ဘၣ်တဂီၤ‚ ယဖိမုၣ်ဟ့ၣ်လီၤ အလီတဲစိဆူ အဖိခွါအသးအိၣ် (၁၁) လါဖိအအိၣ် တစိၢ်ဖိ လၢအကမၤမုာ်အသးအဂီၢ်န့ၣ်လီၤႉ တမံးနံးဒၣ်လဲာ်တအိၣ်ဘၣ်‚ ယလီတဲစိသီၣ်ထီၣ်‚ဒီးဖဲယဟံးထီၣ်အီၤအခါ ယနၢ်ဟူဖိသၣ်အကလုၢ်ဖိန့ၣ်လီၤႉ လၢကျဲတဘိဘိန့ၣ် အ၀ဲ အစုထိးဘၣ် ‘တၢ်ကိးအခ@’ ဆူယနီၢ်ဂံၢ်‚ ဒီးတၢ်လၢအပိာ်ထွဲထီၣ်တခီ မ့ၢ်ပဒီဖံလံၤခံဂၤကတိၤလိာ်သး‚ လၢယကသ့ၣ်နီၣ်က့ၤ ထီဘိန့ၣ်လီၤႉ ယလံၤခွါဖိကတိၤတၢ်သ့ဒၣ်ထဲ တၢ်ကတိၤ စှၤဘီလီၤႉ ဘၣ်ဆၣ် အ၀ဲသ့ၣ်ညါ ယကလုၢ်ဒီး ကတိၤဆၢ ယၤန့ၣ်လီၤႉ အဃိယကတိၤတၢ်ဆူအအိၣ် ဒီးတဲဘၣ်အီၤ လၢယအဲၣ်ဘၣ်အီၤဆံးအါဆံးအါန့ၣ်လီၤႉ
တၢ်သးခုလၢ ယကလၢၢ်ဘၣ် ဖဲယနၢ်ဟူ ယလံၤဖိ အကလုၢ်န့ၣ် မ့ၢ်တၢ်လၢအဒုးသ့ၣ်နီၣ်ထီၣ်က့ၤယၤ ယွၤအတၢ်ဆၢန့ၢ်အဒိၣ်အယိာ် လၢအကရၠာစး့လိာ်သးဒီးပှၤ
အဂီၢ်န့ၣ်လီၤႉ လၢအခီၣ်ထံးလံၤလံၤန့ၣ်‚ လံာ်စီဆှံဒုးနဲၣ်ပှၤ လၢယွၤလူၤပိာ်ပခံသပှၢ်ပှၢ်န့ၢ်လီၤႉ ဖဲလၢစီၤအၤဒၣ်ဒီး နီၢ်အံၣ်အု မၤတၢ်ဒဲးဘး ခီဖျိတၢ်တဒိကနၣ် ယွၤအကလုၢ်ဒီး အိၣ်ခူသူၣ်လၢ တၤသၣ်လီၢ်အလီၢ်ခံန့ၣ် ‘‘ကစၢ်ယွၤကိးထီၣ်’’ စီၤအၤဒၣ်န့ၣ်လီၤ ( ၁ မိၤ ၃း၉) ႉ
ဆူညါ ယွၤလူၤပိာ်ပှၤဟီၣ်ခိၣ်ဖိအခံ ခီဖျိကစၢ်ယ့ၣ်။းန့ၣ်လီၤႉ မ့ၢ်လၢယွၤ ဆၢရၠာစး့လိာ် ဒီးပှၤအဃိ‚ အ၀ဲဆှၢလီၤ ကစၢ်ယ့ၣ်။း ဆူဟီၣ်ခိၣ်ချၢ ဒ်သိး ကဟ့ၣ်ပတၢ်ဒဲးဘးအပရၤ ခီဖျိတၢ်တူၢ်သံလၢထူၣ်စုညါအလိၤန့ၣ်လီၤႉ ‘‘ယွၤအတၢ်အဲၣ်တၢ်ကွံ အိၣ်ဖျါ၀ဲ လၢပဂီၢ်လၢတၢ်အံၤ‚ ႉႉႉ မ့ၢ်လၢအ၀ဲဒၣ်အဲၣ်ပှၤ‚ ဒီးမၢလီၤအဖိခွါဒီး‚ မၤပူၤမၤဖျဲး ပတၢ်ဒဲးဘးလီၤ’’ (၁ ယိၤ ၄း၉-၁၀) ႉ
ပသ့ၣ်ညါဘၣ်လၢယွၤအဲၣ်ပှၤ‚ ဒီးအဲၣ်ဒိး၀ဲလၢ ပကတူၢ်လိာ်ဆၢက့ၤ အတၢ်အဲၣ် ခီဖျိကစၢ်ယ့ၣ်။းလီၤႉ ဂ့ၤဆံးဒိၣ်လဲၣ်ႉ ဖဲပတသ့ၣ်ညါလၢ ပကဘၣ်စံးတၢ်မနုၤလဲၣ် အခါဒၣ်လဲာ်‚ ပပၢ်လၢမူခိၣ်ဆၢနၢ်ဟူဘၣ်ပှၤလံႉ