘၣ်မနုၤအကါဒိၣ်လၢ ကဘၣ်လဲၤတုၤဆိဆိလၢကၠိဘၣ် န့ၣ်လီၤႉ အမိၢ်အပၢ် ဆှၢအီၤ ဘၣ်ဆၢဘၣ်ကတီၢ် ကိးဂီၤ‚ ဆူတၢ်ကလဲၤတုၤလၢ နီးသ်ဘၠူတီၤထီကၠိ ဖဲဂီၤ ၇း၁၅ နၣ်ရၠာစးံၣ် ကိးဂီၤဒဲးလီၤႉ
ဘၣ်တဂီၤ ဖဲတၢ်ခုၣ်ဒိၣ်မး ဖဲအထီၣ်ကၠူနယၢၢ်အနံၣ် စတံဘၢၣ် ကွၢ်ဆၢၣ်မဲာ်ဘၣ် သိလ့ၣ်တၢ်တတၢးတနါတမံၤ ဒီးလၢတၢ်သးအုးအပူၤ‚ တၢ်အံၤစိာ်ကွံာ်အသးသမူလီၤႉ လၢခံ အမိၢ်ဒီးအပၢ်သ့ၣ်ညါဘၣ်က့ၤ၀ဲလၢ ဘၣ်မနုၤလၢအ၀ဲ အဲၣ်ဒိးလဲၤတုၤဆူကၠိဆိဆိန့ၣ်လဲၣ်လီၤႉ ကိးဂီၤဒဲး အ၀ဲဒီး အတံၤသကိးတနီၤ‚ ပာ်ဖှိၣ်ထီၣ်အသးလၢကၠိအကျဲစၢၤ‚ ဒီးတူၢ်လိာ်မုာ် ကၠိဖိအဂုၤအဂၤတဖၣ်လၢ တၢ်နံၤကမှံ‚ တၢ်၀ံၢ် ၀ၣ်စုဒီး တၢ်ကကတိၤတၢ်လၢ အမုာ်အခုၣ်န့ၣ်လီၤႉ တၢ်အံၤဒုးကဲထီၣ် ကၠိဖိကိးဂၤ‚ တုၤဒၣ်လဲာ်လၢကၠိဖိလၢ အမံၤတဟူသၣ်တဖျါ‚ ကလၢၢ်ဘၣ် တၢ်တူၢ်လိာ်မုာ်တၢ်ဒီး တၢ်တူၢ်လိာ်အ၀ဲသ့ၣ်န့ၣ်လီၤႉ
ဒ်ပှၤစူၢ်က့ၤနာ်က့ၤခရၠာစးံာ်တဂၤအသိး‚ စတံဘၢၣ် သးအိၣ်နီၤဟ့ၣ် ယွၤအတၢ် သးခုလၢ ပှၤလၢအလိၣ်ဘၣ်တၢ်အံၤတဖၣ်န့ၣ်လီၤႉ အ၀ဲအတၢ်အိၣ်မူဒိတဲာ်လၢအဂ့ၤ‚ ဒ်ပှၤလၢအဒုးပလီၢ်တၢ်တဂၤအသိး‚ ဟ့ၣ်ထီၣ်တၢ်အဂ့ၤကတၢၢ်အါမံၤ အကျါတမံၤလၢ အမ့ၢ်တၢ်ကပီၤထီၣ် ခရၠာစးံာ်အတၢ်အဲၣ်တၢ်ကွံအံၤ မ့ၢ်တၢ်လၢအဟဲလၢ တၢ်သူၣ်အိၣ် သးအိၣ်တၢ် ခီဖျိသးလၢအဟဲတူၢ်လိာ်တၢ် အတၢ်ဟူးတၢ်ဂဲၤန့ၣ်လီၤႉ
လၢလံာ်မးသဲ ၅း၁၄-၁၆ ကစၢ်ယ့ၣ့်ှâးပာ်ဖျါထီၣ်လၢ အ၀ဲအပူၤ‚ ပမ့ၢ်ဟီၣ်ခိၣ် အကပီၤ ဒီး ၀့ၢ်တ၀့ၢ် အိၣ်၀ဲလၢကစၢၢ်ဒီခိၣ် (း၁၄) လီၤႉ တလီၢ်လီၢ်‚ ၀့ၢ်လၢပျၢၤတဖၣ် ဘၣ်တၢ်သူၣ်ထီၣ်အီၤလၢ လၢၢ်ထူၣ်၀ါတဖၣ်အဖီခိၣ်‚ မ့ၢ်နီၢ်နီၢ်တၢ်အိၣ်ဆၢထၢၣ် ဒ်အ၀ဲသ့ၣ်ဆဲးကြပုၢ်ကပြီၤထီၣ်မုၢ်အတၢ်ကပီၤန့ၣ်လီၤႉ မ့ၢ်ပကဃုထၢတၢ်ကပီၤလၢ အတဘၣ်တၢ်ပာ်ခူသူၣ်ပာ်သဒၢအီၤ ဆူတၢ်ကဟ့ၣ်ထီၣ်တၢ်ကပီၤလၢ ကပီၤထီၣ်န့ၢ် ပှၤလၢဟံၣ်ပူၤခဲလၢာ် (း၁၅) ဧါႉ
ဒီးဒ်ပဒုးကပီၤထီၣ်အီၤလၢ ပှၤကညီအမဲာ်ညါ (း၁၆) အသိး‚ အ၀ဲသ့ၣ်ကလဲၤ ခီဖျိဘၣ် ခရၠာစးံာ်အတၢ်အဲၣ်လၢ ပတူၢ်လိာ်မုာ်တၢ်လီၤ