ယမါ ဖီန့ၢ်ကသူတကပၢၤ လီၤလီၤဆီဆီ လၢဟါတၢ်အီၣ်အဂီၢ်လီၤႉ အ၀ဲဟံးန့ၣ် တၢ်ညၣ်အသံကစဲာ်‚ နွဲၣ်သီဖီတံၢ်‚ တၢ်နၢမူအလၣ်‚ ကုၤ‚ သဘၣ်ဘီတံၢ် ဒီးပသၢဂီၤတဖၣ် ဒီးတ့ၢ်နုာ်၀ဲဆူတပၢၤပူၤ ဒီးဖီ၀ဲဒၣ်ကယီကယီလီၤႉ လၢခံဃုနၣ်ရၠာစးံၣ် နွံနၣ်ရၠာစးံၣ်ဃၣ်ဃၣ် ဒီးဟံၣ်ဒီဖျၢၣ်ပှဲၤ၀ဲဒီးတၢ်နၢမူ ဒီးတၢ်အီၣ်ကွၢ်တမီမ့ၢ်တၢ်မၤမုာ်ပသးလီၤႉ ထီဘိန့ၣ် မ့ၢ်တၢ်ဂ့ၤ ဒီးကဲဘျုးလၢပဂီၢ် လၢပကအိၣ်ခိးတုၤတၢ်ညၣ်‚ တၢ်ဒိးတၢ်လၣ်ဒီးတၢ်နၢမူတဖၣ် ကဃါဃုာ်ပာ်ဖှိၣ်အသး ဒီးကဲထီၣ်ကသူအဘဲတကပၢၤန့ၣ်လီၤႉ အိၣ်ဒၣ် အတၢ်တပူၤဒၣ်န့ၣ် ကဲထီၣ်ကသူအဘဲတကပၢၤ တသ့ဘၣ်ႉ ဖဲစီၤပီလူး စူးကါ၀ဲ တၢ်ကတိၤ ‘‘မၤဃုာ်အသးဘၣ်ထွဲဒီး တၢ်တူၢ်ဘၣ်ခီၣ်ဘၣ်န့ၣ် အ၀ဲစူးကါ၀ဲ တၢ်ကတိၤအဖျၢၣ် တၢ်ကတိၤအံၤအိၣ်ဒီး အခီပညီ မ့ၢ်၀ဲတၢ်မၤသကိးတၢ် အဘျုးအဖှိၣ် န့ၣ်လီၤႉ အ၀ဲကွဲး၀ဲ ဒီးပသ့ၣ်ညါလၢ ပှၤလၢအအဲၣ်ယွၤ‚ ပှၤလၢအဘၣ်တၢ်ကိးအီၤ ဒ်တၢ်ကူၣ်ပာ်အသိးတဖၣ်န့ၣ် တၢ်ခဲလၢာ်မၤဃုာ်အသး လၢတၢ်ဂ့ၤအဂ့ၢ်လၢအဂီၢ်လီၤ (ရၠာစးိ ၈း၂၈) ႉ အ၀ဲအဲၣ်ဒိး၀ဲလၢ ပှၤရၠာစးိမ့ၤဖိတဖၣ် ကသ့ၣ်ညါ၀ဲလၢကစၢ်ယွၤတဒုးအိၣ်ထီၣ် တၢ်တူၢ်ဘၣ်ခီၣ်ဘၣ်တၢ်ဘၣ်ႉ မ့မ့ၢ် ကဒုးမၤဃုာ် တၢ်အိၣ်အသးတဖၣ် ဒီးယွၤအတၢ်တိာ်ကျဲၤတဖၣ် လၢပတၢ်ဂ့ၤအဂီၢ်လီၤႉ တၢ်အဂ့ၢ် လၢစီၤပီလူးအဲၣ်ဒိးစံး၀ဲန့ၣ် တမ့ၢ်တၢ်ဆိၣ်ဂ့ၤဆိၣ်၀ါ ဘၣ်ဃးဒီးအအံၤတဃၣ် လၢအမ့ၢ် တၢ်အိၣ်ဆူၣ်အိၣ်ခ@ တၢ်ထူးတၢ်တီၤ‚ ပှၤအတၢ်ဘၣ်သူၣ်ဘၣ်သးပှၤ ဒီး တၢ်မၤန့ၢ်မၤနၢၤတဖၣ်ဘၣ်ႉ မ့မ့ၢ်တခီမ့ၢ် ‘‘တၢ်လီၤဂာ်ဒီးအဖိခွါအက့ၢ်အဂီၤ န့ၣ်လီၤ’’ (း၂၉) ႉ
မ်ပကအိၣ်ခိးတၢ်လၢ တၢ်၀ံသးစူၤ‚ ဒီးတၢ်သးခူတလ့ၢ်တက့ၢ်ႉ တၢ်အံၤမ့ၢ်လၢပပၢ်အိၣ်လၢမူခိၣ်န့ၣ် ဟံးန့ၢ်တၢ်တူၢ်ဘၣ်ခီၣ်ဘၣ် တၢ်သူၣ်ကိၢ်သးဂီၤ‚ တၢ်လၢ အအၢအသီတဖၣ် ဒီးဒုးမၤသကိးတၢ်အံၤခဲလၢာ် လၢအ၀ဲအလၤကပီၤအဂီၢ် ဒီးပသူၣ်ဂ့ၢ်သးကျိၤအတၢ်ဂ့ၤအဂီၢ်လီၤႉ အ၀ဲအဲၣ်ဒိးဒုးလီၤဂာ်ပှၤ ဒီးယ့ၣ်။းခရၠာစးံာ်န့ၣ်လီၤႉ ့ၠမလငည တငူူငၠာျ