တဘျီဘျီ‚ ယွၤဟံးန့ၢ် တၢ်ဆၢကတီၢ် ဒ်သိးအကစံးဆၢ ပတၢ်ထုကဖၣ်အဂီၢ်ဒီးတၢ်န့ၣ် တမ့ၢ်တၢ်လၢပနၢ်ပၢၢ်အီၤညီထီဘိဘၣ်န့ၣ်လီၤႉ တၢ်အံၤမၤအသး လၢစီၤစဃၤရၠာစးံ လၢအမ့ၢ်ပှၤလုၢ်တၢ်အဒိၣ်တဂၤ လၢဘၣ်တနံၤ ကလူးကၤ့ဘံၤအ့လးလီိၣ်ဖျါထီၣ် အသးလၢအီၤ‚ လၢ၀့ၢ်ယ့ှူၤ့ှှလ့ၣ်တၢ်လုၢ်ဟံၣ် တၢ်ဆိၣ်ကဲၤတၢ်နၢမူအလီၢ်အကပၤ န့ၣ်လီၤႉ ကၤBဘံၤအ့လးစံးဘၣ်အီၤ‚ ‘‘စီၤစဃၤရၠာစးံဧၢ‚ ပျံၤတၢ်
တဂ့ၤ‚ အဂ့ၢ်ဒ်အံၤ တၢ်နၢ်ဟူတ့ၢ်လံ နတၢ်ထုကဖၣ်‚ ဒီးနမါ နီၢ်အ့းလံၤစါဘ့း ကဆံးစၢ်န့ၢ်နဖိခွါ‚ ဒီးနဘၣ်ယုၢ် အမံၤ လၢစီၤယိၤဟၣ်လီၤ’’ (လူၤ ၁း၁၃) ႉ
ဘၣ်ဆၣ်ဒီး ဘၣ်တဘၣ်စီၤစဃၤရၠာစးံ ဃ့တ့ၢ်လံယွၤ လၢအကဟ့ၣ်အီၤဖိတဂၤ လၢအါနံၣ်အါလါအတီၢ်ပူၤ‚ ဒီးအ၀ဲဒၣ်အိၣ်ဒီးတၢ်သးဒ့ဒီ လၢကၤBဘံၤအ့လး အတၢ်စံး ဘၣ်အီၤ‚ မ့ၢ်လၢအမါနီၢ်အ့းလံၤစါဘ့း အသးအနံၣ်အလါ လဲၤတလၢကွံာ်တ့ၢ်လံ ဒ်သိးဒီးအကဒၢထီၣ်အဂီၢ်န့ၣ်လီၤႉ ယွၤစံးဆၢဒံးဒၣ် အတၢ် ထုကဖၣ်န့ၣ်လီၤႉ
ယွၤအတၢ်သ့ၣ်နီၣ် တလီၤတူၢ်လီၤကာ်ဘၣ်/ အ၀ဲသ့ၣ်နီၣ် ပတၢ်ထုကဖၣ် တဖၣ်‚ တမ့ၢ်ထဲလၢအနံၣ်အလါတဖၣ်‚ ဘၣ်ဆၣ်တုၤဆူစၢၤသွဲၣ် လၢအကဟဲတဖၣ်‚ လၢအလဲၤတလၢကွံာ် ပသးသမူတစိၤန့ၣ်လီၤႉ အ၀ဲတသးပ့ၤနီၣ် ပတၢ်ထုကဖၣ် နီတဘျီ‚ ဒီးကစံးဆၢ၀ဲ ဖဲလၢအနံၣ်အလါတဖၣ်လဲၤပူၤကွံာ် လၢပဃ့ထုကဖၣ် တၢ်လၢအီၤ အဆိကတၢၢ်၀ံၤအလီၢ်ခံန့ၣ်လီၤႉ အါစုအါဘျီ အတၢ်စံးဆၢမ့ၢ် ‘‘တန့ၢ်ဘၣ်’’‚ အဂၤအါဘျီ‚ ကမ့ၢ်၀ဲ ‘‘အိၣ်ခိး’’‚ ဘၣ်ဆၣ်အတၢ်စံးဆၢဘၣ် တၢ်ထိၣ် တဲာ်အီၤ လၢတၢ်အဲၣ်န့ၣ်လီၤႉ ယွၤအကျဲလဲၤတလၢကွံာ်ပကျဲ‚ ဘၣ်ဆၣ်ပနာ်သ့ လၢအမ့ၢ်တၢ်အဂ့ၤန့ၣ်လီၤႉ
စီၤစဃၤရၠာစးံသ့ၣ်ညါ ဘၣ်တၢ်ဂ့ၢ်အံၤန့ၣ်လီၤႉ အ၀ဲဃ့ဒ်သိးအကန့ၢ်ဘၣ် အဖိခွါ‚ ဘၣ်ဆၣ်ယွၤဟ့ၣ်အီၤအါန့ၢ်အန့ၣ်လီၤႉ အဖိခွါစီၤယိၤဟၣ် ကဒိၣ်ထီၣ် ဒ်သိးဒီး အကကဲထီၣ်စဲဃဲၤ ၀ံလၢအစံးပာ်ဆိ မ့းရၠာစးှံအၤ လၢအကဟဲတဂၤ အဂ့ၢ်န့ၣ်လီၤႉ စီၤစဃၤရၠာစးံ အတၢ်လဲၤခီဖျိ ဒုးနဲၣ်ဖျါ တၢ်မ့ၢ်တၢ်တီ လၢအကါဒိၣ် လၢပဟ့ၣ်ဂံၢ်ဟ့ၣ်ဘါပှၤ ဖဲပထုကဖၣ်တၢ်န့ၣ်လီၤႉ ယွၤအတၢ်သ့ၣ်ဆၢဖးကတီၢ်န့ၣ် တမ့ၢ်စဲဃဲၤပတၢ်ဆၢကတီၢ်‚ ဘၣ်ဆၣ်မ့ၢ်တၢ်လၢအBကၢးဒီးကၢကီၣ် လၢပခိးအီၤ န့ၣ်လီၤႉ