ဖဲလၢတၢ်ရၠာစး့လိာ်မုာ်လိာ်က့ှူၢ်ဆံးဖိ တက့ှူၢ်သံကွၢ်ယၤ လၢကဟဲအိၣ်ရၠာစး့လိာ်သကိးသး လၢပဟံၣ် အဆိကတၢၢ်တဘျီအခါန့ၣ် ယအဲၣ်ဒိးလၢယကသမၢကွံာ်အ၀ဲသ့ၣ်န့ၣ်လီၤႉ ယတၢ်တလၢတပှဲၤဘၣ်အဃိလီၤႉ ပဟံၣ် တအိၣ်ဘၣ်ဒီး လီၢ်ဆ့ၣ်နီၤအလၢအပှဲၤ လၢပှၤတမှံၤကိးဂၤဒဲးအဂီၢ်‚ ဒီးပဟံၣ်ဆံးဆံးဖိအံၤ တၢ်လီၢ်တအိၣ်၀ဲ ပှၤအါဂၤအဂီၢ်ဘၣ်ႉ ယတသ့ၣ်ညါတၢ်လၢ ဘၣ်မၤစၢၤတၢ်လၢ တၢ်ကတိၤ သကိးအဂီၢ်ဒ်လဲၣ်စ့ၢ်ကီးဘၣ်ႉ ဒီးယတသးအိၣ်မၤ လၢတၢ်ကတဲာ်ကတီၤတၢ်အီၣ်တၢ်အီ‚ မ့ၢ်လၢ ယဘၣ်ယိာ်လၢ ယစ့တလၢပှဲၤလၢ တၢ်အံၤအဂီၢ်န့ၣ်လီၤႉ ယဆိကမိၣ် လၢ တၢ်လၢတၢ်ပှဲၤ တအိၣ်ဒီးယၤဘၣ် လၢယကတူၢ်လိာ် တၢ်ရၠာစးဲၣ်တၢ်ကျဲၤအံၤအဂီၢ်ဘၣ်အဃိန့ၣ်လီၤႉ အဃိ ပအိၣ် ဒီးတၢ်ဘၣ်ယိာ်ဘၣ်ဘီ‚ ဘၣ်ဆၣ် ပတူၢ်လိာ်အ၀ဲသ့ၣ် န့ၣ်လီၤႉ တုၤလီၤဆူမဲာ်ညါ ယဲၢ်နံၣ်ဘျဲၣ်တစု ပတူၢ်လိာ်က့ၤ တၢ်ရၠာစး့လိာ်မုာ်လိာ်က့ှူၢ် အတၢ်ရၠာစးဲၣ်တၢ်ကျဲၤအံၤ ပှဲၤဒီးတၢ်သူၣ်ဖှံသးညီန့ၣ်လီၤႉ
ယကွၢ်က့ၤပှၤအိၣ်၀ဲတဂၤ လၢအမ့ၢ်၀ဲ ပှၤလၢအဟဲစိာ်န့ၢ်ကိၣ်လၢစီၤအလံၤ့ှှါ အဂီၢ် ဒီးလၢတၢ်သးဒ့ဒီအပူၤတဂၤအဂ့ၢ်န့ၣ်လီၤႉ စီၤအလံၤ့ှှါဟ့ၣ်ကူၣ်အီၤ လၢကဟ့ၣ် စ့ၢ်ကီး ကိၣ်ဆူပှၤဂီၢ်မုၢ်တဖၣ်အဂီၢ်န့ၣ်လီၤႉ ဘၣ်ဆၣ်ဒီးပှၤတဂၤအံၤ စံးဘၣ် စီၤအလံၤ့ှှါ လၢမ့မ့ၢ် ကိၣ်အဖျၢၣ်ခံဆံအံၤ ဘၣ်ကလၢ၀ဲ လၢပှၤဂီၢ်မုၢ် အဂၤတကယၤအဂီၢ် ကစီဒီဧါန့ၣ်လီၤႉ ဒ်အမ့ၢ် ပှၤဟီၣ်ခိၣ်ဖိတဂၤအသိး လီၤဂာ်လၢဘၣ်တၢ်မၤတ့ၢ်အီၤ လၢအကအိၣ်ဒီး တၢ်သးကဒံကဒါ လၢအကဘၣ်ယိာ်၀ဲ လၢအ၀ဲအိၣ်ဒီးတၢ်တလၢ တပှဲၤဘၣ်အံၤအဃိလီၤႉ ဘၣ်ဆၣ်ဒီး တၢ်အံၤလၢပှဲၤ၀ဲမးန့ၣ်လီၤ (၂ စီၤပၤ ၄း၄၄) ႉမ့ၢ်လၢကစၢ်ယွၤ ဟံးန့ၢ် အ၀ဲအတၢ်ဟ့ၣ်ဆံးအံၤ လၢအအိၣ်ဒီး တၢ်သးတီတၢ်ဒိကနၣ် အဃိ‚ ကစၢ်ယွၤ မၤလၢထီၣ်ပှဲၤထီၣ်၀ဲဒၣ် တၢ်လၢအလိၣ်တဖၣ်န့ၣ်လီၤႉ
ဖဲလၢပဆိကမိၣ်ဒီးသးဘၣ်ဒိလၢပတၢ်တလၢတပှဲၤဘၣ်‚ ဒီးမ့တမ့ၢ်ပဆိကမိၣ် လၢပတၢ်လၢတၢ်ပှဲၤ တအိၣ်ဘၣ်၀ဲန့ၣ်‚ သ့ၣ်နီၣ်ထီၣ်တၢ် လၢယွၤသးလီၤ၀ဲလၢ ပကဟ့ၣ်တၢ် လၢတၢ်သးအိၣ်ဒီး တၢ်သးတီအတၢ်ဒိကနၣ်န့ၣ်လီၤႉ အ၀ဲမ့ၢ်ယွၤ လၢ အမၤ ‘‘လၢထီၣ်ပှဲၤထီၣ်’’ တၢ်တဂၤန့ၣ်လီၤႉ