ဒ်ပှၤသးစၢ်တဂၤအသိး‚ ယပါပၢ် လဲၤတၢ်ဒီး အတံၤသကိးတဖၣ် လၢတၢ်လိာ်ခိၣ်လိာ်ကွဲ လၢအလီၤဘၣ်လၢ၀့ၢ်အဂၤန့ၣ် မ့ၢ်လၢကျဲဘိၣ်ဘ@ဒီး တၢ်စူၤထံအဃိ သိလ့ၣ် လီၤတလံာ်ဒီး တၢ်ဘၣ်ဒိဘၣ်ထံးဒိၣ်၀ဲန့ၣ်လီၤႉ အ၀ဲအတံၤသကိးတဂၤန့ၣ် ဟူးဂဲၤတန့ၢ် လၢၤဘၣ်‚ မ့မ့ၢ်အဂၤတဂၤန့ၣ် သံ၀ဲဒၣ်လီၤႉ ယပါပၢ်စ့ၢ်ကီး ဘၣ်တၢ်စံး၀ဲလၢ အ၀ဲ သံလံ‚ အဃိ ဘၣ်တၢ်ဟဲက့ၤစိာ်အီၤဆူ ပှၤပာ်ပှၤသံအလီၢ်လီၤႉမိၢ်ပၢ်လၢ အဖုးဘၣ်သးဒီး အိၣ်ပှဲၤမးဒီး တၢ်သးဘၣ်ဒိခံဂၤ ဟဲဆူအအိၣ် ဒ်သိးကမၤဂၢၢ်ကျၢၤက့ၤ အ၀ဲမ့ၢ်မတၤ မတၤလဲၣ် န့ၣ်လီၤႉ ဘၣ်ဆၣ်‚ ယပါပၢ်ဂ့ၤထီၣ်က့ၤ၀ဲ မ့မ့ၢ် တခီ သးပ့ၤနီၣ်ဘၣ်အသးယိာ်ယိာ်ဧိၤလီၤႉ မိၢ်ပၢ်ခံဂၤ အတၢ်သးအုး ကဲထီၣ်က့ၤ တၢ်သးခုန့ၣ်လီၤႉ
ဖဲလံာ်အ့းဖ့းစူး အဆၢဒိၣ် ၂ န့ၣ်‚ ‘‘တၢ်မၢဖိ စီၤပီလူး ဟ့ၣ်ပလီၢ်ပှၤ လၢမ့ၢ်ပအိၣ်လီၤဖးဒီးခရၠာစးံာ်န့ၣ် ပမ့ၢ်ပှၤလၢ အသံတ့ၢ် လၢတၢ်သ့ှူးကမၣ်ဒီး တၢ်ဒဲးတူာ်ဒဲးဘး အပူၤလီၤ’’ (း၁) ဘၣ်ဆၣ် မ့ၢ်လၢယွၤအတၢ်အဲၣ်ဖးဒိၣ်လၢပဂီၢ်အဃိ‚ ‘‘ယွၤလၢ အသူၣ်ကညီၤ တၢ်ဒိၣ်သးကညီၤတၢ်အါန့ၣ်‚ ပှၤလၢအသံလၢ တၢ်ကမၣ်အပူၤ ပ၀ဲဒၣ်အံၤ‚ မၤမူထီၣ်က့ၤ ဃုာ်ပှၤဒီးခရၠာစးံာ်လီၤ’’ (း၄-၅) ႉ ခီဖျိ ကစၢ်ခရၠာစးံာ်န့ၣ် ပဘၣ်တၢ်စိာ်က့ၤပှၤ လၢတၢ်သံဆူတၢ်မူန့ၣ်လီၤႉ
အဃိ ပ၀ဲကိးဂၤ‚ ပကမၣ်အိၣ်လၢ ပပၢ်အိၣ်လၢမူခိၣ်အအိၣ်လီၤႉ ခီဖျိ အ၀ဲအတၢ်အဲၣ် လၢအဒိၣ်၀ဲယိာ်၀ဲအံၤ‚ အ၀ဲဒုးကဲထီၣ်ပ၀ဲပှၤ လၢအသံတ့ၢ်လၢ တၢ်ဒဲးဘး အပူၤတဖၣ် လၢပကန့ၢ်က့ၤတၢ်မူ ခီဖျိအဖိသးဘိန့ၣ်လီၤႉ