အ၀ဲသ့ၣ်စံး၀ဲ ပ၀ဲခဲလၢာ်ပလီၤဂာ် ဒ်တဂၤဃီအသိးန့ၣ်လီၤႉ ပှၤကိး ‘‘ဒီးဖဲလ်ကဲၢ်န်ကၢ်‚ ဒ်ပှၤတနီၤစံး၀ဲ ‘‘ပှၤခံဂၤလီၤဂာ်လိာ်သး ဒ်တဂၤဃီအသိး’’ န့ၣ်လီၤႉ ကွၢ်လီၤဂာ်‚ ပ၀ဲပှၤဟီၣ်ခိၣ်ဖိတဖၣ် ပတလီၤဂာ်လိာ်ပသး ဒ်အမ့ၢ်တဂၤဃီအသိးဘၣ်န့ၣ်လီၤႉ
ယနီၢ်ကစၢ်ဒၣ်ယဲ တဘျီန့ၣ် တၢ်မၤအသးလၢယကလဲၤကွၢ် ပှၤသး၀ံၣ်တၢ် မံၤဟူသၣ်ဖျါတဂၤအမူးအပွဲန့ၣ်လီၤႉ ဖဲလၢယလဲၤကွၢ် အ၀ဲအမူးသးဖှံအခါန့ၣ်‚ ယထံၣ်ပှၤလၢအလီၤဂာ်လိာ်သး ခံဂၤ‚ ခံဂၤအါမး ဖဲလၢတၢ်အိၣ်ဘှံးအိၣ်သါအကတီၢ် န့ၣ်လီၤႉ ဘၣ်ဆၣ်‚ အၣ်လါ‚ ဖဲလၢ ကၠံၣ်မ်ထ့လၣ်ဟဲထီၣ် ဒီးဖီၣ်ထီၣ်ကထါ (ဂီတာ) ဒ်သိးကသ့သး၀ံၣ် တၢ်လီၤမးန့ၣ် ယဆိကမိၣ်ပှၤအဂၤတဂၤ လၢ ကၠံၣ်မ်လီၤန့ၣ် ယသ့ၣ်ညါ လၢယကွၢ်ပှၤကမၣ်လံန့ၣ်လီၤႉ တၢ်မၤသးအံၤမ့ၢ်ဒၣ် ပကွၢ် ပှၤ‘‘လီၤဂာ်’’လိာ်သးန့ၣ်လီၤႉ
နလီၤဂာ်လၢမတၤလဲၣ်ႉ ဒ်နဆိကမိၣ်ထီၣ် တၢ်သံကွၢ်အံၤအခါ ဒုးဖျါထီၣ်၀ဲ လၢ ၂ ကရၠာစးံၣ် ၃း၁၈ ဖဲလၢစီၤပီလူးစံးဘၣ်ပှၤလၢ ‘‘ပဘၣ်တၢ်လဲလိာ်ပသးဆူ တၢ်အက့ၢ်အဂီၤတမံၤဃီအံၤ‚ လၢတၢ်လၤကပီၤဆူ တၢ်လၤကပီၤ‚ ဒ်လၢကစၢ်အသးအသိးန့ၣ်လီၤ’’ ဒ်ပဃု ပာ်ဒိၣ် ပကစၢ်ယ့ၣ်။းအသိးန့ၣ် ပကဘၣ်လီၤဂာ်ဒီးအီၤလီၤႉ ဘၣ်ဆၣ်ဒီး တၢ်အံၤတစံးပှၤ လၢပကဘၣ်ပာ်ထီပခၣ်ဆူၣ်‚ ဒီးဒိးခီၣ်ဖံးတၢ်ဖံး ဒ်ကစၢ်ယ့ၣ်။း ဒိး၀ဲအသိးန့ၣ်ဘၣ်ႉ မ့မ့ၢ်တခီမ့ၢ်ဒၣ် ပကဘၣ်ဒုးနဲၣ်ဖျါထီၣ် ပတၢ်အိၣ်မူလီၤဂာ် ဒီးခရၠာစးံာ် လၢပတၢ်အိၣ်မူ‚ ပတၢ်ဖံးတၢ်မၤန့ၣ်လီၤႉ အဒိန့ၣ်‚ လၢပတၢ်ပာ်သူၣ်ပာ်သး (တၢ်ဆီၣ်လီၤသး) ‚ လၢပသကဲာ်ပ၀း (တၢ်အဲၣ်တၢ်ကွံ) ‚ ဒီးတၢ်သူၣ်ကညီၤသးကညီၤ (လၢပတၢ်အိၣ်မူ လဲၤသးခဲလၢာ်အပူၤ) ပကဘၣ်လီၤဂာ်ဒီးကစၢ် ဒီးဟံးန့ၢ်အ၀ဲအက့ၢ်အဂီၤန့ၣ်လီၤႉ
ဒ်ပ‘‘ကွၢ်ထံဆိကမိၣ်ကစၢ်အလၤကပီၤ’’ အသိးန့ၣ် ခီဖျိလၢပကွၢ်လိ ယ့ၣ်။းအဃိ ဒီးပဒိၣ်ထီၣ်၀ဲသ့‚ ပလီၤဂာ် ဒီးအီၤအါထီၣ်၀ဲသ့န့ၣ်လီၤႉ ဖဲလၢပှၤဂၤကွၢ်ပှၤ ဒီးဖးပှၤအခါန့ၣ် ကစံး၀ဲဒၣ်လၢ ‘‘ယထံၣ်ကစၢ်ယ့ၣ်။းလၢနပူၤလီၤ’’ န့ၣ်လၢမနုၤ တမံၤလဲၣ်ႉ