ဖဲလၢယဟး၀့ၤ၀ီၤအနံၣ်တဖၣ်အကတီၢ် ဒီးလဲၤတုၤဆူ၀့ၢ်အါဖျၢၣ်အပူၤ လၢမုၢ်နၤန့ၣ် ယဘၣ်ကတဲာ်ကတီၤယသး ဒ်သိးယကပၢၢ်ထီၣ်ဂီၤဂီၤအဂီၢ် စးထီၣ် လၢယစးနုာ်လီၤ ဆူ ဟံၣ်ဒွဲ အပူၤန့ၣ်လီၤႉ ဒ်သိးယကပၢၢ်ထီၣ် ဘၣ်ဆၢဘၣ်ကတီၢ်လၢဂီၤအဂီၢ်‚ ယလိၣ်ဘၣ် ကွဲၤဒီနၢ် လၢအကလုၢ်ကသီၣ်ထီၣ်၀ဲဒၣ် လၢကဒုးပၢၢ်ထီၣ်ယၤန့ၣ်လီၤႉ
လံာ်တၢ်လီၣ်ဖျါအိၣ်ပာ်၀ဲ လၢသူၣ်လၢသး အတၢ် ဟ့ၣ်ပလီၢ်အတၢ်ကိး လၢတၢ်မၢဖိစီၤယိၤဟၣ် အတၢ်ကွဲး တဖၣ်အပူၤ ဆူတၢ်အိၣ်ဖှိၣ်နွံဖု လၢကီၢ်အၤစံအပူၤန့ၣ်လီၤႉ ဆူတၢ်အိၣ်ဖှိၣ်စၢ်ဒံအအိၣ် အ၀ဲဒၣ်ကွဲး၀ဲ တၢ်ကစီၣ်ဟဲ လၢကစၢ် ယ့ၣ်။းအအိၣ် ‘‘ႉႉႉ ယသ့ၣ်ညါ နတၢ်ဖံးတၢ်မၤ ဒီးနမံၤအိၣ် လၢနမူ‚ ဒီးနသံလီၤႉ ဆိးသီတက့ၢ်ႉ တၢ်လၢ အအိၣ်လီၤတဲာ် လၢအကသံတ့ၢ်တဖၣ်န့ၣ်‚ ဒုးဆူၣ်ထီၣ် အဂံၢ်အဘါတက့ၢ်ႉ အဂ့ၢ်ဒ်အံၤ‚ ယတထံၣ်န့ၢ်ဘၣ် နတၢ်ဖံးတၢ်မၤ လၢထီၣ်ပှဲၤထီၣ် လၢယွၤအမဲာ်ညါဘၣ်’’ (လီၣ်ဖျါ ၃း၁-၂) ႉ
လၢပအိၣ်ဒီး လၢသူၣ်လၢသးအတၢ်လီၤဘှံးလီၤတီၤ အခါ‚ ပတပာ်သူၣ်ပာ်သးဘၣ် လၢပဂံၢ်ဘါစၢ်လီၤ၀ဲ လၢပတၢ်ရၠာစး့ဒီးယွၤန့ၣ်လီၤႉ အဃိဒီး ယွၤစံးဘၣ်ပှၤ လၢ ‘‘မၤသးဒ်န့ၣ်ဒီး နဒိးန့ၢ်တၢ် ဒီးနနၢ်ဟူတၢ် ဒ်လဲၣ်ဒ်လဲၣ်န့ၣ် သ့ၣ်နီၣ်ထီၣ်တက့ၢ်’’ န့ၣ်လီၤ (း၃) ႉ
ပှၤအါဂၤထံၣ်၀ဲ လၢတၢ်အိၣ်ဒီး တၢ်ကတဲာ်ကတီၤသး လၢမုၢ်ဂီၤ ဒ်သိး ကဖးလံာ်စီဆှံ ဒီးဘါထုကဖၣ် ကတိၤတၢ်ဒီးယွၤန့ၣ် မ့ၢ်တၢ်လၢအမၤစၢၤအ၀ဲသ့ၣ် လၢသးတကပၤ ကအိၣ်ဒီး တၢ်သးသဒ့ၣ်အဂီၢ်န့ၣ်လီၤႉ တၢ်အံၤ တမ့ၢ်တၢ်မၤန့ၢ်ဘၣ်ႉ မ့မ့ၢ်တခီမ့ၢ်၀ဲ တၢ်ဆိးကါတၢ်ဆၢကတီၢ်ဃုာ်ဒီးကစၢ်ယ့ၣ်။း လၢတၢ်သူၣ်ဖှံသးညီ ဒီးသ့ၣ်ညါ လၢအ၀ဲကတဲာ်ကတီၤဆိန့ၢ်တၢ်လၢပဂီၢ် လၢတနံၤဘၣ်တနံၤန့ၣ်လီၤႉ