ယဖိခွါဆံးမ့ၢ် ပှၤလၢ အအဲၣ်ဒိကနၣ်ယကလုၢ်‚ မ့တမ့ၢ်ဘၣ်လၢ ယကိးထီၣ်အမံၤလၢ ယကလုၢ်ဆူၣ်ဖးဒိၣ်အပူၤဒီး ယတၢ်သံကွၢ်လၢ အပိာ်ထွဲထီၣ် ‘‘နအိၣ်ဖဲလဲၣ်’’ န့ၣ်လီၤႉ ယမၤညီနုၢ်ယသးဒ်အံၤဒီး ကိးအီၤဒ်အံၤ ဖဲအ၀ဲမၤတၢ် လၢအတဂ့ၤတ့ကၢးတဖၣ်ဒီး အိၣ်ခူသူၣ်အသးဒီးယၤအခါန့ၣ်လီၤႉ ယအဲၣ်ဒိးလၢ ယဖိခွါကဒိကနၣ်ယကလုၢ် မ့ၢ်လၢ ယဘၣ်ယိၣ်တၢ်လၢ အတၢ်အိၣ်ဆူၣ်အိၣ်ခ@အဂီၢ်ဒီး ယတအဲၣ်ဒိးလၢ အ၀ဲကဘၣ်ဒိဘၣ်ထံးအဃိန့ၣ်လီၤႉ
စီၤအၤဒၣ်ဒီး နီၣ်အံၣ်အုတဖၣ် ညီနုၢ်နၢ်ဟူ၀ဲ ယွၤအကလုၢ်ဖဲတၤသၣ်လီၢ်အပူၤန့ၣ်လီၤႉ နာ်သက့ဒီး ဖဲအ၀ဲကိးထီၣ် ‘‘နအိၣ်ဖဲလဲၣ်ခီလဲၣ်’’ အခါန့့ၣ် (၁ မိၤ ၃း၉) အ၀ဲသ့ၣ် ကွၢ်ဆၢၣ်မဲာ်ယွၤ တဘူၣ်၀ဲဘၣ်ႉ မ့ၢ်လၢ အ၀ဲသ့ၣ် အမၤကမၣ်ဘၣ်တၢ် ခီဖျိ အလုၣ်သ့ၣ်ခါပတာ် ယွၤအတၢ်မၤလိာ်န့ၣ်လီၤ (း၁၁) ႉ
ဖဲယွၤကိး စီၤအၤဒၣ်ဒီးနီၢ်အံၣ်အု ဒီးထံၣ်အ၀ဲသ့ၣ်လၢ တၤသၣ်လီၢ်အခါ အ၀ဲအတၢ်ကတိၤတဖၣ်အံၤ မ့ၢ်တၢ်ဘှီထီၣ်က့ၤတၢ်‚ အိၣ်ဒီး တၢ်အစၢလၢ အပိာ်ထွဲထီၣ်အခံလၢ တၢ်မၤကမၣ်အဃိလီၤ (၁၃-၁၉) ႉ ဘၣ်ဆၣ်ယွၤ ဒုးနဲၣ် အတၢ်သးကညီၤဒီး ဟ့ၣ်အ၀ဲသ့ၣ်တၢ်မုၢ်လၢ်လၢ အမ့ၢ်တၢ်အၢၣ်လီၤအီလီၤ‚ ပှၤအုၣ်က့ၤခီၣ်က့ၤတၢ်တဂၤ လၢပှၤကညီတဖၣ်အဂီၢ်န့ၣ်လီၤ (း၁၅) ႉ
တလိၣ်ဘၣ်လၢ ယွၤကဃုထံၣ်န့ၢ်ပှၤဘၣ်ႉ အ၀ဲသ့ၣ်ညါ ပအိၣ်ဖဲလဲၣ်ဒီး ဘၣ်မနုၤ ပအိၣ်ခူသူၣ်၀ဲဒၣ်လဲၣ်န့ၣ်လီၤႉ ဘၣ်ဆၣ်‚ ဒ်အမ့ၢ်ပၢ်တဂၤလၢ အအဲၣ်ပှၤ အသိး‚ အ၀ဲအဲၣ်ဒိးကတိၤတၢ် ဆူပသးပူၤဒီး ဟဲစိာ်တၢ်ပျၢ်ပတၢ်ဒဲးဘးဒီး မၤသီက့ၤပှၤ န့ၣ်လီၤႉ အ၀ဲအိၣ်ခိးပှၤ ဒ်သိးပကနၢ်ဟူဒီး ဒိကနၣ်အကလုၢ်န့ၣ်လီၤႉ ုငူငၠ ၣ်ခ့သၠ