လါယူၤ‚ ၂၀၀၄ နံၣ်‚ ဖဲ ၀့ၢ်ဘဲၣ်ခူဘါပီညါဒွဲလၤတၢ်သူၣ်ထီၣ်န့ၣ် ပှၤခန့ဒၣ်ပှၤလိာ်ကွဲြပၢ ပှၤဒိးနီၣ်တလူၣ်တၢ်လိာ်ကွဲြပၢလၢဘှှၣ်အကျါ‚ ဘဲးခံၣ်စကီးထ် ဒိးန့ၢ် အိၣ်လၣ်ပံး ခိၣ်ဖးထူ တၢ်မၤလၤကပီၤပနီၣ်န့ၣ်လီၤႉ တၢ်အံၤ လီၤသးစဲ မ့ၢ်လၢတၢ်ဂိၢ်ခါအိၣ်လၣ်ပံး တၢ်လိာ်ကွဲြပၢအံၤ ဒီးဘၣ်တၢ်ြပၢအီၤ ဖဲ ၂၀၀၂နံၣ် ဖဲကီၢ်စဲၢ်အူထါန့ၣ်လီၤႉ စကီးထ်ဒိးန့ၢ် စ့ပနီၣ်လၢပှၤလိာ်ကွဲ တၢ်ဖိခံဂၤအလီၢ်ခံန့ၣ်လီၤႉ ပှၤခံဂၤအံၤ ဘၣ်တၢ်ထုးထီၣ်ကွံာ်အီၤ လၢလါတဖၣ်ပူၤကွံာ် ဖဲပှၤသ့ၣ်ညါ ဘၣ် လၢအ၀ဲသ့ၣ်သူ၀ဲကသံၣ် လၢပှၤ့တီဃာ်အဃိန့ၣ်လီၤႉ တၢ်အံၤဂ့ၤ၀ဲ လၢစကီးထ်‚ အ၀ဲဒိးန့ၢ်ဘၣ်က့ၤ ထူပနီၣ် ဘၣ်ဆၣ် တၢ်ဆၢကတီၢ် လၢအလဲၤပူၤကွံာ်တစိၤသးမ့ၢ် အ၀ဲ့ကၢးဆၢထၢၣ်ဘၣ် လၢပျဲၢ်စီၢ်ခိၣ် ဒီးဒိကနၣ်အထံကီၢ် အတၢ်သး၀ံၣ်န့ၣ်လီၤႉ တၢ်တတီတလိၤ၀ဲအံၤ ပှၤမၤဘျါက့ၤတသ့ဘၣ်န့ၣ်လီၤႉ
တၢ်တတီတလိၤတမံၤဂ့ၤတမံၤဂ့ၤန့ၣ် မၤတံာ်တာ်ပသး ဒီးအၢန့ၢ်ဒံး ဘၣ်တၢ်သမၢ လၢကဒိးန့ၢ်တၢ်ပနီၣ် လၢအ့ကၢးကဒိးန့ၢ်အဂီၢ် ဘၣ်ကျဲးစၢးကီကီခဲခဲန့ၣ် အိၣ်၀ဲ လီၤတံၢ်န့ၣ်လီၤႉ စီၤကၤယံၣ်ဒီး စီၤဟ့းဘ့းလးအဂ့ၢ်တဲဘၣ်ပှၤ လၢတၢ်တတီတလိၤ အကတၢၢ်အတၢ်မၤသးအံၤန့ၣ်လီၤ (၁မိၤ ၄း၈) ႉ ဒီးပမ့ၢ်ကွၢ်တၢ်ဂ့ၢ်အံၤတဘျးန့ၣ် လီၤဂာ်ဒ် စီၤကၤယံၣ် မၤသံအပုၢ်ဒီး ဃ့ၢ်ပူၤဖျဲးအသးန့ၣ်လီၤႉလၢခံကတၢၢ်န့ၣ် အ၀ဲအိၣ်မူ အနံၣ်အလါထီထီ‚ အိၣ်မူ၀ဲလၢလၢပှဲၤပှဲၤ ဒီးအကတၢၢ်န့ၣ် တ့၀့ၢ်တဖျၢၣ်န့ၣ်လီၤ (း၁၇) ႉဘၣ်ဆၣ် ကစၢ်ယွၤ အနီၢ်ကစၢ်ဒၣ်၀ဲ ဒုးကွၢ်ဆၢၣ်မဲာ် စီၤကၤယံၣ်န့ၣ်လီၤႉ ကစၢ်ယွၤ စံးလၢ‚ ‘‘နပုၢ်အသွံၣ်အသီၣ်ကိးထီၣ်ယၤ လၢဟီၣ်ခိၣ်လာ်လီၤ’’ န့ၣ်လီၤ (း၁၀) ႉ လံာ်စီဆံှ အသီတက့တူၢ် လၢခံကဲွးနီၣ်ကွဲးဃါဘၣ်ဃးစီၤကၤယံၣ် ဒ်အမ့ၢ်တၢ်အဒိလၢ ပကဘၣ် ဟးဆှဲးန့ၣ်လီၤ (၁ယိၤ ၃း၁၂‚ ယူဒၤ ၁း၁၁) ႉ ဘၣ်ဆၣ် စီၤဟ့းဘ့းလးအဂ့ၢ် ပဖးဘၣ် လၢ‚ ‘သံဘၣ်ဆၣ် ကတိၤဒံးတၢ်‚ လၢအတၢ်နာ်အဃိလီၤ’ (ဧ့ၤ့ဘံၤ ၁၁း၄) ႉ
ကစၢ်ယွၤ ပာ်အသးနီၢ်နီၢ် လၢတၢ်တီတၢ်လိၤအဂီၢ်‚ လၢကမၤလိၤမၤဘၣ်က့ၤ တၢ်လၢကမၣ်တဖၣ် ဒီးကတဒီတဒါ ပှၤလၢအစိကမီၤတအိၣ်ဘၣ်အဂီၢ်န့ၣ်လီၤႉ လၢခံကတၢၢ်န့ၣ်‚ မတၤတဂၤမး ဃ့ၢ်ပူၤဖဲျးအသးလၢ တၢ်တတီတလိၤအတၢ်မၤအဃိ တသ့ဘၣ်န့ၣ်လီၤႉ ဒ်န့ၣ်အသိး ကစၢ်ယွၤတပာ်လီၤတဲာ် ဒီးတမၤလၤကပီၤပှၤလၢ ပတၢ်မၤလၢပမၤလၢအဂီၢ် လၢတၢ်နာ်န့ၣ်ဘၣ်န့ၣ်လီၤႉ