‘‘ပှၤဆါအိၣ်လၢတၢ်ဒုး ဒီးBတီဆၢတၢ်ဆူးတၢ်ဆါအကတီၢ်အပူၤလီၤ’’န့ၣ် မ့ၢ်သရၠာစးၣ်မုၣ် ကဟုကယာ်ပှၤဆါအတၢ်ကွဲးနီၣ်လီၤႉ တၢ်လၢသရၠာစးၣ်မုၣ်အံၤ သ့ၣ်ညါဘၣ်က့ၤ၀ဲ လၢခံန့ၣ် မ့ၢ်ယနီၢ်ခိအိၣ်ဒီး တၢ်Bတီဆၢထီဒါ တၢ်ကူစါယါဘျါ တၢ်ဆါလၢ အတဘၣ် လိာ်ဒီးသွံၣ်ထံ‚ ဖဲယဖုးသံနီၣ်ထီၣ် လၢတၢ်အိးထီၣ်ယသးနါပှၢ် ဒီးကွဲးကါ ယသးလၢအမ့ၢ် တၢ်ကွဲးကါ အိးထီၣ်-သးဖျၢၣ် ၀ံၤအကတီၢ်န့ၣ်လီၤႉ ယနီၢ်ခိ ဒီတဂၤ ဟူး၀းတန့ၢ်‚ ကဲထီၣ်တၢ်ကလီ‚ ဒီးလၢ ယကိာ်ယူၢ်ပူၤ အိၣ်ဒီးပီၤတဘိန့ၣ်လီၤႉ ယနီၢ်ခိစးထီၣ်ဟူး၀းဆှဲးဆှိး‚ ယူထီဒါပျံၤသကီွၤ လၢအစၢဃာ်ယစုဒုၣ် လၢအမ့ၢ်ဒ်သိး ယသု တထဲးထီၣ်ကွံာ်ကလံၤပီၤ လၢယကသါနုာ်ကလံၤအဂီၢ်လီၤႉ တၢ်အံၤမ့ၢ်တၢ်မၤအသး လၢအလီၤပျံၤ ဒီးဆါဒိၣ်မး လီၤႉ တၢ်မၤအသးတကတီၢ် ဖဲသရၠာစးၣ်မုၣ်စၢၤ လၢယစုထွဲ တဂၤ သကူးလီၤအသး ဒီးဟံးဃာ်ယစုန့ၣ်လီၤႉ မ့ၢ်တၢ်လၢယတမုၢ်လၢ်‚ ဒီးမ့ၢ်တၢ်လၢအမၤမုာ်ယၤ န့ၣ်လီၤႉ ယနီၢ်ခိစးထီၣ် အိၣ်ဂၢၢ် ဒီးတဟူးတဂဲၤလၢၤ ဘၣ်န့ၣ်လီၤႉ
သရၠာစးၣ်မုၣ်စၢၤအိၣ်ဒီးတၢ်သ့ၣ်ညါ လၢအဒိးန့ၢ်ဘၣ်၀ဲ ခီဖျိအတၢ်ကဟုကယာ် ပှၤဆါအဂၤတဖၣ်‚ သ့ၣ်ညါ၀ဲလၢ စုလၢအမၤမုာ်တၢ်အံၤ ကမၤမုာ်စ့ၢ်ကီးယၤန့ၣ်လီၤႉ တၢ်အံၤမ့ၢ်တၢ်အဒိအတဲာ် လၢအဖျါဆှံဂ့ၤမး ဖဲလၢ အ၀ဲမၤမုာ်အဖိတဖၣ် လၢအဘၣ် တူၢ် တၢ်နးတၢ်ဖှီၣ်အဂ့ၢ်န့ၣ်လီၤႉ
တၢ်မၤမုာ်ထီၣ်က့ၤတၢ်န့ၣ် မ့ၢ်တၢ်အပိးအလီ လၢပှၤကဟုကယာ်တၢ်တဖၣ် စူးကါ‚ အိၣ်ဒီးအသဟီၣ်ဆူၣ် ဒီးဘၣ်တၢ်သးပ့ၤနီၣ်အီၤတသ့န့ၣ်လီၤႉ ဒီးစီၤပီလူး စံးဘၣ်ပှၤ ဖဲလံာ် ၂ကရၠာစးံၣ်သူး ၁း၃‚၄ အပူၤ‚ ဒ်အမ့ၢ်‚တၢ်အပိးအလီ လၢအကါဒိၣ် လၢကစၢ်ယွၤစူးကါအီၤန့ၣ်လီၤႉ တမ့ၢ်ထဲတၢ်အံၤ‚ ယွၤဒုးအါထီၣ်ဆူၣ်ထီၣ် အတၢ် မၤမုာ်ထီၣ်က့ၤတၢ် ခီဖျိအတၢ်ကိးဆူပ၀ဲဖိတဖၣ် လၢပကမၤမုာ်လိာ်သကိးပသးဖဲပဘၣ်တၢ်နးတၢ်ဖှီၣ်အကတီၢ်န့ၣ်လီၤႉ တၢ်အံၤ မ့ၢ်ယွၤအတၢ်အဲၣ် လၢအဒိၣ်နီၢ်မး အံၤအပနီၣ်‚ ဒီးမ့ၢ်တၢ်လၢပဟ့ၣ်ခီဟ့ၣ်နီၤလိာ်သကိးပသးသ့‚ တဘျီဘျီ လၢကျဲ ယိယိဖိ‚ ညီညီဖိ သ့၀ဲဒၣ်န့ၣ်လီၤႉ