မ့ၢ်ယအိၣ်ဒီးတၢ်ဘၣ်ဒိဘၣ်ထံး ဖဲ ၁၉၉၂ နံၣ်အခါ‚ ယတူၢ်ဘၣ် တၢ်ဆါယံာ်ဆါထၢ လၢယချၢဃံ‚ ယဖံထံခိၣ်ဒီးယကိာ်န့ၣ်လီၤႉ ဖဲတၢ်ဆါနးနးကလဲာ်ဒီး တၢ်သးဟးဂီၤ အဒိၣ်ကတၢၢ်အကတီၢ်‚ တၢ်အံၤတညီ၀ဲထီဘိ လၢယကနာ်ကစၢ်မ့ၢ်ဂ့ၤ‚ ယက စံးထီၣ်ပ့တၢၤယွၤမ့ၢ်ဂ့ၤန့ၣ်ဘၣ်လီၤႉ ဘၣ်ဆၣ် ဖဲတၢ်မၤအသးတဖၣ် တုၤယတူၢ်တန့ၢ်လၢၤဘၣ်န့ၣ် ယွၤအိၣ်ဒီးယၤထီဘိအံၤ မၤမုာ်ထီၣ်က့ၤယၤလီၤႉ အ၀ဲဒုးဆူၣ်ထီၣ်က့ၤ ယဂံၢ်ယဘါ‚ ဒီးမၤလီၤတံၢ်က့ၤယၤလၢအ၀ဲအတၢ်ဂ့ၤတၢ်၀ါတဖၣ် တဆီတလဲသးနီတဘျီဘၣ်‚ အတၢ်စိတၢ်ကမီၤတဖၣ်န့ၣ် တအိၣ်ဒီးတၢ်အထိၣ်အဒွးဘၣ်‚ ဒီးအလၤကပီၤတဖၣ် အိၣ်ဂၢၢ်ကျၢၤ၀ဲထီဘိ န့ၣ်လီၤႉ ဒီးဖဲယအိၣ်ဒီး တၢ်သးဒ့ဒီ လၢယကစၢ်အပူၤန့ၣ်‚ ယဘၣ်တၢ်ဟ့ၣ်ဆူၣ်ထီၣ်က့ၤ ယတၢ်စူၢ်တၢ်နာ် ခီဖျိ စီၤ့ှှၤဒရၠာစးး‚ စီၤမ့ၤ့ှှး‚ ဒီးစီၤဧဘ့ၤဒနကိၤတဖၣ် အတၢ်နာ် ကျၢၤမုဆှုန့ၣ်လီၤႉ အ၀ဲသ့ၣ် ဘူၣ်ထီၣ်ဘါထီၣ်ယွၤ ဒီးနာ်၀ဲလၢအကစၢ်အိၣ်ဒီးအီၤ‚ ဖဲဖျါလၢတၢ်မုၢ်လၢ်တအိၣ်ဘၣ် အကတီၢ်ဒၣ်လဲာ်လီၤႉ
ဖဲစီၤပၤနဘူၤကးနှစၢ် မၤပျံၤအ၀ဲသ့ၣ်‚ အ၀ဲသ့ၣ် မ့ၢ်တဃၣ်ယံၤကွံာ်အသး လၢ အကစၢ်အမ့ၢ်အတီ ဒီးဘူၣ်ထီၣ်ဘါထီၣ်အတၢ်ဂီၤထူဘၣ်န့ၣ် ကတ့ၢ်လီၤအ၀ဲသ့ၣ်ဆူ မ့ၣ်အူဖၣ်ကပူၤန့ၣ် (ဒၤ ၃း၁၃-၁၅) ‚ ပှၤသၢဂၤအံၤ ဒုးဖျါထီၣ်အတၢ်စူၢ်တၢ်နာ်လၢ အအိၣ်ဒီးသးဒူဒီး တၢ်နာ်ကျၢၤမုဆှုန့ၣ်လီၤႉ ယွၤမ့ၢ်တမၤပူၤဖျဲး အ၀ဲသ့ၣ်လၢ တၢ်ကီ တၢ်ခဲ အခဲအံၤ ဘၣ်ဆၣ် (း၁၈) ‚ အကစၢ်န့ၣ့်ကၢးကၢကီၣ်၀ဲဒီး အ၀ဲသ့ၣ်အတၢ် ဘူၣ်ထီၣ်ဘါထီၣ်လီၤန့ၣ် အသးတဒ့ဒီ၀ဲနီတဘျီဘၣ် (း၁၇) ႉ ဒီးဖဲအ၀ဲသ့ၣ် လိၣ်ဘၣ်အီၤအခါ ကစၢ်ယွၤတပာ်တ့ၢ်ထဲ အ၀ဲသ့ၣ်ဘၣ်ႉ ယွၤအိၣ်ဒီးအ၀ဲသ့ၣ် ဒီးဒီဒၣ်အီၤလၢ မ့ၣ်အူဖၣ်ကပူၤန့ၣ်လီၤ (း၂၄-၂၅) ႉ
ပ၀ဲစ့ၢ်ကီး ယွၤတပာ်တ့ၢ်ပှၤဘၣ်ႉ အ၀ဲအိၣ်ဒီးပှၤ လၢတၢ်မၤကွၢ်တဖၣ်အပူၤ‚ တၢ်မၤကွၢ် လၢအမၤဟးဂီၤတၢ်သ့ ဒ်စီပၤနဘူၤကးန့စၢ်အမ့ၣ်အူဖၣ်ကပူၤအသိးန့ၣ်လီၤႉ ပတၢ်တူၢ်ဘၣ်ခီၣ်ဘၣ်သ့ၣ်တဖၣ် မ့ၢ်တကတၢၢ်၀ဲ ဖဲအအံၤတကပၤဘၣ်ဆၣ်‚ ကစၢ်ယွၤန့ၣ် ထီဘိကမ့ၢ်တၢ်ဒိၣ်နီၢ်နီၢ်‚ ပနာ်န့ၢ်သ့ဒီး ဂ့ၤ၀ဲဒၣ်န့ၣ်လီၤႉ ပသန့ၤပသးလၢ ယွၤအတၢ်အိၣ်ဒီးပှၤထီဘိန့ၣ်လီၤႉ