ဘဲးထံၣ်အဖိမုၣ် ဟဲက့ၤလၢထံဂၤကီၢ်ဂၤ ဆူဟံၣ်ဒီးတၢ်ဘၣ်တမုာ်ဘၣ်အီၤန့ၣ်လီၤႉ ဖဲလၢအ၀ဲအဖိမုၣ် တူၢ်ဘၣ်၀ဲ တၢ်ဆါတမုာ်တလၤဘၣ်န့ၣ် ဒီးဘဲးထံၣ် ဒီးအ၀ၤဆှၢ အဖိမုၣ်အံၤဆူ ဂ့ၢ်ဂီၤအူတၢ်ဆါဒၢးန့ၣ်လီၤႉ ယံာ်တစဲးဖိ၀ံၤ ကသံၣ်သရၠာစးၣ် ဒီးသရၠာစးၣ်မုၣ် တဖၣ် ဟဲဂီၤကွၢ်ဃီၤအီၤ ဒီးစံး၀ဲသ့ၣ်‚ ‘‘အ၀ဲတယံာ်ဘၣ် ဒီးအိၣ်ကမုာ် ထီၣ်၀ဲလီၤႉ ပကကွၢ်ထွဲယါဘျါအီၤ အဂ့ၤကတၢၢ်’’ န့ၣ်လီၤႉ တကီၢ်ခါ ဖဲန့ၣ် ဘဲးထံၣ်အသးမုာ်ထီၣ်၀ဲ ဒီးအသးပူၤ ပှဲၤမး၀ဲ ဒီးတၢ်အဲၣ်န့ၣ်လီၤႉ အ၀ဲနၢ်ပၢၢ်၀ဲလၢ ဖဲလၢအသးဘၣ်ယိာ်ဘၣ်ဘီတၢ် လၢအဖိမုၣ်အဂီၢ်အခါန့ၣ် ကစၢ်ယွၤ မ့ၢ်ပှၤလၢ အယါဘျါအဖိအလံၤတဖၣ် ဒီးမၤမုာ်ထီၣ်အဖိတဖၣ် ဒ်မိၢ်ပၢ်အသိး န့ၣ်လီၤႉ
လၢလံာ် ၅ မိၤဒီးအပူၤန့ၣ် ယွၤကစၢ်ဒုးသ့ၣ်နီၣ်ထီၣ် အပှၤကလုာ်တဖၣ် ဖဲလၢအဟး၀့ၤ၀ီၤတၢ် လၢမဲးမုၢ်ခိၣ် အခါ အ၀ဲဒၣ်အံးထွဲကွၢ်ထွဲ၀ဲအပှၤဂီၢ်မုၢ် ဒ်အမဲာ်ပှၤဖိအသိး ဆံးအါလဲၣ်န့ၣ်လီၤႉ အ၀ဲတလဲၤသဒၣ်ကွံာ်ဘၣ်အီၤဘၣ် အမဲာ်ညါ အံးထွဲကွၢ်ထွဲ အပှၤကလုာ်တဖၣ် ဒ်သိးကလူးတဂၤအသိး‚ ‘‘ယၤထီၣ် အဒံးဆ့’’ ဒ်သိး ကကဟု ကယာ် အဖိတဖၣ်ဒီး‚ ‘‘စိာ်ထီၣ်အီၤ လၢအဒံးဆ့အဖီခိၣ်အသိး’’န့ၣ်လီၤ (၃၂း၁၁) ႉ အ၀ဲဒၣ်အဲၣ်ဒိး လၢအပှၤကလုာ်တဖၣ် ကသ့ၣ်ညါနၢ်ပၢၢ်၀ဲဒၣ် လၢဖဲလၢအ၀ဲသ့ၣ် အိၣ်ဒီး တၢ်ကီတၢ်ခဲဖဲဘၣ်လဲၤခီဖျိဘၣ်လၢမဲးမုၢ်ခိၣ်အခါ ယွၤတလဲၤသဒၣ်ဘၣ်အီၤန့ၣ်လီၤႉ
ပ၀ဲဒၣ်သ့ၣ်တဖၣ်စ့ၢ်ကီး ဘၣ်တဘၣ် ပကလဲၤခီဖျိဘၣ်တၢ်ဒ်န့ၣ်အသိးန့ၣ်လီၤႉ ဘၣ်ဆၣ် ပဟံးန့ၢ်တၢ်ကူၣ်ဘၣ်ကူၣ်သ့ လၢပကစၢ်ယွၤအအိၣ်သ့၀ဲ ခီဖျိ အ၀ဲဒၣ် တလဲၤသဒၣ်ဘၣ်ပှၤ နီတဘျီအဃိန့ၣ်လီၤႉ ဖဲလၢပတူၢ်ဘၣ်တၢ် ဒ်ဘူးပကလီၤဃံၤ အခါန့ၣ် ကစၢ်လၢအလီၤဂာ် ဒ်မူခိၣ်ကလူးတဂၤအံၤ ကယၤထီၣ်၀ဲအဒံးဆ့ ဒီးဟံးဃာ် ပှၤ လၢအပာ်စိာ်န့ၢ်ပှၤ တၢ်မုာ်တၢ်ပၢၤအသိးန့ၣ်လီၤ (း၁၁) ႉ