ပကထံၣ်ဘၣ် ဆၣ်ဖိကီၢ်ဖိလၢ အအၢအသီဖးဒိၣ် သၢဒုဖိးဟုဖိးဃာ်လိာ်သး လိာ်ကွဲ
သကိးန့ၣ် မ့ၢ်တၢ်ကီဖးဒိၣ်ဒီးတညီနုၢ်မၤအသးဘၣ်ႉ တၢ်အံၤမၤအသးလီၤတံၢ် လီၤဆဲးကိးမုၢ်နံၤဒဲးလၢ ကီၢ်စဲၣ်ကၠီၤကၠံယၢ် အဆၣ်ဖိကီၢ်ဖိ အလီၢ်ပူၤဖျဲးတတီၤ
အပူၤန့ၣ်လီၤႉ အပူၤကွံာ် ၂၀၀၁ နံၣ်အပူၤ ခ့ယုၢ်တဒု‚ ဘီၣ်သိၣ်တဒုဒီး တၤသူဖးဒိၣ်
တဒု တၢ်တကနၢ်ဃုာ်အ၀ဲသ့ၣ်‚ တၢ်မၤတတီတ့တၢ် အ၀ဲသ့ၣ် တဘျုးလါ၀ံၤအလီၢ်ခံ ဘၣ်တၢ်အုၣ်က့ၤ
ခီၣ်က့ၤအီၤလၢ နိအၤကဘီဆၣ်ဖိကီၢ်ဖိအလီၢ်ပူၤဖျဲး န့ၣ်လီၤႉ ပှၤဘၣ်မူဘၣ်ဒါအခိၣ်အစၢၤတဂၤ စံး၀ဲလၢ ပပာ်လီၤဖး အ၀ဲသ့ၣ်သ့ကစီဒီ ဘၣ်ဆၣ်ဒီး အ၀ဲသ့ၣ်ဟဲ ဒ်ဒူၣ်ဖိထၢဖိတဒူၣ်အသိးအဃိ‚ ပပာ်လီၤပသးလၢ ပကဒုးအိၣ် အ၀ဲသ့ၣ် တပူၤဃီလီၤႉ ဆၣ်ဖိကီၢ်ဖိသၢဒုန့ၣ် ထံၣ်န့ၢ်က့ၤ တၢ်မၤမုာ်မၤခုၣ် အသး ဖဲလၢတၢ်မၤအီၤ တတီတ့တၢ်အ၀ဲသ့ၣ် အကတီၢ်ပူၤကွံာ်အဃိ‚ အကလုာ်ဒၣ်၀ဲ
မ့ၢ်လီၤဆီလိာ်သး ဘၣ်ဆၣ်‚ အိၣ်သကိး၀ဲ မုာ်မုာ်ခုၣ်ခုၣ်န့ၣ်လီၤႉ
တၢ်ဃူတၢ်ဖိးန့ၣ် မ့ၢ်တၢ်ဃံတၢ်လၤ တမံၤလီၤႉ ဘၣ်ဆၣ်ဒီး စီၤပီလူး ကွဲးတၢ်ပရၠာစးၢဆူ ပှၤစူၢ်က့ၤနာ်က့ၤတၢ် လၢ၀့ၢ်အ့းဖ့းစူးအပူၤ ဘၣ်ဃး တၢ်ဃူတၢ်ဖိး
န့ၣ် မ့ၢ်တၢ်ဂ့ၢ်လီၤဆီတမံၤ လီၤတံၢ်လီၤဆဲးလီၤႉ စီၤပီလူး ဟ့ၣ်ဂံၢ်ဟ့ၣ်ဘါ ပှၤအ့းဖ့းစူးဖိတဖၣ် လၢကအိၣ်မူထီၣ်ဘး ယွၤအတၢ်ကိးက့ၤအီၤဆူ ခရၠာစးံာ်အနီၢ် တဂၤဃီအပူၤအသိး (အ့း ၄း၄‚၅) အဂီၢ်န့ၣ်လီၤႉ ခီဖျိ ယွၤအသးမုၢ်စီဆှံ အစိၤကမီၤန့ၣ် အ၀ဲသ့ၣ်အိၣ်မူလၢ တၢ်ဃူတၢ်ဖိးအပူၤ ဖဲအ၀ဲသ့ၣ် ဆီၣ်လီၤအသး‚
ပာ်သးသညူးသပှၢ် ဒီးတၢ်သူၣ်စူၤသးစူၤန့ၢ်၀ဲ သ့၀ဲဒၣ်လီၤႉ တၢ်ပာ်သူၣ်ပာ်သး
ဒ်သိးအံၤ မၤအိၣ်ထီၣ် တၢ်ကီၤသူၣ်ကီၤသးလၢ တၢ်အဲၣ်တၢ်ကွံအပူၤ (အ့း ၄း၂) ‚ ခီဖျိ
ကစၢ်တဂၤဃီ‚ တၢ်နာ်တမံၤဃီ‚ တၢ်မုၢ်လၢ်တမံၤဃီလၢ ကစၢ်ခရၠာစးံာ်အဃိန့ၣ်လီၤႉ
ပမ့ၢ်လီၤဆီလိာ်ပသးဒၣ်လဲာ် ဒ်ပမ့ၢ်ကစၢ်ယွၤ အဒူၣ်ဖိထၢဖိတဖၣ်အသိး ပဘၣ်တၢ်မၤဘၣ်လိာ်က့ၤပှၤဒီးအီၤ ခီဖျိအုၣ်ခီၣ်ကစၢ် အတၢ်ဒိးသံအသးဒီး ပဘၣ်
တၢ်မၤဘၣ်လိာ်က့ၤပှၤကဒဲကဒဲ တဂၤဒီးတဂၤ ခီဖျိသးမုၢ်စီဆှံကစၢ် မၤတၢ်လၢ ပတၢ်အိၣ်မူအပူၤတဘိယူၢ်ဃီအဃိန့ၣ်လီၤႉ ့ၠမရငည တငူူငၠာျ