ဖဲယမါဒီးယၤ ပန့ၢ်ဘၣ်တၢ်အခွဲးဂ့ၤယာ်ဘၣ် ဒီးလဲၤဟးလိာ်ကွဲ လၢ၀့ၢ်ဖဲရၠာစး့း‚ တၢ်ဒုးနဲၣ်တၢ်ဂီၤအဒၢး ဒီးယဆဲးကျိးတၢ်ဆူ ယလံၤမုၣ်ဖိအဲးဒံၢ် လၢအသးအိၣ် ၁၁ နံၣ် အအိၣ်လီၤႉ ဖဲယစံးဘၣ်အီၤ လၢယထံၣ်ဘၣ် တၢ်ဂီၤမံၤဟူသၣ်ဖျါ လၢ ိၠရငညခင တ့အီၤလၢအမ့ၢ် ့သညၠ ူငျၠ န့ၣ်ဒီး အဲဲးဒံၢ်သံကွၢ်၀ဲ လၢ‘‘အ၀ဲနံၤကမှံဧါ’’န့ၣ်လီၤႉ
တမ့ၢ်ဘၣ်တၢ်သံကွၢ်ဖးဒိၣ်တထံၣ် လၢအဘၣ်ထွဲ ဒီးတၢ်ဂီၤအံၤန့ၣ်ဘၣ်ဧါႉ ူနသညၠမိသ တ့တၢ်ဂီၤအံၤ၀ံၤ အနံၣ် ၆၀၀ ဘျဲၣ် အလီၢ်ခံ ပတသ့ၣ်ညါလီၤတံၢ်ဒံး လၢပိာ်မုၣ်အံၤ နံၤကမှံဧါ‚ တနံၤကမှံဧါန့ၣ်ဘၣ်ႉ ပမ့ၢ်အိၣ် ဒီး တၢ်သူၣ်မံသးမုာ် ခီဖျိတၢ်ဂီၤအံၤ အတၢ်ဃံတၢ်လၤ သနာ်က့ဒီး‚ ့သညၠ ူငျၠ မ့ၢ်ပှၤဒ်လဲၣ်တဂၤလဲၣ်န့ၣ် ပသ့ၣ်ညါလီၤတံၢ်တသ့ဘၣ်/
‘‘တၢ်နံၤကမှံ’’အံၤ မ့ၢ်တၢ်ကူၣ်တၢ်ဆးခူသူၣ် လၢတၢ်တ့တၢ်ဂီၤအံၤ အပူၤန့ၣ်လီၤႉ ဘၣ်ဆၣ် တၢ်အံၤမ့ၢ်အတၢ်လၢအကါဒိၣ်ဒ်လဲၣ်‚ တၢ်နံၤကမှံ မ့ၢ်တၢ် လၢလံာ်စီဆှံပာ်ဖျါအီၤဧါ‚ တၢ်နီၢ်နီၢ်တခီ‚ တၢ်ကတိၤအံၤ ဘၣ်တၢ်ပာ်ဖျါထီၣ်အီၤ လၢလံာ်စီဆှံပူၤ စှၤန့ၢ်ဒံး (၅) ဘျီ‚ ဒီးမ့ၢ်တၢ်တမံၤ လၢတၢ်တစံးဘၣ်ပှၤနီတဘျီ လၢပကဘၣ်မၤအီၤန့ၣ်ဘၣ်ႉ ဒ်လဲၣ်ဂ့ၤန့ၣ်‚ လံာ်စီဆှံစံးဘၣ်ပှၤ လၢပကဘၣ်အိၣ်ဒီး တၢ်ပာ်သူၣ်ပာ်သး လၢအကဒုးနံၤကမှံပှၤ‚ ဒီးတၢ်န့ၣ် မ့ၢ်တၢ်ကတိၤ ‘‘တၢ်သးခု’’ န့ၣ်လီၤႉ ပဖးဘၣ်တၢ်ကတိၤ‘‘သးခု’’ဘူးတ့ၢ်မးလၢကပှဲၤထီၣ် အဘျီ (၂၅၀) န့ၣ်လီၤႉ ထါစံးထီၣ်ပ့တၢၤ၂၈း၇ ပာ်ဖျါထီၣ်လၢ စီၤဒၤ၀ံးဆိကမိၣ်ထီၣ် ကစၢ်ယွၤအဂ့ၢ်ဒီးစံး၀ဲ‚ ‘‘မၤသးဒ်န့ၣ်ဒီးယသူၣ်ဖှံသးညီဒိၣ်မး’’န့ၣ်လီၤႉ မၤကဒီး ဖဲထါစံးထီၣ်ပBတၢၤ ၃၃း၁ ပာ်ဖျါ‚ ‘‘သူၣ်ဖှံသးညီလၢယွၤအပူၤ‚ ဒီးစံးထီၣ်ပBတၢၤတၢ်လီၤ’’ႉ စံးထီၣ်ပ့တၢၤ ၁၁၉း၁၁၁ ပာ်ဖျါကဒီး‚ ‘‘နတၢ်အုၣ်အသးတဖၣ်န့ၣ် ႉႉႉ ဒုးဖှံဒုးညီယသးလီၤ’’‚ ဒီးစံးထီၣ်ပ့တၢၤ ၁၂၆း၃ ပာ်ဖျါကဒီး‚ ‘‘ယွၤမၤတၢ်အဒိၣ်တဖၣ် လၢပဂီၢ်‚ ဒီးပသးခုလၢအဃိလီၤ’’ န့ၣ်လီၤႉ
မ့ၢ်တၢ်လၢပနၢ်ပၢၢ်အီၤသ့ဂ့ၤမး လၢတၢ်သူၣ်ခုသးခု လၢကစၢ်ယွၤ ဟ့ၣ်ပှၤ ခီဖျိ တၢ်လၢအမၤ၀ဲ လၢပဂီၢ်ခဲလၢာ် ဒုးကဲထီၣ်တၢ်နံၤကမှံ လၢပမဲာ်သၣ်လိၤသ့ န့ၣ်လီၤႉ