စးထီၣ်လၢတၢ်စဲးကျံး လူ ၀ီလ့း အတၢ်တဲဖးထီ‚ လၢအဘၣ်ဃးဒီး ကစၢ်ခရၠာစးံာ် အဂ့ၢ်အကျိၤ‚ တၢ်တဲပူအမံၤ လၢ ‘‘ဘံၢ်ဟါ‚ ကစၢ်ခရၠာစးံာ်အဂ့ၢ်’’ ဖဲ ၁၈၈၀ ဒီးတုၤလီၤလၢအကတီၢ်အံၤ‚ လံာ်အံၤ ဘၣ်တၢ်စဲကျံးအါထီၣ်အီၤ ထီဘိလိၤႉ လံာ်အံၤ တၢ်ကိးအီၤလၢ ‘‘နံၣ်ကယၤတဆံခွံ‚ ပှၤခရၠာစးံာ်ဖိအလံာ် လၢအကဲဘျုးဒိၣ်ဘၢ အဒိၣ်ကတၢၢ်လၢ ပှၤခရၠာစးံာ်ဖိအလံာ်ခဲလၢာ်အဖီခိၣ်လီၤႉ လံာ်အံၤ မ့ၢ်တၢ် ပာ်ဖျါထီၣ် ကစၢ်ခရၠာစးံာ်အဂ့ၢ်တံၢ်နီၢ်‚ ဒီးပှၤယူဒၤသးစၢ် ဘံၢ်ဟါ အဂ့ၢ်အကျိၤ ဒီးထုးန့ၢ် ပှၤဖးလံာ်အသးဒိၣ်မးလီၤႉ
ပှၤကွဲးလံာ် အ့ၣ်မံၣ် လံးစဲၣ် ကွဲးတၢ်လၢ ဟူမဲနထံ မဲးကစဲ အပူၤ ဒီးစံး၀ဲ‚ တၢ်ကွဲးလၢ လံာ်အံၤအပူၤ သ့ၣ်တဖၣ် ဒုးလဲလိာ်က့ၤပှၤလၢအကွဲးအီၤ ၀ီလ့း အတၢ်အိၣ်မူ အပူၤလီၤႉ ဒ်ဘံၢ်ဟါဒုးနဲၣ် ပှၤလၢအဖးလံာ်သ့ၣ်တဖၣ် ကစၢ်ခရၠာစးံာ်အတၢ်အဲၣ်တၢ်ကွံအသိး‚ အ၀ဲဆှၢဒီးဒုးနဲၣ်စ့ၢ်ကီး ၀ီလ့းအကျဲ ဒ်သိးကစၢ်ခရၠာစးံာ်လီၤႉ ၀ီလ့း စံး ‘‘ယထံၣ်ဘၣ် ပှၤနစၤရၠာစးံးဖိတဂၤ မၤတၢ်တဖၣ် လၢမတၤတဂၤမး တမၤ၀ဲန့ၣ်လီၤ’’ႉ
တၢ်ကွဲးနီၣ်ကွဲးဃါ လၢအပာ်ဖျါထီၣ်ကစၢ်ခရၠာစးံာ် အသးသမူတဖၣ်‚ ပျဲပ၀ဲ ပကလဲၤတၢ်ဒီးအီၤ‚ ထံၣ်ဘၣ်တၢ်မၤလီၤဆီလီၤလး‚ နၢ်ဟူဘၣ် အကလုၢ်ကထါ‚ ဒီးထံၣ်ဘၣ် တၢ်မၤလၤကပီၤအီၤ‚ ဖဲအ၀ဲလဲၤနုာ်ဆူ ၀့ၢ်ယ့ှူၤ့ှှလ့ၣ်အပူၤ (မ့တမ့ၢ်) ဖဲထီလၣ်အမုၢ်နံၤလီၤႉ ဖဲဘျၢတၢ်စီၤယိၤဟၣ် အမုၢ်နံၤလၢခံကတၢၢ်န့ၣ် တၢ်ကွဲး၀ဲ ‘‘ကစၢ်ခရၠာစးံာ်မၤတၢ်လီၤလး အိၣ်၀ဲအါမး လၢအပျဲၢ်အဘီၣ်တဖၣ် အမဲာ်ညါ လၢတဘၣ် တၢ်ကွဲးနီၣ်ကွဲးဃါအီၤ လၢလံာ်အပူၤအိၣ်၀ဲလီၤႉ ဘၣ်ဆၣ် တၢ်သ့ၣ်တဖၣ်န့ၣ် မ့ၢ်၀ဲ တၢ်ကွဲးလၢ‚ နကဘၣ်နာ်နဲလၢခရၠာစးံာ်မ့ၢ် မ့း့ှှံအၤ‚ ယွၤအဖိခွါ‚ ဒီးခီဖျိနတၢ်နာ်န့ၣ် နကဒိးန့ၢ်ဘၣ် သးသမူလၢ ကစၢ်ခရၠာစးံာ်အမံၤအပူၤလီၤ’’ (ယိၤ ၂၀း၃၀-၃၁) ႉ
ဒ် ၀ီလ့းအတၢ်ဃုထံၣ်သ့ၣ်ညါ‚ အတၢ်ဖးလံာ်စီဆှံ‚ ဒီးအတၢ်ကွဲးသ့ၣ်တဖၣ် ဆှၢအီၤဆူ ကနာ်ခရၠာစးံာ်အအိၣ်အသိးန့ၣ်‚ ကစၢ်ယွၤအကလုၢ်ကထါ ထုးဃီၤပသး လၢပလဲလိာ်က့ၤ ဒီးကအိၣ်မူဘၣ်လီၤစိၤလီၤထီ ခီဖျိလၢအ၀ဲဒီးအမံၤလီၤႉ